Bombay Tamil Teacher

ஈஸ்டர்  முட்டை கிறிஸ்துமஸ் என்றால் கேக் .  பொங்கல் என்றால் கரும்பு.  தீபாவளி என்றால் விளக்கு.  ஹோலி என்றால் வண்ணம்.  இப்படி சில அடையாளங்களைக்  கொடுத்துப் பண்டிகைகளைக் கொண்டாடிக்  கொண்டிருக்கிறோம்.    ஈஸ்டர் என்றதும் நினைவுக்கு வருவது  எது என்றால் கிறிஸ்து கல்லறையில் இருந்து  உயிர்த்தெழுதல்  என்று சட்டென்று  சொல்லி விடுவோம்.  கிறிஸ்துமஸ் கேக் போலவே  ஈஸ்டருக்கும் ஏதாவது   ஒரு பொருள்  சிறப்பானதாக  இல்லாமலா இருந்திருக்கும்? அந்தத் தேடலில் கையில் வந்து அகப்பட்டது ஒரு முட்டை. ஆஹா....அழகியதொரு முட்டை அந்த முட்டையைக் கையில் எடுத்தபடி ஈஸ்டர் நாட்களை நோக்கிப் பயணித்தேன். இந்த வருடம் ஈஸ்டர் கொண்டாட்டம் முட்டையோடு தொடங்கட்டும்  என்று மனக்கணக்குப் போட்டு வைத்தேன். இந்த வருடம் என்ன எல்லா வருடமும் ஈஸ்டர் என்றால் முட்டைதான் நினைவுக்கு வரும். வர வேண்டும் .   கிறிஸ்துமஸ் நாட்களில் எப்படி கேக் முக்கியத்துவம் பெறுகிறதோ அதுபோல ஈடஸ்டர் நாளில் முட்டை சிறப்பான இடத்தைப் பிடித்துள்ளது. அதற்கான வரலாற்றுத் தேடல...

மன்னன் உயிர்த்தே மலர்தலை உலகு  "உண்டி கொடுத்தோர் உயிர் கொடுத்தோரே" என்று படித்திருக்கிறோம். அதனால்தான் வேளாண்மை உயிர்நாடி என்கிறோம். விவசாயி வேளாண் தொழில் செய்யாவிட்டால்...எந்தத் தொழில் வளர்ச்சியடைந்தும் பயனில்லை. ஒரு வயிற்றுச் சாப்பாட்டுக்குத்தான் இத்தனை ஓட்டமும் ...ஓயா உழைப்பும்.. தூங்கா விழிகளும்... ஓய்வறியா உடம்பும்....ஓட்டமும் நடையும். ஆனால் வயிற்றுக்குச் சாப்பாடு கிடைத்துவிட்டால் மட்டும் போதுமா?   அதனால் திருப்திபட்டுக்கொள்கிறோமா  என்றால் இல்லை என்பதுதான் உண்மை. ஒன்று கிடைத்தால் இன்னொன்றின்மீது நாட்டம். அதுவும் கிடைத்துவிட்டால்.... இன்னும் கொஞ்சம் வசதி வாய்ப்பைப் பெருக்கிக் கொள்ளலாமோ என்று ஆசை வந்து பிடறியைப் பிடித்து முன்னே தள்ள உட்கார நேரமில்லாமல் சாப்பிட நேரம் எடுத்துக் கொள்ளாமல் பணத்தின் பின்னால்  பதவியின் பின்னால் பேரும் புகழும் பெற்றுவிட வேண்டும் என்ற ஒரு போதையில்  வெறி கொண்டு ஓடத்தொடங்கிவிடுவோம். இப்படியாக நமது ஓட்டம் ஒருநாளும் நின்றபாடில்லை. சரி.எல்லாம் கிடைத்துவிட்டது. இனி நிம்மதியாக வாழலாம் என்றால் வருமான வரித்துறை அதிகாரிகள் எந்த நேரத்தில் வந்து...

பணி ஓய்வுப் பாராட்டு மடல் நாஞ்சில் தமிழ்மணக்க நல்லோர் குடியிருக்க நாநிலம் புகழுமூர் அழகப்பபுரம் என்றிருக்க நன்மக்கள் ஞானசிகாமணி அலிஸ்மேரி மடிசிறக்க நன்மகள் அமுதா அவதரித்தார் குலம் சிறக்க இல்லறம் நல்லறமாய் இனிதே நடந்திருக்க இருவர் மகவானார் குலம் தழைத்திருக்க இணையாய் இல்லத்தில் கொண்டாட்டங்கள் நிறைந்திருக்க  இறையருள்  வாய்த்தது திருக்குடும்பமாய் வாழ்ந்திருக்க கேயர் நகரில் ஆசிரியப்பணிக்காய் முதலடி பதித்திருக்க ஓர்லிநாக்கா சாந்தாகுரூஸ் எங்கும்  நின்குரல் ஒலித்திருக்க  ஆரே காலனியில் ஆசிரியப்பணி நிறைவு என்றிருக்க ஆண்டவன் அருள் செய்தார் ஆசிர்வாதம் நிறைந்திருக்க மேதகு சிக்ஷக் சபா பெண்கள் குழு தலைவராய்  அமுதா நடக்க மேயர் விருது  மணிமுடியில் மரகதமாய் ஜொலித்திருக்க மென்மேலும் பதவிகள் பற்பல  அழகூட்டி நிற்க மேன்மையாய் வலம்வந்தார் மாநகராட்சி எங்கும் பெயர்சிறக்க பேச்சில் தமிழிருக்க மூச்சினில் கடமையிருக்க பெருமுனைப்போடு உழைத்தார் மாணவர் கல்வி சிறக்க பெரும்பேராய்  நிமிர்ந்த நன்னடை வாய்த்திருக்க பொறித்தது மாநகராட்சி  வரலாற்றுப் பக்கங்களில் அமுதா பெயர்நிலைத்திரு...

இட்லி தினம்  மார்ச் 30 உலக இட்லி தினம். இட்லிக்கும் ஒரு தினமா? மீந்து போன இட்லி மாவில் சுடும் தோசைக்கே ஒரு தினம் இருக்கும்போது இட்லிக்கு ஒரு தினம் இருக்கக்கூடாதா என்ன? இட்லி என்றாலே தமிழர் உணவுதான். இட்லி சாம்பாருக்குப் பேர் பெற்றவர்கள் நாம் தான் . இதில் பெருமை உண்டு. எவ்வளவுதான் மல்லிகைப்பூ இட்லி, குஷ்பு இட்லி என்று பெருமைமையாகப் பேசினிலும் இட்லியின் பிறப்பிடம் தமிழகம் இல்லையாம். என்னது இட்லி நம்ம ஊர்  உணவு இல்லையா? இவ்வளவு நாளும் எங்க ஊர் இட்லிக்கு இணையாகுமா உங்க ஊர் உணவு வகைகள் ...என்று எத்தனை இடங்களில் எத்தனை மொழி பேசுபவர்களின் சொல்லிச் சொல்லிப் பெருமைப் பட்டிருக்கிறேன். இப்படி பொசுக்கென்று இப்படி சொல்லிலிபுட்டீங்களே....என்கிறீர்களா? விடுங்கள். இந்தோனேசியாகாரர்கள் வேண்டுமென்றால் இட்லியின் தாயகம் இந்தோனேசியா தான் என்று  பெருமைப்பட்டுக் கொள்ளட்டும். ஆனால்  இட்லியைத் தரமேம்பாட்டுக்கு உட்படுத்திய  பெருமை நம்மைத்தான் சேரும்.இதை யாரும் தட்டிப்பறித்துச் சென்றுவிட முடியாது. எத்தனை விதமான இட்லி வகைகளை அவித்துக் கொடுத்துக் கொண்டிருக்கிறோம். எந்தத் தானியத்திலும் இட்லி ...

ஏப்ரல் ஒன்று -அறிவாளிகள் தினம்  ஏமாறுவதும் ஏமாற்றுவதும் மகிழ்ச்சியாக நடைபெறும் நாள்தான் ஏப்ரல் ஒன்று  முட்டாள்கள் தினம் இல்லை ...இல்லை அறிவாளிகள் தினம். அம்மாவுக்கான நாள் ஒன்று உண்டு. அப்பாவுக்கான நாளும் உண்டு. அப்பாவுக்கும் அம்மாவுக்கும் ஒரு நாளை உருவாக்கி வைத்த நாம் குழந்தைகளை மட்டும் விட்டு வைப்போமா என்ன ?  குழந்தைகள் நாள் என்று ஒன்றைக் கொண்டாடி மகிழ்ந்தோம்.  குழந்தைகளிலும் பெண் குழந்தைகளுக்கு  ஒரு நாள் என்று பிரித்துப் பார்த்துக்  கொண்டாடினோம்.  பெண் குழந்தைகளைக் கொண்டாடும் நாம்  மகளிரை மட்டும் விட்டு வைத்தால் எப்படி என  மகளிர் தினமும் கொண்டாடினோம்.    மனிதர்களோடு மட்டும் கொண்டாட்டங்களை  வைத்துக் கொண்டால் எப்படி ?   நீருக்கு ஒருநாள்.நிலத்துக்கு ஒரு நாள். காட்டுக்கு ஒருநாள். காட்டு விலங்குக்கு ஒருநாள். சிட்டுக் குருவிக்கும்கூட ஒரு நாள் என்று நமது கொண்டாட்டங்கள் பலுகிக் கொண்டே போனது.  நினைத்தாலே சிரிப்புதாங்க வருகிறது.  அட...சிரிப்புக்கும் ஒரு நாள் கொண்டாடினோமே. இப்படி பகுத்துப் பார்த்துப் பார்த்து நாட்களைக் கொ...

கொடைமடம் கொண்ட பேகன்  கடையேழு வள்ளல்கள் வரிசையில் முதன்மையாக வைத்துக் கொண்டாடப்படுவர்கள் முல்லைக்குத்தேர் கொடுத்த பாரி மன்னனும் மயிலுக்குப் போர்வை போர்த்திய பேகன் மன்னனும் ஆவர். அப்படி இவர்கள் இருவரும் என்ன செய்துவிட்டார்கள்? இவர்களை ஏன் அதிகமாகக் கொண்டாடிக் கொண்டிருக்குக்கிறோம்? அதற்கான பின்னணி என்ன? என்ற கேள்வி எழாமலில்லை. ஒருவர் வள்ளல் என்பது எதை வைத்து வரையறை செய்யப்படுகிறது? வள்ளண்மை என்பது எந்தவித எதிர்பார்ப்பும் இல்லாது செய்யப்படும் உதவி. தன்னைவிட  பொருளாதாரத்தில் தாழ்ந்தநிலையில் இருப்பவர்களுக்கு செய்யப்படும் உதவி  . கொடை எல்லா மன்னர்களும் கொடுப்பார்கள். கொடை நாம் அறிந்த ஒன்று. ஆனால்  இங்கே கொடை மடம் என்றால் என்ன என்ற ஒரு கேள்வி எழுகிறது. கொடைமடத்திற்கான விளக்கத்தை அறிவதற்கு முன்னர் அதற்கு எடுத்துக்காட்டாக வாழ்ந்தவர் யார் என்பதை நாம் அறிந்து கொண்டால் எளிதில் புரிந்து கொள்ள முடியும். பரணர் என்ற புலவர் பாடிய  ஒரு புறநானூற்றுப் பாடலைத் திரும்பிப் பார்த்தால் நமக்கு கொடை மடம் என்றால்  என்ன என்பது நன்குப் புரியும். கடையேழு வள்ளல்களுள் ஒருவரான ஆவியர் குறுநி...

கையில் ஊமன் கண்ணிற் காக்கும் வெண்ணெய்  சங்க இலக்கியம் என்றதுமே  அது படித்தவர்களுக்கு மட்டுமே உரியது என்பதுபோல முகத்தைத் திருப்பி வைத்துக் கொண்டு ஒதுங்கி  நின்று விடுவோம். காரணம் பல சொற்கள் பொருள் புரியாததுபோல இருப்பதுதான். படித்தவர்களும் இதைப்போய் யார் படிப்பார்கள் என்று சாதாரணமாகக் கடந்து போய்விடுகின்றனர். தமிழ் ஆர்வலர்கள் மட்டும் மாங்குமாங்கென்று படித்து தமிழ் இலக்கிய இன்பத்தை நுகர்ந்து மகிழ்ச்சியில் வாழ்ந்து  கொண்டிருக்கின்றனர். உண்மையிலேயே சங்க இலக்கியம் படித்தவர்களுக்காக எழுதி வைக்கப்  பட்டதா? நமது வாழ்வியலைச் சொல்வதுதான் இலக்கியம். நாம் பார்த்த... நம்மோடு பழகிய ..! இன்றும் நாம் கண்டு சுவைக்கத் கூடிய நடைமுறை செயல்பாடுகளைக் கண்முன்  கொண்டு நிறுத்துவதாகவே இலக்கியங்கள்  இருக்கின்றன.   படிக்கப் படிக்கத் தான் இந்த  உண்மை புரியும்.   அந்த அழகியலை  அருமையான சொல்லோவியத்தை சங்க இலக்கியப் பாடல்களில்  நான் கண்டு வியந்ததுண்டு. நான் வியந்து பார்த்த அந்தக் காட்சியை உங்கள் கண்முன் கொண்டு வந்து நிறுத்த விழைகிறேன். அந்தக் காட்சி உங்களுக்கு...

அச்சம் தவிர்  "அறஞ்செய விரும்பு "என்று தனது ஆத்திசூடியை அறத்தோடு தொடங்கினார்  ஔவை. பாரதியார் தனது புதிய ஆத்திசூடியை "அச்சம் தவிர் "என்று  தன்னம்பிக்கையூட்டித் தொடங்கியிருக்கிறார்.   அத்தோடு விட்டு விட்டாரா? அடுத்த வரி "ஆண்மை தவறேல்" அதாவது மன வலிமையை இழக்காதே! நம்பிக்கை தரும் வரி இல்லையா? அதைத்தொடர்ந்து மூன்றாவதாக "இளைத்தல் இகழ்ச்சி" என்கிறார். அதாவது சோர்ந்துபோய் பின்தங்கிவிடக் கூடாது.அது இகழ்வடைய காரணமாக அமைந்துவிடும். என்று தட்டி எழுப்பிக் கொண்டே வருகிறார். இதுதான் பாரதியின் பாடல்களில் இருக்கும் மந்திரமும் தந்திரமும்.    பாரதியின் பாடல்கள் என்றாலே ஒரு இளமையின் துள்ளலும்  உயிரோட்டமான உணர்வும்  உணர்ச்சியூட்டலும் கொண்டதாகவே இருக்கும். எதற்கும் அஞ்சா துணிச்சலை வளர்த்தெடுக்க உரமூட்டும் கருத்துக்கள் அதற்குள் பொதிந்து வைக்கப்பட்டிருக்கும். நம்மைத்  தட்டி எழுப்புவதாக இருக்கும். இலக்கண வரம்புக்கு உட்படாமல் புதுக்கவிதைக்குப் பாதை அமைத்துத் தந்தவராயிற்றே! யாருக்கு அஞ்ச வேண்டும்? எதற்கு அஞ்ச வேண்டும்? என்று துணிச்சலோடு சொல்ல வந்த கருத்தினை அள்ளி வீசிய...

வல்வில் ஓரி பெயர்க்காரணம்  கடையேழு வள்ளல்கள் யார் யார் என்றால் பாரி, காரி ,ஓரி ,பேகன் ,அதியமான், ஆய் ,நல்லி என்று வரிசையாக சொல்லி விடுவோம். இதில் பாரியைப்பற்றிக் கேட்டால் முல்லைக்குத் தேர் கொடுத்தான் பாரி என்று சொல்லி விடுவோம். அதியமான் ஔவைக்கு நெல்லிக்கனி  கொடுத்தான் என்பது நாடறிந்த செய்தி. ஓரி யார் என்றால்....சற்று தடுமாறி நிற்போம். வல்வில் ஓரி என்று சொல்லுவோம். வல்வில் ஓரிதான் .ஏன் அவருக்கு அந்த பெயர் வந்தது.? அந்தப் பெயருக்கும் அவரை  கடையேழு வள்ளல்களுள் ஒருவராக கொண்டாடுவதற்கும் காரணம் என்ன? இந்தக் கேள்விகளை முன் வைத்தால்... சற்று  சிந்திக்க ஆரம்பிப்போம். கோயபல்ஸ் பொய் என்பதுபோல உண்மையையும்  மறுபடியும் மறுபடியும் உரக்கச் சொல்ல  வேண்டும். அப்போதுதான் உண்மை என்று நம்பப்படும். .அப்போதுதான் நம் மனதும் அதனைப் பதிவு செய்து வைத்துக் கொள்ளும். அல்லது ஒரு ஓரத்தில் தூக்கி வைத்துவிட்டு கடந்து சென்று கொண்டே இருக்கும். வாருங்கள்.  வல்வில் ஓரிக்கு இந்தப் பெயர் கிடைக்கத் தகுதி இருக்கிறதா? யாரிந்த வல்வில் ஓரி என்று பார்த்துவிடுவோம். எல்லா மன்னர்களுக்கும் இயல்பாக ஒர...

ஒட்டா ஒருமதி கெட்டாய்  போட்டியும் பொறாமையும் நிறைந்ததுதான் உலகம்.      ஐந்தறிவுள்ள விலங்குகள் உணவுக்காக மட்டுமே போட்டி போடுகின்றன.      ஆனால் ஆறறிவுள்ள மனிதன் மட்டும்தான் பெருமைக்காக  போட்டி போட்டுக் கொள்கிறான்.       தான்தான் பெரியவன் என்பதைக்  காட்டிக் கொள்வதற்காக  போட்டி போடுகிறான்.      போட்டி ...பொறாமை.... சண்டை... சச்சரவு....  இவை எல்லாம் சாதாரண மக்களிடையே காணப்படும் அன்றாட நிகழ்வு.  ஆனால்    அப்படி இருங்கள் ....இப்படி இருங்கள் என்று நமக்கு அறிவுரை கூறும் பெருமதியாளரிடமும்  பொறாமை காணப்படும்போது அது சற்று  நம்மை  அதிர்ச்சி அடையத்தான் வைக்கிறது. இப்படியும் இருப்பார்களா என்று வியக்க வைக்கிறது. நகைக்க வைக்கிறது. சற்றே சிந்திக்க வைக்கிறது. யாரிந்த போட்டியாளர்கள்? புலவர்கள்தான். புலவர்களிடையே அப்படி என்ன போட்டி? புலமையை மெய்ப்பிப்பதில் முந்தி நிற்பது நீயா நானா  என்பதுதான் போட்டி.  குறை கண்டு பிடிப்பதிலேயே  சிலர் குறியா...

மணிவிழா வாழ்த்து மடல்  பொருநை நகர் திருமிகு சிதம்பரம் பிள்ளை சந்திரகாந்தா இணையர்  பேர் சொல்ல வந்த பாபு ராமகிருஷ்ணன்  சாந்தா எனும் நல்லாளொடு  நல்லறம் செய்ய வரமாய் வாய்த்தது இந்த அறுபதாம் அகவை நாள் விழா! "மகன் தந்தைக்காற்றும் உதவி இவன் தந்தை  என்னோற்றான்கொல் எனும் சொல்" என்னும் செந்நாப்புலவர் வாக்குகேற்ப பெற்றோர்  பெருமிதம் கொள்ள பேரறத்தான் சிவசிதம்பரம்  சீர்பட கண்டுஉவக்க பிறந்தது பாபுவின்  மணி விழா! எங்கள் இல்லத்தில் இது ஆனந்த திருவிழா உள்ளத்தில் பேரிகை கொட்டட்டும் இது பேரின்பப் பெருவிழா வானவரும் வாழ்த்தட்டும் இது வசந்தகாலத் திருவிழா  வளமும் நலமும் கூட்ட வந்த பருவகாலத் திருவிழா! சுற்றமும் நட்பும் அகமகிழும் அழகுத் திருவிழா  உறவுகள் உவக்க வந்த பிறந்தநாள் விழா  தமிழ் போல  இனிமை நிறை மணிவிழா  -நாளை முடிசூட்டப் போகும்  பவளவிழாவிற்கு இதுதான் திறப்பு விழா  கரமசைத்து வரவேற்க வாய்ப்பு கேட்கிறது முத்துவிழா  "நூறாண்டு வாழ்க நோய்நொடி இல்லாது வளர்கவெனும்" வாழ்தொலியோடு வாயிலில் காத்து நிற்கிறது நூற்றாண்டு விழா முத்திரையாய்...

உலக மகிழ்ச்சி நாள் கொண்டாட்டங்களும் குதுகலமும் இல்லாமல் வாழ்க்கை இல்லை. பிறந்த நாளில் நாலுபேர்  வாழ்த்திவிட்டால் அதில் மனம் மகிழ்ச்சியடைகிறது. விரும்பிய உணவுப் பொருளை வாங்கி உண்டுவிட்டால் .... கையை மணத்துப் பார்த்து பார்த்து மகிழ்கிறோம். உறவினர்கள் வீட்டிற்கு வந்துவிட்டால் விழுந்து விழுந்து உபசரித்து நம் மகிழ்ச்சியை வெளிப்படுத்துகிறோம். தேர்வில் வெற்றிபெற்று விட்டால்... ஏதோ இமாலய சாதனை படைத்துவிட்டது போன்று துள்ளிக் குதித்து மகிழ்ச்சியை வெளிப்படுத்துகிறோம். இரண்டு குடம் தண்ணீர் கிடைக்கும் ஊரில் மூன்று குடம் தண்ணீர்  கிடைத்துவிட்டால்.... அதனைச் சொல்லிச் சொல்லி மகிழ்கிறோம். புது சட்டை அணிந்துவிட்டால்.... நாள்முழுவதும் ஏதோ ஒரு மகிழ்ச்சி வந்து தொற்றிக்கொண்டு  ஆகாயத்தில் மிதப்பது போன்று உணர்கிறோம். புதிதாக குளிர்சாதனப்பெட்டி வாங்கிவிட்டால்.... திறந்து திறந்து பார்த்து காற்றைத் குடித்து  மகிழ்கிறோம். நாலு கிரவுண்ட் நிலம் வாங்கிவிட்டால்... வாழ்க்கையில் ஏதோ ஒரு பெரிய சாதனை புரிந்துவிட்டது போல நிலத்தைப் பார்த்துப் பார்த்துப் பெருமிதம் கொள்கிறோம். வாடகைவீட்டில் வாழ்ந்த நாம் சொ...

மரமது மரத்திலேறி  ஓர் அரசனுக்கு தனியாக வேட்டைக்குச் செல்ல ஆசை. வேட்டைக்குச் செல்ல வேண்டுமானால் காட்டிற்குச் செல்ல வேண்டும். காட்டிற்கு நடந்து செல்லவா முடியும்?  தேர் வேண்டும்.  தேர் வேண்டும் என்றால் மரம்  வேண்டும்.  மரம் வெட்டி வரப்பட்டது. இப்போது மரத்தாலான தேர்  தயாராயிற்று. தேரை இழுத்துச் செல்ல  குதிரை  கொண்டுவரப்பட்டது. வேட்டையாட வெறுங்கையோடு போக முடியுமா? தோளில் மூங்கில் மரத்தின் வளைந்த கொம்புகளால் செய்யப்பட்ட வில்  ஒன்றை எடுத்துக் கொண்டான். கையில்  ஒரு மரக்கம்பு பிடியாலான வேல் ஒன்றையும் எடுத்துக் கொண்டான். இப்படி ஒரு முழு வேட்டைக்காரனாக மாறி காட்டிற்குள் சென்றான் அரசன். காட்டிற்குள்  சற்று தொலைவு  சென்றிருப்பான். ஏதோ ஒரு சலசலப்பு  மேலே செல்லவிடாமல் தடையிட்டது. சற்று நின்று நிதானமாக  கவனிக்கிறான். இப்போது வேங்கை ஒன்று அரசனை நோக்கி வந்துகொண்டிருக்கிறது. சற்றும் தாமதியாமல்  கையிலிருந்த  வேலை வேங்கையை நோக்கி வீச வேங்கை சாய்ந்து வீழ்கிறது. எத்தனையோ போர் கண்ட  மன்னன். எதிரிகளைப் போரில் குறி தவறாது வேல் எ...

மூன்றாவது மொழி தேவையா "புதியன புகுதலும் பழையன   கழிதலும் வழுவல"  இது காலத்தின் கட்டாயம் .  புதிய தொழில் நுட்பங்களுக்கு ஏற்ப  தேவைகளுக்கு ஏற்ப மாற்றங்கள்  நிகழ்ந்து கொண்டேதான் இருக்கும். அந்த மாற்றங்களை ஏற்றுக்கொண்டுதான் ஆக வேண்டும். அதனால் பல நன்மைகள் கிடைக்க வாய்ப்பு உள்ளது. ஆனால் மாற்றங்களைக் கொண்டுவர வேண்டும் என்ற நோக்கம் மட்டுமே வைத்துக் கொண்டு திட்டங்கள் கொண்டுவருவது நன்மை பயக்குமா என்றால் சற்று  ஐயம்தான் எழுகிறது. மொழிப்பாடம் படிப்பது வேறு. துறைசார் பாடங்கள் படிப்பது வேறு. துறைசார் பாடங்கள் படிப்பது காலத்தின் கட்டாயம். மொழிசார் பாடங்கள் சிந்திக்கும் ஆற்றலைத் தூண்டுபவையாக இருத்தல் வேண்டும். பன்மொழிப் புலமை பெறுவதில் தவறில்லை. அது நாமாக விருப்பப்பட்டுப் படிப்பதாக இருக்க வேண்டும். வலிந்து திணிக்கப்படும்போது ஒரு சலிப்பு ஏற்படும். அதுவும் சிறுவர்களாக இருக்கும்போது பாடச் சுமை ஏற்பட்டு படிப்பு என்றாலே ஒரு வெறுப்பு வந்துவிடும். கல்வி சுகமாக இருக்க வேண்டும். சுமையாக இருக்கக் கூடாது  என்றுதான் எத்தனையோ திட்டங்களை  வகுத்துச் செயல்படுத்திக் கொண்டிர...

கரடி ஒன்று மலை அடிவாரத்தில் வசித்து வந்தது.  கரடிக்கு நாவல் பழங்கள் சாப்பிடுவது என்றால்  கொள்ளைப் பிரியம்.   மலையில் நிறைய நாவல் மரங்கள் நின்றன. நாவல் பழங்களைப் பறித்துவயிராற  தின்பதற்காக மலையின்மேல் ஏறியது. நாவல் மரத்தைக் கண்டதும் மரத்தில் ஏறி நாவல் பழங்களைப் பறித்துத் தின்றது. "எவ்வளவு சுவையாக இருக்கின்றன. மலையில் கிடைக்கும் பழங்களுக்கே தனி சுவைதான்" உண்ட மயக்கத்தில் நாவல் மரத்தின்கீழ் படுத்து  சற்று ஓய்வு எடுத்துக் கொண்டது கரடி. இப்போது மறுபடியும் கரடி மனதில் ஒரு  பேராசை எழுந்தது. "மலை உச்சிக்குப் போனால் நல்ல தேன் கிடைக்குமாம். இன்று எப்படியாவது தேன் குடித்துவிட்டுத்தான்  திரும்ப வேண்டும்"  தேன் என்று நினைக்கும்போதே   நாவில் எச்சில் ஊறியது.   தேன் உண்ணும் ஆசையில் மலை உச்சியை  நோக்கி நடக்க ஆரம்பித்தது கரடி. மலைக்கு மேலே ஏற ...ஏற ...பனிப்பொழிவு காரணமாக மரக்கிளைகள் எல்லாம் பருத்தி மூட்டையைத் தூவிப் போட்டது போல் காட்சி அளித்தன. தேன்கூடு மட்டும் கண்ணுக்குத் தெரியவில்லை.  மாலைப் பொழுது ஆகியது.  எல்லா பறவைகளும் தங்கள் தங்...