துளி துமியான கதை
துளி துமியான கதை புலமையும் பொறாமையும் ஒட்டிப் பிறந்த உடன்பிறப்புகள். நமக்கெல்லாம் பொறாமை கூடாது என்று அறிவுரை சொல்லும் புலவர்களுக்குள் பொறாமை இருந்துகொண்டிருக்கிறது என்பதற்கு பல இலக்கிய ஆதாரங்கள் உள்ளன. ஒட்டா ஒரு மதிகெட்டாய் என்று ஔவையிடம் வாங்கிக் கட்டிக் கொண்டவர் ஒட்டகூத்தர். ஒட்டகூத்தருக்கு ஔவையிடம் மட்டுமல்ல.கம்பரோடும் மோதல் இருந்திருக்கிறது. கம்பராமாயணம் அரங்கேற்றம் செய்யப்படும்போது கம்பர் எழுதிய பாடலில் துமி என்ற சொல் இருந்திருக்கிறது. அந்தச் சொல்லை ஒட்டக்கூத்தர் ஆட்சேபித்திருக்கிறார். துமி என்று தமிழில் வார்த்தையே கிடையாது என்பது ஒட்டக்கூத்தரின் வாதம். ஒட்டக்கூத்தர் சொன்னதும் மன்னருக்கும் அந்தச் சொல்லின் மீது சிறிது ஐயம் ஏற்பட்டிருக்கிறது. மன்னர் திரும்பி கம்பரைப் பார்த்திருக்கிறார். கம்பரோ" மன்னா! மக்கள் மத்தியில் புழக்கத்தில் உள்ள சொல் தான் துமி.” என்று சொல்லியிருக்கிறார். தாங்கள் சொல்கிறீர்கள். அதனை உண்மை என்று நான் எப்படி நம்புவது என்று கேட்டிருக்கிறார் மன்னர். கம்பருக்கும் மன்னரிடம் எப்படி புரிய வைப்பது என்று புரியவில்லை. ஒட்டக்கூத்தரின் ஆட்சேபன...