Bombay Tamil Teacher

பிறந்தநாள் வாழ்த்து சிந்தும் சிரிப்பலையே முந்தும் மொழியலையே நடமாடும் பல்கலையே எழிலாடும் புன்னகையே நற்றிணையே !நல்லறிவே! முத்தமிழே !முழுநிலவே! கவித்தேனே!கற்கண்டே! பேசும் சொற்களஞ்சியமே ! என்னவென் றழைப்பேன்? ஏதுசொல்லி அறிமுகம் செய்வேன்? மும்பை மாநகராட்சியின் அறிவுப் பெட்டகமே! நின்பால் கற்றதும் பெற்றதும்  ஏராளம் ஏராளமே!  பேரறிவாட்டிக்கு வாழ்த்துரைக்கும் பெரும்பேறு வாய்த்தது என்றன் நற்பேறென்பேன்  நீலமணிமிடற்று ஒருவன் போல  மன்னுக பெரும நீயே! என்ற வாழ்த்துனக்கு அனுப்பி வைத்தேன்  வாழ்க பல்லாண்டு ....பல்லாண்டு...  பல்லாயிரம் ஆண்டு..  ராஜேஸ்வரியும் சிரிப்புமாய்  இணைந்து!                                    -செல்வபாய் ஜெயராஜ்   

அறம் செய்ய விரும்பு அறம் செய்ய விரும்பு என்று நான் தொடங்கி விட்டுவிட்டால் போதும். அறம் செய்ய விரும்பு. ஆறுவது சினம். இயல்வது கரவேல்  ஈவது விலக்கேல் உடையது விளம்பேல் ஊக்கமது கைவிடேல்.... .... ... .... என்று கடகடவென்று ஒப்பித்து விடுவீர்கள். நானும் உங்கள் ரகம்தான். ஆத்திசூடிக்கும் நமக்கும் பெரிய நெருக்கம் உண்டு. ஆத்திசூடியை நெஞ்சிலேயே குடி வைத்திருப்போம். நேரம் வரும்போதெல்லாம்  சொல்லி சொல்லி மகிழ்வோம். ஆரம்பப் பள்ளியில் படிக்கும்போது ஒருநாள் பள்ளிக்கு ஆய்வாளர்  வந்திருந்தார். மனப்பாடச் செய்யுள்  தெரியுமா ?என்று கேட்டார். எந்தப் பாடல் என்ற கேள்வி எதுவுமில்லாமல்  "அறம் செய்ய‌விரும்பு ஆறுவது சினம்....  என்று ஒட்டு மொத்த வகுப்பும் உயிர் வருக்க  ஆத்திசூடி முழுமையையும் ஒரே மூச்சில் சொல்லி முடித்தோம். இடையில் நிறுத்தவே இல்லை. ஆய்வாளர் பாராட்டினார். அடுத்து அறம் செய்ய விரும்பு என்றால் என்ன என்று தெரியுமா?  என்று கேட்டார் . அவ்வளவுதான். ஒருத்தரும் வாயைத் திறக்கவில்லை. திருதிரு என்று விழித்துவிட்டு ஆசிரியரையே பார்த்தோம். ஆசிரியர் சொல்லிக் கொடுக்கவ...

யானை வெட்கப்படுமா? பெண்களுக்கு உரிய நான்கு நற்பண்புகள் என்னவென்று கேட்டால் அச்சம்,மடம், நாணம்,பயிர்ப்பு என்று சொல்லிவிடுவீர்கள் . அதனைக் கேட்டுக் கேட்டு பழகிவிட்டோம். அச்சம் என்றால் பயம். மடம் என்றால் அறியாமை. நாணம் என்றால் வெட்கம் பயிர்ப்பு என்றால் கூச்சம் என்று சொல்லித் தந்திருக்கிறார்கள். அதனால் நன்கு தெரிந்து வைத்திருக்கிறோம். இந்த நான்கு பண்புகளும் பெண்களுக்கே  உரியது என்று உயர்த்திப் பேசி வருகிறோம். கொண்டாடி மகிழ்கிறோம். இதில் நாணம் மட்டும் பெண்களுக்கே உரிய சிறப்புப் பண்பு என்று கூடுதலாகத் கொண்டாடுகிறோம். நாணம் பெண்களிடம் மட்டும்தான் காணப்படுமா? வேறு யாரும் நாணப்படவே மாட்டார்களா?  ஆண்கள் வெட்கப்பட்டால்... நன்றாகவா இருக்கும் என்பீர்கள். மனிதர்களைத் தவிர வேறு யாரிடம் நாணம் இருக்கப்போகிறது? வேறு யாரிடமும் நாணம் இருக்காதா? இருக்கக் கூடாதா? என்ற கேள்வி எழுகிறதல்லவா? ஏன் இருக்கக் கூடாது? நான் பார்த்த ஒரு யானையிடம் நாணம்  இருந்ததைப் பார்த்தேன் என்கிறார் ஒரு புலவர். யானையிடம் நாணத்தைப் பார்த்தாராமா? யாரப்பா அந்தப் புலவர்? அப்படி எந்த யானையிடம் ... எந்த இடத்தில் ...

            அச்சம் தவிர் " அறம் செய்ய  விரும்பு " என்று தனது ஆத்திசூடியை அறத்தோடு தொடங்கினார்  ஔவை. பாரதியார் தனது புதிய ஆத்திசூடியை " அச்சம் தவிர் "என்று  தன்னம்பிக்கையூட்டித் தொடங்கியிருக்கிறார்.   முதல் வரி மட்டும்தான் தன்னம்பிக்கை கொடுக்கிறதா?  இரண்டாம் வரியைப் பாருங்கள்.  " ஆண்மை தவறேல்" அதாவது மன வலிமையை இழக்காதே! இதுவும் நம்பிக்கை தரும் வரி  இல்லையா? அதைத் தொடர்ந்து மூன்றாவதாக என்ன சொல்லியிருக்கிறார் என்றால்... " இளைத்தல் இகழ்ச்சி" என்கிறார். அதாவது சோர்ந்துபோய் பின்தங்கிவிடக் கூடாதாம்..அது இகழ்வடைவதற்குக் காரணமாக அமைந்துவிடுமாம். எப்படித்  தட்டி எழுப்பிக் கொண்டே வருகிறார். பாரதியின் பாடல்களில் எல்லாம் ஒரு எழுப்புதல் இருக்கும். இந்த ஒரு துள்ளல் உணர்வு இருப்பதுதான் பாரதியின்  பாடல்களில் நாம் கட்டுண்டு கிடப்பதற்கான மந்திரம் என்று நினைக்கிறேன்.    பாரதியின் பாடல்கள் என்றாலே ஒரு இளமையின் துள்ளலும்  உயிரோட்டமான உணர்வும்  உணர்ச்சியூட்டலும் கொண்டதாகவே இருக்கும். எதற்கும் அஞ்சா துண...

பின்வரு நிலை அணி ஒரு செய்யுளில் முன்னர் வந்த சொல்லோ பொருளோ பின்னர்ப்  பல இடங்களில் வந்தால் அது  பின்வரு நிலை அணி எனப்படும். " முன்வரும் சொல்லும் பொருளும் பலவயின் பின்வரும் என்னில் பின்வருநிலை நிலையே" என்கிறது தண்டியலங்காரம் என்னும்  இலக்கண நூல். பின்வரு நிலை அணி மூன்று வகைப்படும். 1. சொல் பின்வருநிலை அணி 2. பொருள் பின்வருநிலை அணி 3. சொற்பொருள் பின்வருநிலை அணி 1. சொல் பின்வருநிலை அணி:  ஒரு செய்யுளில் முதலில் வந்த சொல் பின்னர்ப்  பல இடங்களில் வந்தால் அது சொல்   பின்வருநிலை அணி  எனப்படும் . சொல் பலமுறை வரும்.  ஆனால் ஒரே பொருளில் வராது.  பொருள் வெவ்வேறாக இருக்கும். எடுத்துக்காட்டு: "குன்றின் அனையாரும் குன்றுவர் குன்றுவ குன்றி அனைய செயின்"                           -   திருக்குறள் குன்று போல உயர்ந்த பெருமை உடையவர்கள் குறுகிய அளவு இழிச்செயலைச் செய்துவிட்டாலும் அவர்கள் பெருமை குறைந்து விடும். குன்று என்பது மலை என்ற பொருளிலும் குறுகிய  என்ற பொருளிலும் குறைந்துபோகும் ...

பண்னென்னாம் பாடற் கியைபின்றேல்.... " பண்னென்னாம் பாடற் கியைபின்றேல் கண்ணென்னாம் கண்ணோட்டம் இல்லாத கண்" பண் - இசை என்னாம்- என்ன பயன் பாடற்கு -பாடலோடு இயைபு- பொருத்தம் இன்றேல்- இல்லையாயின் கண்- விழி என்னாம்-என்ன பயன் கண்ணோட்டம் - இரக்கம் இல்லாத- இல்லாத  கண்- இடத்து. பாடலோடு இசை பொருந்தவில்லை  என்றால் இசையால் என்ன பயன் ? அதுபோல கருணை இல்லையென்றால் கண்களால் என்ன பயன்? விளக்கம் : பாடல் என்றால் அது இசையோடு ஒத்துப் போவதாக இருக்க வேண்டும். இசையோடு ஒத்துப் போகாத பாடல் கேட்பதற்கு இனிமை தராது. .தாளம் தப்பாமல் இசையோடு இருப்பதுதான் பாட்டு. அதுபோல கண் என்றால் அது வெறுமனே பார்ப்பதற்கு மட்டும் பயன்படுவதாக இருத்தல் கூடாது.அதில் உணர்வு இருக்க வேண்டும். அதாவது கருணை, இரக்கம் இருக்க வேண்டும்.துன்பப்படும் ஒருவரைப் பார்த்துவிட்டு பாராததுபோல் கடந்து போவதற்குக் கண்கள் எதற்கு? உணர்ச்சியற்று கடந்து போவதற்காக கொடுக்கப்பட்டவை அல்ல கண்கள். கண்கள் என்றால் அதில் உணர்வுகள் இருக்க வேண்டும். அதுவும் கருணை செய்யும் கண்களாக இருக்க வேண்டும். கருணையும் கனிவும்  இருந்தால்தான் அது கண். அது இல்லை என்...

  செந்தமிழே உயிரே நறுந்தேனே.... தமிழகத்தின் தமிழ்த்தாய் வாழ்த்து "நீராருங்கடலுடுத்த நிலமடந்தைக் கெழிலொழுகும்" என்பது அனைவருக்கும் தெரிந்திருக்கும். இதை எழுதியவர் மனோன்மணியம் சுந்தரம் பிள்ளை அவர்கள். அதேபோன்று பாண்டிச்சேரியின் தமிழ்த்தாய் வாழ்த்து எது என்பது தெரியுமா? பாவேந்தர் பாரதிதாசன் எழுதிய "வாழ்வினில் செம்மையைச் செய்பவள் நீயே...." என்ற வாழ்த்துப் பாடல்தான் பாண்டிச்சேரியின் தமிழ்த்தாய் வாழ்த்துப் பாடலாக உள்ளது. பாவேந்தர் பாரதிதாசன் தமது  தமிழ் அமுது பாடல் தொகுதி  இரண்டாம் பகுதி முதல் பாடலாக இதனை எழுதியிருந்தார். இந்தப் பாடல்தான் பாண்டிச்சேரி அரசின் தமிழ்த்தாய் வாழ்த்துப் பாடலாகத் பாண்டிச்சேரி அரசால் தேர்வு  செய்யப்பட்டு அரசாணை வெளியிடப்பட்டது. பாண்டிச்சேரி அரசின் எல்லா அரசு விழாக்களும் தமிழ்த்தாய் வாழ்த்துப் பாடல் பாடியே தொடங்கப்படும்.  இந்தப் பாடலுக்கு இசையமைத்தவர்  இசையமைப்பாளர் எல். கிருஷ்ணன் அவர்கள். தமிழைத் தாயாக உருவகப்படுத்தி பாரதிதாசன் பாடிய   தமிழ்த்தாய் வாழ்த்துப் பாடல் இதோ உங்களுக்காக: வாழ்வினில் செம்மையைச் செய்பவள் நீயே...

பணி நிறைவுப்  பாராட்டு மடல் தண்டமிழ் வண்டலைப்  பூங்காடுடை தென்தமிழக எல்லை நகர்உறை இணையர் ஜெயசிங் முத்தாபரணம் மெத்தைமடியில் சில்லென்று பூத்திருந்த செந்தாமரை சாந்தி! கொழுந்தன் ஞானராஜன் கைத்தலம் பற்றி-நீ கோநகர் மும்பைக்குச் சீராய்வந்த நற்றமிழோ! கோவின்  குடிகாத்து நிற்கும்  குலமகளோ கோமகனாய் பிள்ளை இருவர் வாய்த்ததுன் வரமோ!! கற்றவர் போற்றிடும் நற்றிணையோ- நீ கற்பவர் தொழுதிடும் நற்றுணையோ! நற்பெயர் நிறை நல்மதிதான் உனதோ நறுமலர் மொய்த்த நந்தவனம் நீயோ! விண்மகள் ஈன்ற தண்ணிலவோ - நீ மண்மகள் மீட்டும் பண்ணிசையோ க(ண்)ணவன் கொண்டாடும் பேரழகோ மண்டுநலன் கொண்ட பேருனக்கானதுவோ! கற்பனை பெருகும் சொற்றுணையோ - நீ நற்றமிழ் வழங்க வந்த உயர்திணையோ தெற்றில்லா மொழி பழகு நாவணியோ மட்டிலாக்கல்வி தருதல்தான்  நின்பேரறமோ ! பிரைட் பள்ளியில் அறப்பணி ஆண்டு ஐயாறு-நீ பொய்யாது பாய்ந்த பைந்தமிழ்ப் பாலாறு தொய்யாது   நடத்திய உன் சொல்லாறு மெய்யாகச் சொல்லி நிற்கும் தமிழ்வரலாறு! ஓய்விலும் நின்பணி தொடர்ந்திடல் வேண்டும் -நீ ஓயாது இறைப்பணி ஆற்றிடல் வேண்டும் எண்ணும் செயல்யாவும் கைகூடல் வேண்டும் நண்ணும் வண்ணம...

      வஞ்சிப்பாவின் பொது இலக்கணம் வஞ்சிப்பா  என்பது தமிழ் யாப்பிலக்கணம் கூறும் நால்வகைப் பாக்களுள் ஒன்றாகும். வஞ்சிப்பாவில்  இரண்டடி முதல் பாடுவோர் விருப்பத்திற்கு ஏற்ப எத்தனை அடிகளும் வரலாம். சீர் : வஞ்சிப்பாவில் ஓர் அடியில் இரண்டு அல்லது மூன்று சீர்களே வரும். வஞ்சிப்பாவில் நான்கு சீர்கள் வருதல் இல்லை என்பதை நினைவில் கொள்க. வஞ்சிப்பாவிற்கு உரிய சீர் கனிச்சீராகும். மூவசைச் சீரில் நிரையை  இறுதியாகக் கொண்டு முடியும் சீர்கள் கனிச்சீர் எனப்படும். நேர் நேர் நிரை = தேமாங்கனி நிரை நேர் நிரை = புளிமாங்கனி நேர் நிரை நிரை = கருவிளங்கனி நிரை நிரை நிரை =கூவிளங்கனி  ஆகிய நான்கு கனிச்சீர்களும் வஞ்சிப்பாவிற்கு உரியவை. இச்சீர் வஞ்சிப்பாவுக்கு உரியதால் வஞ்சிவுரிச்சீர் எனப்படும். தளை :  வஞ்சிப்பாவிற்கு உரிய தளைகள் இரண்டு. 1.  ஒன்றிய வஞ்சித் தளை. 2. ஒன்றா வஞ்சித்தளை 1. ஒன்றிய வஞ்சித்தளை கனிச்சீர்களின் முன் நிரையில் தொடங்கும் சீர் வந்தால் அது ஒன்றிய வஞ்சித்தளை எனப்படும். 2. ஒன்றா வஞ்சித் தளை: கனிச்சீர்களின் முன் நேரில் தொடங்கும் சீர் வந்தால் அது ஒன்றா வஞ்சித்தள...

கொங்குதேர் வாழ்க்கை ..... காதல் என்று வந்துவிட்டால் அதில் மிகைப்படுத்தல் மிகுந்திருக்கும். காதலன் காதலியைப் புகழ்வதும் காதலி காதலனைப் புகழ்வதும் இன்று நேற்று நடப்பதல்ல. உலகம் தோன்றிய காலம் தொட்டு இதுதான் நிகழ்ந்துகொண்டிருக்கிறது. நாளையும் இதுதான் நடக்கும். இதைத்தான் நாம் எல்லா  அகப்பாடல்களிலும் பார்க்கிறோம். படிக்கிறோம். உள்ளுக்குள்ளேயே சிரித்து மகிழ்கிறோம். பெயர் சுட்டப்படாத யாரோ இருவருக்குள் நிகழ்ந்த காதல் பொதுமையாக நம்முன் வைக்கப்படும் போது அந்த இலக்கிய  இன்பத்தை நம்மால் நுகரமுடிகிறது. அந்த உணர்வு அனைவராலும் ஈர்க்கப்படுகிறது. பெயர் சொல்லப்படாமல் தலைவன் தலைவி என்றே சொல்லப்படும்  ஒரு பொதுமைத் தன்மை அகப்பாடல்களில் இருப்பதைப் பார்க்கலாம். இப்போது தலைவன் ஒருவன் தன் அன்புக்குரிய தன் தலைவியைப் பார்த்து எப்படி எல்லாம்   புகழ்வான் என்று வள்ளுவர் சொல்வதைக் கேளுங்கள். " முறிமேனி முத்தம் முறுவல் வெறிநாற்றம் வேலுண்கண் வேய்த்தோள் அவட்கு" மூங்கில் போன்ற தோளையுடைய என் தலைவிக்கு தளிரே மேனி.  முத்தே பல் .உடல் மணமோ நறுமணம்.  வேலே மை உண்ட கண்  என்று ...

முல்லையும் பூத்தியோ? நெருநெல் உளனொருவன் இன்றில்லை என்னும்  பெருமை உடைத்து இவ் வுலகு" என்றார் வள்ளுவர். நேற்று இருந்தவன் இன்று இல்லை என்று சொல்லப்படும் நிலையாமை  ஆகிய பெருமை உடையது இவ்வுலகு. எவ்வளவு எளிதாக சொல்லிவிட்டார். உலகம் என்றால் ஆயிரம் இருக்கும். எதையும் தூக்கிச் சுமந்து மனதில் பாரத்தை ஏற்றிக் கொள்ளாமல்  சாதாரணமாக கடந்து போக வேண்டும். இது பெரியவர்கள் சொல்லித் தரும் பாடம். ஆனால் எல்லா இடங்களிலும் எல்லா நேரங்களிலும் எல்லாவற்றையும் எளிதாக எடுத்துக்கொண்டு நம்மால் கடந்து செல்ல முடிகிறதா? சில இழப்புகள் நம்மை புரட்டிப் போட்டு விடுகின்றன. காலனையே கேள்வி கேட்க வைக்கின்றன. காலத்தின் மீது கோபம்கொள்ளச்  செய்கின்றன. தாங்க முடியாமல் விம்மி விம்மி  அழ வைக்கின்றன. உள்ளுக்குள்ளேயே வெதும்ப  வைக்கின்றன. புலம்பி தவிக்க வைக்கின்றன. புரியாமல் விழிக்க வைக்கின்றன. இனி எனக்கு என்ன இருக்கிறது என்று புலம்ப வைக்கின்றன. சில நேரங்களில் இறைவனையே  கேள்வி கேட்க வைக்கின்றன. இவற்றையெல்லாம் கடந்து ஒருவர் இயற்கையையே கேள்வி கேட்கிறார். ஏன்...ஏன் மகிழ்ந்து மலர்ந்து சிரிக்க...

' ஏல' திருநெல்வேலி வட்டார வழக்குச் சொல் அண்மை காலமாக நம் காதுகளில் அடிக்கடி வந்து விழும் ஒரு சொல் 'ஏல. ' என்பதுதான். ஏல...போல...வால.... இது எல்லாமே எங்கள் பகுதியில் பேசப்படும் சொற்கள்தான். ஆனால் இந்த ஏல...ஏல...என்பது மட்டும் தொலைக்காட்சியில்  அடிக்கடி உச்சரிக்கப்படும் சொல்லாகிவிட்டது. திரைப்படங்களால் இந்தச் சொல் தனிக்கவனம் பெற்று வருகிறது. இதில் தவறு ஒன்றுமில்லை. ஆனால் உண்மையிலேயே அந்தச் சொல் உண்மையான பொருளில் சொல்லப் படுகிறதா...? அல்லது திசைமாறிப் போகிறதா ?என்று  யோசித்துப் பார்த்தேன். என் மனசாட்சிப்படி திசைமாறிப் போவது போன்றே தோன்றியது. ஏல....ஏல....என்று திருநெல்வேலிக்காரர்களை ஏலம் விடுவதைப் பார்த்தால் என்ன சொல்வெதென்றே தெரியவில்லை. திருநெல்வேலிக்காரர்கள்  தூத்துக்குடிக்காரர்கள் அனைவரும் ,ஏல ...'என்ற சொல்லைப் பயன்படுத்துவார்கள் என்பது  அனைவருக்கும் தெரியும். அதனை எப்போது? எங்கே? யாரிடம்? எப்படிப் பயன்படுத்துவார்கள் என்பது அனைவருக்கும் தெரிய வேண்டுமல்லவா! தெரிந்துதான் பேசுகிறார்களா? தெரியாமல்தான் பேசுகிறார்களா? ஒன்றும் புரியவில்லை. கேட்டுவிட்டு சும்மா இருக்கவும் மன...

இல்பொருள் உவமையணி செய்யுளின் சொல்லழகு,பொருளழகு ஆகியவற்றை மெருகூட்டித் தருவதற்காக கவிஞர்கள் அணியிலக்கணத்தை இடத்திற்கு ஏற்ப கையாளுவர். சொல்லப்படும் பொருள் தெளிவாகப் புரிய வேண்டும். செய்யுள் அழகும் குறைந்துவிடக்கூடாது. அதற்காக அணிகலன்களை அணிவிப்பதுபோல அணிகளை அணிவித்து பாடல்கள் எழுதும் பாங்கு எல்லா புலவர்களிடமும் உண்டு. அணிகளுள் அணிசெய் அணியாக விளங்கும் இல்பொருள் உவமையணி பற்றி இக்கட்டுரையில் காண்போம். இல்லாத ஒன்றை இருப்பதுபோல கற்பனை செய்து அதனை உவமையாக கூறுவது இல்பொருள் உவமையணி எனப்படும் அன்பகத்தில்லா உயிர் வாழ்க்கை வன்பாற்கண் வற்றல்மரம் துளிர்த் தற்று என்கிறார் வள்ளுவர். கொடும்பாலை நிலத்தில் பட்டுப்போன ஒரு மரமானது தளிர் விடுவது என்பது அன்பில்லா வாழ்க்கைக்கு உவமையாகக் கூறப்பட்டுள்ளது. கொடிய பாலைநிலம். நெடு நாட்களாக மழைகாணா பூமி. அங்கங்கே நின்றுகொண்டிருந்த ஒற்றை மரமும் பட்டுப் போய்விட்டது மரம் பட்டது பட்டதுதான். எங்கேயாவது பட்டுப்போன மரம் துளிர்த்து மறுபடியும் காய் ,கனி என்று பழைய நிலைக்குத் திரும்புவதை கண்டீரோ? இல்லை அல்லவா! இது எப்படி நடைபெறுவது சாத்தியம...

பிறந்தநாள் வாழ்த்து தேனுலா தமிழுலா தேடலா (ல்) பால்நிலா வானுலா  வந்து வாழ்த்துச் செய்தி வாசித்தலா! கவியுலா கொண்டு தென்றல் காதோடு கவி பாடலா! கைபேசி கிண்கணியென  கிண்ணரம் இசைத்து தத்தை மொழிபேசி வாழ்த்தலா(ல்) உள்ளம் மகிழ்ச்சி கடலிலா! இறையருள் இல்லம் நிறைத்ததா(ல்) நலமும் வளமும்  நல்லாட்சி நடத்தலா! இன்பம் நிரந்தர  குடியுரிமை கொண்டலா(ல்) நெடிய புகழ் காண்டலா! வானும் நிலனும் போல வாழ்க என்னும் எழுத்துலா கட்செவி அஞ்சலேறி வந்தது இன்பச் சிற்றுலா! வாழ்க....பல்லாண்டு பல்லாண்டு...பல்லாயிரம் ஆண்டு இன்றுபோல் என்றும் உவந்து!               - செல்வபாய் ஜெயராஜ்

  மாதம் மும்மாரி பொழிகிறதா? அரசர்  ஒருவர் நாட்டை நல்லமுறையில் ஆட்சி செய்து வந்தார்.ஒவ்வொரு நாளும் நாடு எப்படி இருக்கிறது? நாட்டு மக்கள் மகிழ்ச்சியாக வாழ்கிறார்களா? என்று கரிசனமாக  கேட்டுவிட்டுத்தான் தன்  அலுவல்களையே தொடங்குவார். அன்றும் அப்படித்தான்.  அரசவைக்கு வந்தார் மன்னர். அரசவை கூடியது.  "நாடு எப்படி இருக்கிறது ? என்று அமைச்சரிடம் கேட்டார். அதற்கு அமைச்சர், "மன்னா!வணக்கம். நாடு நன்றாக இருக்கிறது . மாதம் மும்மாரி பெய்வதால் நாட்டு மக்கள் எல்லாம் மகிழ்ச்சியாக வாழ்ந்து கொண்டிருக்கிறார்கள் "என்றார் பெருமையாக. "மாரி கேள்விப்பட்டிருக்கிறேன் . ஒரு மாறி...  உருமாறி கேள்விப்பட்டிருக்கிறேன். பொன்மாரி, புகழ்மாரி, அருள்மாரி என்று புலவர்கள் வாயால் புகழ்மொழி மாதிரி மாதிரியாகக் கேட்டிருக்கிறேன். இது என்ன புது மாதிரியான மும்மாரி? "என்று கேட்டார் மன்னர். மன்னரிடமிருந்து இந்தக் கேள்வியை எதிர்பார்க்காத அமைச்சருக்கு ஒரு மாதிரி ஆகிவிட்டது. என்ன சொல்வதென்றே தெரியவில்லை. "சும்மா ....நல்ல மழை பெய்கிறது என்பதைத்தான் இந்த மாதிரி  சொல்லி வைத்தேன் "என்று ஏதோ ...