வியாபாரம்
வியாபாரம் தலைவாசலுக்கும் அடுப்பங்கறைக்குமாக நடந்து கொண்டிருந்தார் அம்மா. மனசு படபடவென்று அடித்துக் கொண்டிருந்தது. முகம் குப்பென்று வியர்த்து வடிந்ததால்.... ஐந்து நிமிடத்துக்கு ஒருமுறை முந்தானையால் முகத்தைத் துடைத்துக் கொண்டிருந்தார் பங்கஜத்தம்மா. தன்னைப் பெண் பார்க்க வந்தபோதுகூட இந்தப் பதற்றம் இல்லை.... ஏனோ தெரியவில்லை இன்று கூடுதலான ஒரு பதற்றம். வயசுக்கு வந்த மூணு பிள்ளைகளை வைத்திருக்கும் அம்மாக்களுக்கே அந்த வலியும் பதைபதைப்பும் இருக்கத்தான் செய்யும். மூத்தவளுக்கு முடிந்தால்தான் அடுத்த பிள்ளைகளுக்குப் பார்க்க முடியும். ஆனால் மூத்தவள் கொஞ்சம் மாநிறமாக இருந்ததால் வருகிற வரன் எல்லாம் தட்டிப் போய்க் கொண்டே இருந்தது. மனதிற்குள் இந்த வரனாவது அமைய வேண்டுமே என்ற பரிதவிப்பு முகத்தில் அப்பிக் கிடந்தது. ஒரு மாதிரி ஒரு படபடப்பாகவே இருந்தது. என்ன செய்ய வேண்டும் என்பதைக் கூட மறந்தவராக ஒன்று கடக்க ஒன்றை செய்து கொண்டிருந்தார். இருக்காதா பின்னே...இதுவரை பத்துக்கும் மேல் மாப்பிள்ளை வீட்டார் வந்து பார்த்துவிட்டு சென்றுவிட்டனர். போய் த...