பாய் தூஜ் தீபாவளி
பாய் தூஜ் பண்டிகைகள் வெறுமனே கொண்டாடி விட்டு கடந்து போவதற்காக கொண்டாடப்படுபவை அல்ல. எல்லாப் பண்டிகைகளின் பின்னணியிலும் ஏதாவது ஒரு காரணமும் வரலாறும் இருக்கும். அது மக்களுக்கு மகிழ்ச்சியைத் தருவதாக இருக்கும். அந்த வகையில் பாய்தூஜ் என்பதும் வடஇந்திய மாநிலங்களில் தீபாவளியின் ஐந்தாம் நாள் விமர்சையாகக் கொண்டாடப்பட்டு வரும் ஒரு விழாவாகும். இந்த நாள் சகோதர சகோதரிகளுக்கு இடையிலான அன்பான உறவைக் கொண்டாடும் நாள் ஆகும். சகோதரிகள் தங்கள் சகோதரர்களின் நீண்ட ஆயுள் மற்றும் மகிழ்ச்சிக்காக பிரார்த்தனை செய்கிறார்கள், சகோதரர்கள் தங்கள் சகோதரிகளுக்கு பரிசுகளை வழங்குகிறார்கள். பாய் தூஜ் இரண்டு சொற்களால் ஆனது - பாய் என்பது சகோதரரைக் குறிப்பிடும் ஒரு சொல்லாகும்.. தூஜ் என்ற சொல் தீபாவளி பண்டிகை கொண்டாடப்படும் நாளான அமாவாசைக்குப் பிறகு வரும் இரண்டாவது நாளைக் குறிக்கிறது. இந்தப் பாய் தூஜ் கொண்டாடுவதன் பின்னணியில் ஒரு புராண கதை இருப்பதாகக் கூறுகின்றனர். நரகாசுரன் என்று ஒரு அரக்கன் இருந்தான். அவன் இந்திரலோகத்து மன்னன் இந்திரனை வென்று சொர்க்கபுரியைக் கைப்பற்றி கொண்டான். அது ம...