Bombay Tamil Teacher

எனைத்தானும் நல்லவை கேட்க.... " எனைத்தானும் நல்லவை கேட்க அனைத்தானும் ஆன்ற பெருமை தரும் "                              குறள் :  416 எனைத்தானும் - எவ்வளவாயினும் நல்லவை - நல்லவற்றை கேட்க - கேட்பீராக அனைத்தானும் - அவ்வளவாயினும் ஆன்ற - நிறைந்த பெருமை - உயர்வு தரும் - கொடுக்கும் எவ்வளவாயினும் நல்லவற்றைக் கேட்பீராக.கேட்ட  சொற்களின் அளவு குறைவாக இருப்பினும்  அவை நிறைந்த பெருமையைத் தரும். விளக்கம் : கேட்பதற்கு எப்போதும் காதுகள் திறந்தே இருக்க வேண்டும். அதுவும் நல்லவற்றைக் கேட்பதற்கு மட்டுமாகவே இருக்க வேண்டும். நாளும் குறைவான சொற்களையாவது கேளுங்கள் . நம் காதுகளில் விதைக்கப்பட்ட விதை மனமென்னும் நிலத்தில் துளிர்த்து  சிந்தனை என்னும் கிளைகளை விரித்து ஏற்றகாலத்தில் அதற்கான பலனைக் கொடுப்பது நிச்சயம். கேட்கும் எந்த வார்த்தையும் வீணாகப் போவதில்லை. சொற்கள் உள்ளுக்குள்  இருந்து நம்மை உறங்கவிடாமல் உந்தித் தள்ளும். நம்மோடு பேசும் தக்க நேரத்தில் உரிய ஆலோசனையை  வழங்கும். உற்ற நேரத்தில் கற்ற கல்வி கை கொடுப்ப...

கடவுள் ஏன் கல்லானான்.... கேள்வி கேளுங்கள். கேட்க கேட்கத்தான் அறிவு வளரும். கேள்வி கேட்கும்போது  புதியனவற்றைத் தெரிந்து கொள்கிறோம். அதிகம் கேள்வி கேட்கப்படும் இடங்கள் மூன்று என்பர். முதலாவது வீடு. ஏன் ? எதற்கு ? எங்கே ?  என்ற கேள்விகள் கேட்காத வீடுகள் இருக்க முடியாது. சண்டைக்கான அடித்தளமே கேள்வியில்தான் தொடங்குகிறது. அடுத்து வகுப்பறை .  அதிகம் கேள்விகள் கேட்கப்படும்   இடம் வகுப்பறை. மாணவர்களை அதிகம் கேள்வி கேட்க அனுமதியளிக்காத இடம் என்றுதான் சொல்ல வேண்டும். பெரும்பாலான ஆசிரியர்கள் மாணவர்களைக் கேள்வி கேட்க அனுமதிப்பதில்லை. மூன்றாவது நீதிமன்றம் கேள்வி கேட்கப்படும் இடம். அஞ்சி அஞ்சி விடை சொல்லும் இடம். இவை தவிர நண்பர்களுக்கிடையே  பேசும்போது கேள்வியும் விடையும்  சகஜமாக வந்து விழும். குழந்தைகள் அதிகம் கேள்வி கேட்பர். பதில் சொல்லும் இடத்தில் இருக்கும் பெற்றோர் பல நேரங்களில் பதில் சொல்ல முடியாமல் தடுமாறுவர். இப்படி கேள்வி இல்லா இடம் இல்லை. கேள்விக்கான  விடையைத் தேடி அலைபவன்தான் அதிகம் தெரிந்து கொள்கிறான். அறிவாளியாகிறான். அறிவியல் உலகின் கண்டுபிடிப்புகள் ...

  புதியதோர் உலகம் செய்வோம் " தமிழுக்கு அமுதென்று பேர்_ அந்தத் தமிழின்பத் தமிழெங்கள் உயிருக்கு நேர் " என்ற தேன்தமிழ்ப் பாடல் வரிகளைத் தந்து என்நேரமும் காதுகளில் தேனிசையாய் ஒலித்துக் கொண்டிருப்பவர் பாரதிதாசன். உலகில் மாற்றங்கள் நிகழ்வதும் அதை நாம் ஏற்றுக் கொள்வதும் தொடர்ந்து நடைபெற்று வருவதும் இன்று நேற்று நடைபெற்றுக் கொண்டிருக்கும் செயல் அல்ல. மாற்றங்களை நோக்கிய பயணம் எல்லா காலங்கிலும் நடைபெற்று வந்திருக்கிறது. அந்தப் பயணம்தான் புதிய படைப்புகளையும் புதுமைகளையும் கொண்ட புதிய சமுதாயத்தைப் படைக்கும். பழைமையிலேயே இருந்து கொண்டால் புதுப்பித்தலைப் பற்றிய சிந்தனையே இல்லாமல் ஒரு முடக்கம் ஏற்பட்டுவிடும். முடமாகிப் போவோம். எப்போதும் புதியவற்றை அறிய வேண்டும் புதிய சமுதாயத்தைக் காணவேண்டும் என்ற கனவு எல்லோரிடமும் இருக்கும். இருக்க வேண்டும். அதுதான் செயலாக்கத்துக்கு வித்திடுவதாக அமையும். நமது கனவு செயல்வடிவம் பெறும்போது சமூகமும் சமூக நடைமுறைகளும் புதிப்பிக்கப்பட்ட நிலையில் புதிய பரிணாமத்தை எட்ட வாய்ப்பு ஏற்படும். மாற்றம் தனிமனிதனால் ஏற்பட்டுவிடாது. ஒருங்கிணைந...

    வேண்டுதல் வேண்டாமை இலானடி.... " வேண்டுதல் வேண்டாமை இலானடி சேர்ந்தார்க்கு யாண்டும் இடும்பை இல "             குறள் :  4 வேண்டுதல் - விரும்புதல் வேண்டாமை - வெறுத்தல் இலான் - இல்லாதவன் அடி - தாள் , பாதம் சேர்ந்தார்க்கு - தஞ்சமடைந்தவர்க்கு யாண்டும் - எக்காலத்தும் இடும்பை - துன்பம் இல - இல்லை விருப்பு வெறுப்பு இல்லாத இறைவனது பாதத்தைத் தஞ்சமடைந்தவர்க்கு  எக்காலத்திலும்  துன்பம் நேர்வதில்லை. விளக்கம் :  இவர் எனக்கு வேண்டப்பட்டவர். அவர் எனக்கு வேண்டாதவர். இவரை எனக்குப் பிடிக்கும். இவர் எனக்குப் பிடிக்காதவர் என்று யார்மீதும் தனிப்பட்ட விருப்பு வெறுப்பு கொள்ளாதவன் இறைவன். இறைவனது பார்வையில் அவன் படைப்புகள் அனைத்தும் சமம். அப்படிப்பட்ட இறைவனின் பாதத்தைத் தஞ்சம் அடைந்தவர்க்கு ஒரு போதும் துன்பம் நேர்வதில்லை. இறைவன் விருப்பு வெறுப்பு இல்லாதவன் ஆதலால்  நாமும் அப்படிப்பட்ட விருப்பு வெறுப்பு அற்ற மனநிலையோடு  இறைவனைத் தேடும்போது எவ்விடத்தும் எக்காலத்திலும் துன்பம் நிகழ்ந்துவிடாதபடி இறைவன் நம்மைக் காத்துக் கொள்வார். கெட்டவன் அடையும் ...

குணமென்னும் குன்றேறி நின்றார்..... " குணமென்னும் குன்றேறி நின்றார் வெகுளி கணமேனும் காத்தல் அரிது "                          குறள்   : 29 குணம் - நற்குணம் என்னும் - என்று சொல்லக்கூடிய குன்று - சிறு மலை ஏறி -  ஏறி நின்றார் - நிற்பவர் வெகுளி - சினம் கணமேனும் -நொடிப்பொழுதேனும் காத்தல் - காத்துக் கொள்ளுதல் அரிது - அருமையானது. நற்குணம் என்னும் உயர்குன்றின்மீது  நிற்கும் சான்றோர்க்கு வரும் சினம் நொடிப்பொழுதுக்கு மேல் நீடித்து நிற்பதில்லை. விளக்கம் :  நற்குணங்கள் கொண்டவரிடம் சினம் ஒருபோதும் அண்டுவதில்லை. அப்படியே சினம் கொள்ளும்  சந்தர்ப்பம் அமைந்துவிட்டாலும் அது  கணப்பொழுதும் நீடித்து நிற்பதில்லை. அதுதான் நற்குணநலன்கள்  கொண்டவருக்கான சிறப்பு. எதற்கெடுத்தாலும் சினம் கொள்பவர் எவ்வளவு நற்குணம் கொண்டவராக  இருந்தாலும் அவை எல்லாம் அந்தக் கணநேர கோபத்தில் காணாமல் போய்விடும். இல்லை...அந்தச் சினம் மற்ற நற்குணங்களை அழித்துவிடும்.ஆதலால் நற்குணம் என்னும் நல்லுயரத்தை எட்டியவர்கள் சினம் கொள்ளமாட்டார்....

நினையாரோ தோழி... "தோழி..." "சொல்லுங்கள்" "கள்வர் பாலை நிலத்தில் நிறைய இருப்பரோ? "பாலைநிலம் என்றால் கள்வர் பயம் இல்லாமலா இருக்கும்?" "கள்வர் கையில் ஏதும் ஆயுதங்கள் வைத்துத் தாக்குவரோ?" "கள்வர்  கையில் ஆயுதமில்லாமலா....? சாணை ஏற்றிய அம்பை கையில் வைத்திருப்பராம்." "சாணை என்றால்..." "கூர்த் தீட்டுதல் என்று பொருள்." "பார்த்திருக்கிறேன் ....பார்த்திருக்கிறேன். அம்பை அப்படி இப்படிப் புரட்டி கூர்த்தீட்டுவதைப் பார்த்திருக்கிறேன்." "செந்தழல் பிழம்பாய் இருக்கும். பார்ப்பதற்குச் செங்கால் பல்லி மாதிரி இருக்கும்." "ஒரு முறை நான் நிஜமாகவே பல்லியோ என்று பயந்தே போய்விட்டேன்." "பார்ப்பதற்கு மட்டும் பல்லிபோல் இருக்காது...." "வேறென்ன  மாதிரி இருக்கும் ?" "கள்வர் கையில் வைத்திருக்கும்  ஆயுதத்தைக் கூர்த்தீட்டும் ஒலியும் பல்லி ஒலி எழுப்புவது போலவே இருக்கும்." "பல்லி கெவுளி அடிக்கிற மாதிரி இருக்கும் என்று சொல்கிறாயா?" "அது ஒரு மாதிரியான ஒலி." "ஒரு மாதி...

  பொய்யாமை பொய்யாமை ஆற்றின்.... " பொய்யாமை பொய்யாமை ஆற்றின் அறம்பிற செய்யாமை செய்யாமை நன்று "                        குறள்: 297 பொய்யாமை - பொய் கூறாதிருத்தல் பொய்யாமை - தவறாமல் ஆற்றின் - கடைபிடித்து ஒழுகினால் அறம் பிற-  பிற அறச்செயல்களை செய்யாமை -செய்யாதிருத்தல் செய்யாமை-செய்யாதிருத்தல் நன்று - நல்லது பொய் கூறாதிருத்தலை ஒருவன்  தொடர்ந்து கடைபிடித்து ஒழுகினால் பிற அறச்செயல்கள் செய்யாதிருப்பினும் அந்தப் பொய்யாமை அவனுக்கு நன்மையையே தரும் . விளக்கம் பொய் சொல்லாதிருந்தாலே போதும். வேறு எதுவும் செய்ய தேவையில்லை. பொய் மட்டும்தான் எல்லா தீங்குகளுக்கும் அடிப்படை காரணம். பொய் சொல்கிறவனிடம் மற்ற எல்லா தீய குணங்களும் வந்து ஒட்டிக் கொள்ளும். ஒரு பொய்யை மறைக்க களவு, கொலை, கொள்ளை என்று என்னென்ன தீய செயல்களை எல்லாம் செய்வதாக கேள்விப்பட்டிருக்கிறோம். பொய் சொல்லாதிருப்பதை மட்டும் ஒரு ஒழுக்கமாகக் கடைபிடித்து வந்தாலே போதும். வேறு அறச் செயல்கள் செய்ய வேண்டிய தேவையில்லை. பொய் சொல்லாமல் ஒருவன் வாழ்ந்தால் பிற அறங்கள் செய்யாவிட்டாலும் அதன...

நோய்நாடி நோய்முதல் நாடி.... நோய்நாடி நோய்முதல் நாடி  அதுதணிக்கும் வாய்நாடி வாய்ப்பச் செயல் "                         குறள் :  948 நோய் - பிணி நாடி  -  இன்னது என அறிந்து நோய்முதல் - நோய்க்கான முதற் காரணம் நாடி - ஆராய்ந்து அது - அந்த நோய் தணிக்கும் -  தீர்க்கும் வாய் - வழி நாடி - அறிந்து வாய்ப்ப -  தவறாமல், பிழையில்லாமல் செயல் -  செய்க நோய் இன்னது என்பதை அறிந்து, அந்த நோய் வரக் காரணம் யாது என்பதை ஆராய்ந்து அதனைத் தணிக்கும் வழிகளைப் பிழை நேர்ந்துவிடாது உடலுக்கு பொருந்தும்படி செய்வீராக. விளக்கம் : முதலாவதாக ஒருவனது உடலில் ஏற்பட்டுள்ள நோய்க்கான அறிகுறிகளை வைத்து நோய் இன்னது என்பதைக் கண்டறிய வேண்டும். இரண்டாவதாக இந்த நோய் வருவதற்கான காரணம் என்ன ? என்னென்ன காரணிகள் இந்நோய் வருவதற்கு காரணமாக இருந்திருக்கும் என்பதைப் பற்றி விரிவாக  ஆராய்ந்து அறிய வேண்டும். மூன்றாவதாக மருத்துவத்தைத் தொடங்குவதற்கு முன்னர் ஒருவனுடைய ...

  செந்தமிழ் நாடெனும் போதினிலே.... செந்தமிழ் நாடெனும் போதினிலே-இன்பத் தேன் வந்து பாயுது காதினிலே - எங்கள் தந்தையர் நாடென்ற பேச்சினிலே- ஒரு சக்தி பிறக்குது மூச்சினிலே தந்தானே தந்தானே  தந்தானே  தந்தானே  தந்தானே தந்தானே தந்தானா தந்தானே தந்தானே  தந்தானே  தந்தானே தந்தானே தந்தானே தந்தானா                                      -   செந்தமிழ் வேதம் நிறைந்த தமிழ்நாடு - உயர் வீரம் செறிந்த தமிழ்நாடு - நல்ல காதல் புரியும் அரம்பையர்போல்  இளங் கன்னியர் சூழ்ந்த தமிழ்நாடு தந்தானே தந்தானே தந்தானே தந்தானே தந்தானே தந்தானை தந்தானா தந்தானே தந்தானே தந்தானே தந்தானே தந்தானே தந்தானே தந்தானா                               -       செந்தமிழ் காவிரி தென்பெண்ணை பாலாறு -தமிழ் கண்டதோர் வையை பொருனை நதி - என மேவிய யாறு பலவோடத் -திரு மேனி செழித்த தமிழ்நாடு தந்தானே தந்தானே  தந்தானே  தந்...

  விளையாட்டில் வினாவிடை " பாடல் இல்லாத விளையாட்டு பருப்பு இல்லாத கூட்டு போன்றது. " என்பார்கள். சுவை இருக்காது. சிறுவர்கள் விளையாட்டில் கண்டிப்பாக பாடல் இருக்கும்.இருக்க வேண்டும். பாடல்கள் பாடிக்கொண்டே விளையாடுவதில் சிறுவர்களுக்கு ஓர்அலாதி இன்பம். விளையாட்டுப் பாடல்கள்  உலக அறிவை ஊட்டுகின்றன. மொழித்திறனை  வளர்க்கின்றன. சொல்லாட்சித் திறன் பெருகுகிறது. வினா விடைப்பாடல்கள்  மொழிப்பயிற்சி, நாப்பயிற்சி போன்ற பயிற்சிகளை வளர்ப்பவையாக இருக்கும்.நண்பர்களோடு சேர்ந்து விளையாடும்போது சிறுவர்கள் தம்மையும் அறியாமலேயே அதிகமாக கற்றுக்கொள்ள வாய்ப்பு ஏற்படுகிறது. புத்தகத்தையும் தாண்டி மேலும் அதிகமான சொற்களைக் கையாளும் திறன் வளர்கிறது. தன்னொத்த வயதினருடன் பழகும் பண்பு ஏற்படுகிறது. முதல் அடிக்கு அடுத்த அடி பதில் சொல்வதாக அமைவதால் கேள்வியும் மறக்காது.பதிலையும் நினைவில் வைத்துக்கொள்ள முடியும். கண்டவை கேள்விப்பட்டவை என்று  அனைத்துப்  பொருட்களைப்  பற்றியும் கேள்விகள் கேட்டு எளிமையாக பாடி விளையாட முடியும். நாட்டார் பாடல்களில்  வினாவிடைப் பாடல்கள்  சிறுவர்களால் விரும்ப...

        நந்தவனத்தில் ஓர் ஆண்டி..... சித்தர்கள் எப்போதுமே உடம்பு, ஆன்மா, நிலையாமை என்று ஒரு சிந்தனைக்குரிய கருத்துக்களையே  கூறுவர். வேடிக்கையாகச் சொல்லிவிட்டுப் போவதுபோல் இருக்கும். வேடிக்கையிலும் ஒரு உள்ளார்ந்த கருத்து இருக்கும். இப்படித்தாங்க  சித்தர் ஒருவர் ஒருநாள் கால்போனபோக்கில் நடந்து சென்று கொண்டிருக்கிறார். வழியில் ஒரு சுடுகாடு.அங்கே காணும் காட்சி...அவரை சிந்திக்க வைக்கிறது. இவ்வளவு சிறுவயதில் இப்படிப்பட்ட பரிதாபத்தைத் தேடிக் கொண்டானே என மனம் வருந்துகிறார். என்ன உலகம் இது? நேற்று இருந்தார். இன்று இல்லை. வாழும்வரை ஆடிய ஆட்டம் என்ன ? எனக்கு நிகர் யார் என்று அடித்தக் கொட்டம் என்ன ?  மூச்சுப் போச்சு என்றால் எல்லாம்  அடங்கிப் போச்சு. ஆனால் கிடைத்தற்கரிய பிறவியல்லவா இந்த மானிடப்பிறவி. இந்தப் பிறவியின் அருமையை எத்தனைபேர் உணர்ந்து வாழ்கிறார்கள்.? வரமாக வாங்க வந்தப் பிறவி. அதன் அருமையை உணராமல் தாறுமாறாக வாழ்ந்து கொடுத்த காலத்திற்கு முன்பாகவே வாழ்க்கையை முடித்துக் கொண்டுவிட்டானே என்று நினைத்து அங்கேயே நின்று பார்த்துக் கொண்டே இருக்கிறார்.  இப்பட...

மனைமாட்சி இல்லாள்கண் இல்லாயின்..... " மனைமாட்சி இல்லாள்கண் இல்லாயின் வாழ்க்கை எனைமாட்சித் தாயினும் இல் "                        குறள்  :    52 மனை - இல்லம் மாட்சி - நற்பண்பு இல்லாள்கண் - இல்லத்தரசியினிடத்து இல்லாயின் - இல்லாதிருந்தால் வாழ்க்கை - வாழ்தல் எனை - எவ்வளவு பெரிய மாட்சித்து- பெருமையுடைத்து ஆயினும் - ஆனாலும் இல் -  பயன் இல்லை. இல்வாழ்க்கை நடத்துவதற்கு ஏற்ற நற்பண்பு இல்லத்தரசியிடம் இல்லாதிருந்தால் வேறு எவ்வளவு சிறப்பு இருப்பினும் அதனால் ஒரு பயனும் இல்லை. விளக்கம் :  இல்லறம் நடத்த உகந்த நற்பண்பு உள்ளவளாக மனைவி இருத்தல் வேண்டும். நற்குண நற்செய்கை உள்ள மனைவியால் மட்டுமே குடும்பத்திற்கு பெருமையும் சிறப்பும் உண்டு. மனைவி ஒழுக்கம் உடையவளாக இருத்தல் வேண்டும். செல்வம் இருக்கலாம். பதவி இருக்கலாம். சமுதாயத்தில் உயர்நிலையில் இருக்கலாம். ஆனால் மனைவி மட்டும் ஒழுக்கம் தவறியவளாக நற்பண்பில்லாதவளாக வாய்க்கப் பெற்றுவிட்டால் வேறு என்ன இருப்பினும் பயன் இல்லை. ஒருவனுக்கு சிறப்பு என்பது நற்குணங்கள் மிக்க அவன் மனைவியா...

தமிழுக்கும்  அமுதென்று பேர்.... "எங்கள் வாழ்வும் எங்கள்  வளமும்  மங்காத தமிழென்று சங்கே   முழங்கு எங்கள் பகைவர் எங்கோ மறைந்தார் இங்குள்ள  தமிழர்கள் ஒன்றாதல் கண்டே..... சங்கே முழங்கு...சங்கே முழங்கு" என்று வீர முழக்கமிட்டவர் பாவேந்தர் பாரதிதாசன். தமக்கு அன்பானவர்களைக் மானே... தேனே ...கண்ணே ...கற்கண்டே ... கனியமுதே.....என்று அழைத்து மகிழ்வோம். மாசறு பொன்னே வலம்புரி முத்தே காசறு விரையே கரும்பே தேனே என்று கொண்டாடுவோம். இது மனிதர்கள்மீது கொண்ட காதலால் சொல்லப்படும் வார்த்தைகள். கேட்பவரை மகிழ்விக்கப் பயன்படுத்தும் சொற்கள். பாரதிதாசனுக்கோ மொழிமீது தீராத காதல். மொழிக்காக தன் வாழ்க்கையையே அர்ப்பணித்துக் கொண்டவர். தமிழ்மீது கொண்ட காதலால் ...பற்றால்  தமிழை எப்படி எப்படி எல்லாமோ அழைத்து மகிழ விழைகிறார். அவருடைய விருப்பம் பாடல்களில் வெளிப்படுகிறது. " செந்தமிழே !உயிரே! நறுந்தேனே செயலினை மூச்சினை உனக்களித்தேனே நைந்தாய் எனில் நைந்துபோகும் என் வாழ்வு நன்னிலை உனக்கெனில் எனக்கும் தானே !" என்று தமிழை வாயார அழைத்து மனமார வாழ்த்துப் பாடி  கொண்டாடுகிறார். தமிழ் என்றால் ப...

பணிநிறைவுப் பாராட்டு மடல் தலைமை ஆசிரியை திருமதி வெற்றிவேல் தவமணி   அவர்களுக்கு வாசித்தளித்தது. பாண்டித்தமிழ் நடையுலா              நாஞ்சில் எழிலுலா மண்டும் புகழுலுலா              இரஜகிருஷ்ணபுர ஊருலா  கண்ணாளர் மார்த்தாண்டம்              திருமாலம்மாள் மடியுலா  கண்டுலா  வந்ததிந்த             வெற்றி வேல்நிலா! அத்தைமகன் தவமணியொடு             இன்பச் சுற்றுலா மெத்தை மடியில்           சங்கீதமாய்ப் பிள்ளைநிலா வித்தை யாவும்            உன்றன் கையிலா  கத்தையாய் அள்ளினீரோ             பட்டம்யாவும் உம்வீட்டிலா! கர்மவீர்ப் பள்ளியில்            தடம்  பதித்தலா  மாதுங்கா ஓர்லிநாக்கா           எங்கும் ஒளிவீசலா  கற்றலா கற்பித்தலா       ...

  திருக்குறள் அதிகாரங்களின் பெயர்கள் திருக்குறளில் மொத்தம் 133 அதிகாரங்கள் உள்ளன. அதிகாரத்திற்கு 10 பாடல்கள் வீதம் திருக்குறளின் மொத்தப் பாடல்கள் 1330. திருக்குறள் பகுப்பு முறை பால்.  :  3 திருக்குறளின் மொத்தப் பாடல்களும் மூன்று தலைப்பின்கீழ் பகுக்கப்பட்டுள்ளது. 1.  அறத்துப்பால் 2.  பொருட்பால் 3.  இன்பத்துப்பால் 1  . அறத்துப்பால்  : (  38  ) அறத்துப்பாலில் மொத்தம் 38 அதிகாரங்கள்  உள்ளன. அறத்துப்பால் நான்கு இயல்களைக்  கொண்டது. 1.  பாயிரவியல் =  4  அதிகாரங்கள் 2. இல்லவியல்   = 20 அதிகாரங்கள் 3. துறவறவியல் = 13 அதிகாரங்கள் 4. ஊழியியல்      =   1 அதிகாரம்         மொத்தம்        = 38   அதிகாரங்கள் மொத்தப் பாடல்கள் :  38 × 10  = 380  1.   பாயிரவியல் -  அதிகாரங்கள் (   4 )              1. கடவுள் வாழ்த்து 2. வான் சிறப்பு 3. நீத்தார் பெருமை 4. அறன்வலியுறுத்தல் ...

  எல்லா விளக்கும் விளக்கல்ல.... " எல்லா விளக்கும் விளக்கல்ல சான்றோர்க்குப் பொய்யா விளக்கே விளக்கு "                             குறள்  : 299 எல்லா - அனைத்து விளக்கும் - விளக்குகளும் விளக்கல்ல - ஒளி தருவதல்ல சான்றோர்க்கு - நற்குணம் பெற்றவவர்களுக்கு பொய்யா - பொய்யாமையாகிய விளக்கே - விளக்கு மட்டுமே  விளக்கு - விளக்காக இருக்கும் புற இருள் நீக்கும் விளக்குகள் எல்லாம் விளக்குகள் அல்ல. சான்றோர்க்கு  அகஇருள் போக்கும் பொய்யாமையாகிய விளக்கே விளக்காகக் கருதப்படும். விளக்கம் : இவ்வுலகில்   இருளை அகற்ற   இயற்கையாக ஒளிதரும்  கதிரவன் இறைவனால் படைக்கப்பட்டுள்ளது. செயற்கையாக பல ஒளிவிளக்குகள் வண்ண வண்ண நிறங்களில் கண்டுபிடிக்கப்பட்டுள்ளன. இவை ஒளிதரும் காரணிகளாக கருதப்படுகின்றன. இவை புற இருளை நீக்குகின்றன. ஆனால் இவை யாவும் பொய்யாமை  என்னும் விளக்கின் முன்னர்  காணாமல் போய்விடும்.  ஒருவன் உயர்ந்தவன்,  பண்புடையவன் என்று உலகத்தோரால் அறியப்பட வேண்டுமானால் அவனிடம் பொய் சொல்லாதிரு...