இருந்தவளைப் போனவளை
இருந்தவளைப் போனவளை ... பத்தாயிரம் கவிதை முத்தாக அள்ளி வைத்த சத்தான கம்பனுக்கு ஈடு இன்னும் வித்தாகவில்லை என்று பாடு"என்பார் கண்ணதாசன். இந்தப் பத்தாயிரம் மட்டும்தானா... இன்னும் உண்டு சத்தான பாடல்கள். தனிப்பாடல் திரட்டிலிருந்து கம்பர் முத்தாக அள்ளி வைத்த பாடல்கள் பல உண்டு. அவற்றிலிருந்து இதோ உங்களுக்காக ஒரே ஒரு பாடல். தன் மகள் காதல் வயப்பட்டு விட்டாள். அதனால் அவள் உடல் மெலிந்தாள்.கைவளை கழன்று காணாமல் போனது. இதற்குக் காரணம் யார்? யாரைப் பார்த்தாள்? யார் மீது காதல் கொண்டாள்? வேறு எங்கும் செல்லவில்லையே...அப்படியானால்.... அப்படியானால்.... யாராக இருக்கும்? தாயின் மனம் கலக்கத்தில் கண்டபடி ஏதேதோ புலம்பத் தொடங்குகிறது. அன்றொருநாள் அவள் பார்த்த அவன் அவனேதான். அவன் ஆகத்தான் இருக்க வேண்டும் . யாராக இருக்க வேண்டும் என்கிறாள்? தாய் தன் மகளின் காதல் பற்றிச் சொல்கிறாள். கேளுங்கள். கம்பர் நடையில் கண்ணதாசன் பாடலுக்கே வித்தாக அமைந்த அந்தப் பாடல் உங்களுக்காக. " இருந்தவளைப் போனவளை யென்னை யவளைப் பொருந்தவளை பறித்துப் போனான் - பெருந்தவளை பூதத்தத் தேன் சொரியும் பொன்னி வளநாட்டின் மாத்த...