பாரதிதாசன் தமிழ்மீது கொண்ட காதல்
பாரதிதாசன் தமிழ்மீது கொண்ட காதல் எங்கள் வாழ்வும் எங்கள் வளமும் மங்காத தமிழென்று சங்கே முழங்கு எங்கள் பகைவர் எங்கோ மறைந்தார் இங்குள்ள தமிழர்கள் ஒன்றாதல் கண்டே..... சங்கே முழங்கு...சங்கே முழங்கு" என்று வீர முழக்கமிட்டவர் பாவேந்தர் பாரதிதாசன். தமக்கு அன்பானவர்களைக் மானே... தேனே ...கண்ணே ...கற்கண்டே ... கனியமுதே.....என்று வாயார அழைத்து மகிழ்வோம். இது மனிதன்மீது கொண்ட காதலால் சொல்லப்படும் வார்த்தைகள். கேட்பவரை மகிழ்விக்கப் பயன்படுத்தும் சொற்கள். பாரதிதாசனுக்கோ மொழிமீது தீராத காதல். மொழிக்காக தன் வாழ்க்கையையே அர்ப்பணித்துக் கொண்டவர். தமிழ்மீது கொண்ட காதலால் ...பற்றால் தமிழை எப்படி எப்படி எல்லாமோ அழைத்து மகிழ்கிறார். " செந்தமிழே !உயிரே! நறுந்தேனே செயலினை மூச்சினை உனக்களித்தேனே நைந்தாய் எனில் நைந்துபோகும் என் வாழ்வு நன்னிலை உனக்கெனில் எனக்கும் தானே !" என்று தமிழை வாயார அழைத்து மனமார வாழ்த்துப் பாடி கொண்டாடுகிறார். தமிழ் என்றால் பாரதிதாசனுக்கு உயிர். தமிழ் இனிமை: நன்று என்று சொல்ல உலகில் எத்தனை எத்தனையோ பொருட்கள் கண்முன் அணிவகுத்து நிற்கின்றன. மழைந...