Bombay Tamil Teacher

ஒருவன் தன் வாழ்வில் கிடைத்த மிகப் பெரிய செல்வமாகக் கருதுவது கல்விச் செல்வமாகும். கல்வியை ஒருமுறை பெற்றுவிட்டால் வாழ்நாள் முழுவதும் கூடவே வரும். என்னிடம் நிறைய கல்வி இருக்கு யாராவது  களவாடி சென்று விடுவார்களோ ..என்ற . கவலை இல்லை. ஐயோ பெருமழை வந்துவிட்டதே... வெள்ளம் வந்து அடித்துச் சென்றுவிடுமோ என்று அச்சப்படத் தேவையில்லை. தீயில் எரிந்து சாம்பலாகிவிடுமோ என்று நினைத்து வெதும்பிக் கிடக்க வேண்டாம். எப்போது நான் உங்களுடையவள் ஆகிவிட்டேனோ... இனி எப்போதும் உங்களுடையவள்தான். எந்த ஒரு சக்தியாலும் உங்களிடமிருந்து என்னைப் பிரிக்க முடியாது பிரிக்க முடியாத பந்தம் கல்விக்கும் கல்வியைப்  பெற்றவருக்குமிடையே ஏற்பட்டுவிடும். இதையேத்தான் விவேக சிந்தாமணி ஆசிரியர் வெள்ளத்தால் போகாது வெந்தணலால் வேகாது வேந்தராலும் கொள்ளத்தான் முடியாது கொடுத்தாலும் நிறைவொழிய குறைபடாது கள்ளர்க்கோ மிக அரிது காவலோ மிக எளிது கல்வி என்னும் உள்ளத்தே பொருளிருக்க உலகெலாம் பொருள்தேடி உமல்வதேனோ !" என்று கூறுகிறார். கல்விதாங்க செல்வம் என்று விவேக சிந்தாமணி  சொல்ல....இல்லை...இல்லை...இல்லை... செல்வம்மட்டுமல்ல...ஒருவனுக்கு அழகே...

ஒருமைக்கண் தான்கற்ற கல்வி.... " ஒருமைக்கண் தான்கற்ற கல்வி ஒருவற் கெழுமையும் ஏமாப் புடைத்து "        ஒருமைக்கண் _ ஒரு பிறப்பில் தான் கற்ற _ கற்றுத் தேர்ந்த கல்வி _ அறிவு ஒருவற்கு _ ஒருவருக்கு எழுமையும் _ பல காலம் ஏமாப்பு _  பாதுகாப்பு உடைத்து _ உடையது ஒரு பிறப்பில் ஒருவன் கற்றக் கல்வியானது இந்தப் பிறவியில் மட்டும் அல்லாது ஏழேழு தலைமுறை வரையிலும் பாதுகாப்பாக  இருந்து உதவும். விளக்கம் : ஒரு முறை படித்துவிட்டால் போதும். அது என்றென்றும் நம் கூடவே வரும்.  இந்த உலகில் அழிவில்லாத ஒன்று உண்டென்றால் அது கல்வி மட்டுமாகத்தான் இருக்கும். ஒருமனப்பட்டு இந்தப் பிறவியில் கல்வியைப் பெற்றுக் கொண்டால் போதும். அது இன்னும் ஏழேழு பிறவிகளுக்கும் அரணாக இருந்து நம்மை பாதுகாக்கும். ஏழேழு பிறவிகள் என்பது தொடர்ந்து நாம் வாழும் காலம் என்பதாகவே எடுத்துக் கொள்ள வேண்டும். ஒருமை என்பதை ஒரு பிறப்பு என்று சொன்னவர்கள் எழுமையை ஏழு பிறப்புகள் என்றனர். ஒரு தலைமுறையில் நாம் கல்வி அறிவு பெற்றுவிட்டால் அது ஏழு தலைமுறைக்கும் பாதுகாப்பாக அமையும்.ஆதலால் ...