காதற்ற ஊசியும் வாராது காண் கடைவழிக்கே
காதற்ற ஊசியும் வாராது காண் கடை வழிக்கே தமிழகத்தில் வாழ்ந்த எத்தனையோ சித்தர்களுள் பட்டினத்தார்க்கு என்று தனிச்சிறப்பு உண்டு. பட்டினத்தார் என்றதும் வாழ்வின் நிலையாமை பற்றி நிறையப் பேசியவர். ஆசைகளை அறுக்கச் சொன்னவர். அதிலும் பெண்ணாசை பெருந்தீங்கென்றவர் என்பதுதான் நினைவுக்கு வரும். கூடவே அவர் துறவியாகவே வாழ்ந்தவர். எளியவர் என்ற நினைப்பு நமக்குள் வந்துவிடும். ஆனால் அவருடைய வாழ்க்கை வரலாறு சுவாரசியமானது யாரும் எதிர்பாராத பல திருப்பங்களைக் கொண்டது. பட்டினத்தார் வசதி மிக்க வணிகர் குடும்பத்தில் பிறந்தவர். தந்தையோடு சேர்ந்து வணிகத்தில் ஈடுபட்டு ஓடியாடிப் பெரும் பொருள் சேர்த்தவர். திருமணம் செய்து மகிழ்ச்சியாக இல்லறம் நடத்தியவர். செல்வமும் மகிழ்ச்சியும் ஒருபோதும் அவர் இல்லத்தில் குறைந்திருக்கவில்லை. ஆனால் இந்தத் தம்பதியருக்குக் குழந்தைச் செல்வம் இல்லாதது பெருங்குறையாக இருந்தது. ஆண்டுகள் கடந்தன. ஒரு குழந்தையைத் தத்து எடுத்து வளர்க்க நினைத்தார். அவர் நினைத்தது போலவே இறைவன் திருவருளால் ஒரு பிராமணர் மூலம் ஓர் ஆண்குழந்தை கிடைத்தது. அக்குழந்தைக்கு மருதவாணன்...