வில்லேருழவர் பகை கொளினும்....
வில்லேருழவர் பகைகொளினும்..... வில்லே ருழவர் பகைகொளினும் கொள்ளற்க சொல்லேர் உழவர் பகை " குறள் : 812 வில் _வில் ஏர் _கலப்பை உழவர் _ உழுபவர் பகை _ பகைமை கொளினும் _ கொண்டாலும் கொள்ளற்க _ கொள்ளாதொழிக சொல்லேர் உழவர் _ பேச்சுக்கலையில் வல்லவர் பகை _ பகை வில் தொழில் செய்து போரிடும் பகைவரோடு பகைகொள்ளினும் கொள்ளலாம் ஆனால் சொல்வன்மை மிக்க அறிஞரோடு ஒருபோதும் பகை கொள்ளக் கூடாது. விளக்கம் : வில்லுடைய பகைவரைப் பகைத்துக் கொண்டாலும் சொல்வல்லவரோடு பகை கொள்ளக் கூடாது. வீரர்களோடு பகை கொள்ளலாம். விவேகம் உள்ளவரோடு பகை கொள்ளக் கூடாது. வலிமையால் வரும் கேடு பெருமளவில் இருக்காது. ஆனால் அறிஞர்கள், சொல்லாட்சித் திறமிக்க புலவர்களைப் பகைத்துக் கொண்டால் அரசன் நல்லாட்சி நடத்திட முடியாது. அரசனுக்கு நல் ஆலோசனை சொல்லும் திறன்மிக்க அமைச்சர்களையும் மன்னன் ஒருபோதும் பகைத்திடக் கூடாது. அரசனுக்கு மட்டுமல்ல. நமக்கும் ஏற்ற குறள். அறிவுள்ளவர் கூடவே இருக்கும்போதுதான் நல்வழிகளைக் கேட்டறிந்திட முடியும்...