Bombay Tamil Teacher

கொங்குதேர் வாழ்க்கை அஞ்சிறைத் யைத் தும்பி காதல் என்று வந்துவிட்டால் அதில் மிகைப்படுத்தல் மிகுந்திருக்கும். காதலன் காதலியைப் புகழ்வதும் காதலி காதலனைப் புகழ்வதும் இன்று நேற்று நடப்பதல்ல. உலகம் தோன்றிய காலம் தொட்டு இதுதான் நிகழ்ந்துகொண்டிருக்கிறது. நாளையும் இதுதான் நடக்கும். இதைத்தான் நாம் எல்லா  அகப்பாடல்களிலும் பார்க்கிறோம். படிக்கிறோம். உள்ளுக்குள்ளேயே சிரித்து மகிழ்கிறோம். பெயர் சுட்டப்படாத யாரோ இருவருக்குள் நிகழ்ந்த காதல் பொதுமையாக நம்முன் வைக்கப்படும் போது அந்த இலக்கிய  இன்பத்தை நம்மால் நுகரமுடிகிறது. அந்த உணர்வு அனைவராலும் ஈர்க்கப்படுகிறது. பெயர் சொல்லப்படாமல் தலைவன் தலைவி என்றே சொல்லப்படும்  ஒரு பொதுமைத் தன்மை அகப்பாடல்களில் இருப்பதைப் பார்க்கலாம். இப்போது தலைவன் ஒருவன் தன் அன்புக்குரிய தன்  தலைவியைப் பார்த்து எப்படி எல்லாம்   புகழ்வான் என்று வள்ளுவர் சொல்வதைக்  கேளுங்கள். " முறிமேனி முத்தம் முறுவல் வெறிநாற்றம் வேலுண்கண் வேய்த்தோள் அவட்கு" மூங்கில் போன்ற தோளையுடைய என் தலைவிக்கு தளிரே மேனி.  முத்தே பல் .உடல் மணமோ நறுமணம்.  வேலே மை உண்ட கண...

கண்ணுக்குக் கண் பல்லுக்குப் பல் உப்பு தின்னவன் தண்ணீர் குடிப்பான்; தப்பு செய்தவன் தண்டனை அனுபவிப்பான்." " அரசன் அன்று கொல்வான்; தெய்வம் நின்று கொல்லும்." இப்படி தப்பு செய்தவன் தண்டனை பெற்றே தீருவான் என்று முன்னோர்கள் சொல்லிச் சொல்லி நம்மை வளர்த்திருக்கின்றனர். எனக்கு ஒரு கண் போனாலும் பரவாயில்லை;  எதிரிக்கு இரண்டு கண்ணும் போக வேண்டும். இப்படிப்பட்ட எண்ணங் கொண்டவர்கள்தான் இன்றைய சூழலில் அதிகம். இப்படி பழக்கப்பட்ட மொழிகளோடு இன்னொரு மொழியும் என்னைத் திரும்பிப் பார்க்க வைத்தது. " கண்ணுக்குக் கண்; பல்லுக்குப் பல்" இது என்ன கண்ணுக்குக் கண் ; பல்லுக்குப் பல் ...? சற்று சிந்திக்க வைத்தது. பதிலுக்குப் பதில் கொடுக்க வேண்டும். அடித்தவனுக்கு அதே அடியைத் திருப்பிக்  கொடுக்க வேண்டும். இதுதான் இந்தப் பழமொழியின் கருத்து. இது சாத்தியப்படுமா? இப்படிச் செய்வது நன்மையான செயலா? என்று எண்ணத் தோன்றும். சரியோ ...தவறோ ..ஆனால் அப்படிச்  செய்தால்தான் சில நேரங்களில் குற்றங்கள் குறையும். அப்படி இல்லை என்றால் தடி எடுத்தவன் எல்லாம் தண்டல்காரன் என்றபடி ஆளாளுக்கு கம்பைத் தூக்கிக் கொண்டு  புறப்ப...

பாதிரிப் பூ  கல்வி கற்பவர்க்கு மட்டும் பயன்படுவதல்ல. ஒரு சமுதாயத்தையே மாற்றும். பூவோடு சேர்ந்த நாரும் மணம் பெறும். என்று படித்திருக்கிறோம். பாதிரிப் பூவோடு சேர்ந்தால் பானையும் மணம் பெறும். பானை மணம் பெற்றால் பாதிரிப் பூ வைத்த பானையில் ஊற்றி வைக்கும் தண்ணீர் மணம் பெறாமல் இருக்குமா என்ன? எதற்காக இந்தப் பாதிரிப்பூ ? எதற்காக இந்தப் பானை? பாதிரிப் பூவையும் பார்வையையும் தூக்கி வந்து நம் முன்னர் நிறுத்தியவர் யார்? வேறு யாரும்  அல்லர். பாதிரிப் பூவையும் பானையையும் உவமையாக கொண்டு வந்து நிறுத்தியவர் நாலடியார். பாடல் உங்களுக்காக... கல்லாரே ஆயினுங் கற்றாரைச் சேர்ந்தொழுகில் நல்லறிவு நாளுந் தலைப்படுவர் – தொல்சிறப்பின்  ஒண்ணிறப் பாதிரிப்பூச் சேர்தலாற் புத்தோடு/ தண்ணீர்க்குத் தான்பயந் தாங்கு’ நாலடியார் (139) நறுமணப் பூவின் தொடர்பால் பானை நறுமணம் பெற்றதுபோல் கல்வியில் சிறந்தவர்களுடன் தொடர்பு ஏற்படுத்திக் கொண்டால் கல்லாதவர்க்கும் அறிவு கிடைக்கும் .  நாம் யாரோடு தொடர்பு வைத்துக் கொள்கிறோமோ அவர்களின் குணம் நம்மை வந்து ஒட்டிக்கொள்ளும். இதுதான் உண்மை. இந்தப் பாடலில்  புதுமையான செய்தி...

நினைவுகூர்தல் நினைவுகூறுதல் எது சரி சில சொற்களை  பேசும்போது எந்தவித ஐயப்பாடுமின்றி எளிதாக பேசி விட்டுச் சென்று விடுவோம். ஆனால் எழுதிவிட்டு திரும்பவும் வாசித்துப் பார்க்கும்போது நாம் சரியாகத்தான் எழுதியிருக்கிறோமா என்ற ஓர் ஐயப்பாடு ஏற்படும். மறுபடியும் மறுபடியும் வாசித்துப் பார்ப்போம். பொருள் மாறுபடுவதுபோல தோன்றும். ஆனாலும்  எந்தச் சொல்லை எழுதுவது என்ற தெளிவு உடனடியாகக் கிடைத்துவிடாது. கடைசிவரை மனதிற்குற்குள் விவாதத்திற்கு விட்டுப் பார்த்து ஏதோ ஒரு முடிவுக்கு வந்து ஒரு சொல்லை எழுதுவோம்.  அது தவறான பொருளாகி விடுவதுண்டு. இப்படி நம்மை பலமுறை குழப்பமான மனநிலையில் கொண்டுவந்து நிறுத்தும் ஒரு சொல் நினைவு கூறுதல். நினைவு கூறுதல் என்றால் நினைவு கூறுதல் தான் . கூறுதல் என்றால் சொல்லுதல் என்று பொருள். நம் பழைய நினைவுகளை நினைவுபடுத்தி அடுத்தவர்களிடம் கூறுவது நினைவு கூறுதல். அப்படியானால் நினைவு கூர்ந்தார் என்ற சொல்லையும் நாம் பயன்படுத்தி வருகிறோமே...இந்த நினைவு கூர்தலும் அந்த நினைவு கூறுதலும் ஒன்றா என்ற கேள்வி எழலாம். கூறுதலும் கூர்தலும் எப்படி ஒன்றாக இருக்க முடியும்? கூறுதல் -சொல்லுதல்...

வினையாலணையும் பெயர் என்றால் என்ன  ஒரு வினைமுற்று வினையை உணர்த்தாது அவ்வினைக்கு உரிய கருத்தாவை உணர்த்தி, எழுவாயாக நின்று, வேற்றுமை உருபை ஏற்றும் ஏற்காமலும் வருவது  வினையாலணையும் பெயர் எனப்படும். மனப்பாடமாகப் படித்துவிட்டோம். இப்போது வினைமுற்று என்றால்  என்ன?என்ற கேள்வி எழுகிறது. ஒரு வினைச்சொல்லானது ஒரு செயல் முடிவுற்ற நிலையில் அது வினைமுற்று என்று அழைக்கப்படும். மாதவன் பாடினான் . மலர் ஆடினாள். தலைவர் கொடுத்தார். கொடி அசைந்தது பறவைகள் பறந்தன. பாடினான்,ஆடினாள்,கொடுத்தார், அசைந்தது,பறந்தன இவை முற்று பெற்ற வினைச் சொற்கள் ஆதலால் வினைமுற்று என்கிறோம். இப்போது வினையாலணையும் பெயருக்கு வருவோம். ஆடியவன் பரிசு பெற்றான். ___________ பரிசு பெற்றவர் யார் என்ற கேள்விக்கு விடையாக வருவது எது? ஆடியவன். இங்கே 'ஆடியவன் 'வினையாலணையும்  பெயர். ஆடியவன் பெயர்த்தன்மை பெற்று வந்துள்ள வினையாலணையும் பெயர். பாடியவனுக்கு பணம் வழங்கப்பட்டது. _______________ பாடியவனுக்கு என்ற சொல்லில் நான்காம் வேற்றுமை உருபான 'கு' சேர்ந்து வந்துள்ளது. இது வேற்றுமை உருபை ஏற்று வந்துள்ள வினையாலணையும் பெயர் ஆகும்....

எட்டுத்தொகை நூல்கள் யாவை சங்க இலக்கியங்களுள் சிறப்பான நூல்களின் தொகுப்பு  எட்டுத்தொகை.  இது எட்டு நூல்களின் தொகுப்பு ஆதலால் எட்டுத்தொகை எனப் பெயர் பெற்றது. இதில் அடங்கிய ஒவ்வொரு நூலும் பல்வேறு புலவர்களால் வெவ்வேறு காலகட்டங்களில் எழுதப்பட்டவை.  பின்னர் அவை யாவும் கடைச்சங்க காலத்தில் ஒருசேரத் தொகுக்கப்பட்டது என்று கூறப்படுகிறது. எட்டுத்தொகை பாடல்களளைப் பாடிய புலவர்கள் மொத்தம் 700  என்று கூறப்பட்டுள்ளது இவற்றுள்  30 பெண்பாற் புலவர்களும்  அடங்குவர். எட்டுத்தொகை நூல்களாவன: 1.நற்றிணை 2.குறுந்தொகை 3.ஐங்குறுநூறு 4.பதிற்றுப்பத்து 5.பரிபாடல் 6.கலித்தொகை 7.அகநானூறு 8.புறநானூறு இந்த எட்டு நூல்களுள், அகப்பொருள் பற்றிய நூல்கள்: 1.நற்றிணை 2.குறுந்தொகை 3. ஐங்குறுநூறு 4.கலித்தொகை 5.அகநானூறு புறப்பொருள் பற்றிய நூல்கள்: 6.புறநானூறு 7.பதிற்றுப்பத்து அகமும் புறமும் கலந்து பாடப்பட்ட நூல்: 8. பரிபாடல். எட்டுத்தொகை நூல்களைப் பற்றி  எளிதாக மனதில் பதிய வைத்துக்கொள்ள கொடுக்கப்பட்டுள்ள வாய்ப்பாடு உங்களுக்காக: " நற்றிணை நல்ல குறுந்தொகை ஐங்குறுநூறு ஒத்த பதிற்றுப்பத்து ஓங்கு பரிபாடல...

பிரளயம் வருமா வராதா  வழக்கத்திற்கு மாறான பெருவெள்ளம்.  பார்க்கும் இடமெங்கும் வெள்ளக்காடு.  மழை ஓவென்று ஒப்பாரி வைத்து  தன் கொண்டாட்டத்தை நிறுத்தவில்லை.  சிறுகுளங்கள் எல்லாம் உடைப்பெடுத்து  ஊருக்குள் தண்ணீர் வந்துவிடுகிறது.   அவ்வளவுதான் ஊர் முழுவதும் கூச்சலும்   கூப்பாடுமாக மாறிவிடுகிறது.  என்ன செய்வதெனத் தெரியாத பதற்றம்.  ஐயோ...ஜலப் பிரளயம் வந்து   உலகம் அழியப் போகிறது போலிருக்கிறதே  என்று ஆளாளுக்குப் புலம்பத்  தொடங்கிவிடுகின்றனர்.    இப்படிப்பட்டதான சூழ்நிலை பல நேரங்களில்  நிகழ்ந்ததுண்டு.  இப்போதே ஊர் அழிந்து போகக் கூடுமோ   என அஞ்சி இருப்போம்.  எல்லாம் நான்கு நாட்கள்தான்.  அதன்பிறகு பிரளயம் வந்ததற்கான  சுவடே இல்லாமல் போய்விடும். " பஃறுளி யாற்றுடன் பன்மலை அடுக்கத்து குமரிக் கோடும் கொடுங்கடல் கொள்ள " என்ற சிலப்பதிகார அடிகள் பிரளயத்தால் குமரிக் கண்டம் காணாமல் போனதைப் பற்றி குறிப்பிடுகிறது. அப்படியானால் பிரளயத்தால் அழிவு நடந்திருக்கிறது என்பது உண்மை. பிரளயம் என்றால்...

யாரையும் இழிவாக எண்ண வேண்டாம்  காகம் பற்றி ஒவ்வொருவருக்கும் ஒவ்வொருவிதமான எண்ணம்  உண்டு.  காகம் என்றால் சிலருக்கு  ஓர் அலட்சியம்.    கருப்பாக இருப்பவர்களை அண்டங்காக்கா   என்று இழிவாகப் பேசுவர்.    கூட்டமாக சாப்பாட்டுக்கு வந்துவிட்டால் போதும்   காக்கா கூட்டம் மாதிரி வந்து   கூடிவிட்டார்கள் என்று  கிண்டலடிப்பர்.   காக்கை கரைத்தால்  விருந்து வரும் என்பது சிலரது  நம்பிக்கை. உண்மையா இல்லையா என்பது விவாதத்துக்குரியது. ஆனால்  சங்க இலக்கிய காலத்திலும்  இப்படியொரு நம்பிக்கை இதற்கான ஆதாரம் உள்ளது.  காகத்தைப்  பற்றி யார் என்ன நினைத்தாலும் பரவாயில்லை. எனக்கு காகத்தைப் பற்றி நல்ல எண்ணம்   உண்டு என்கிறார் வள்ளுவர்.   ஒரு அரசன் போருக்குச் சொல்லும்போது கூட   அவன் காக்கையைப் பார்த்து கொஞ்சம்   கற்றுக்கொண்டு செல்ல வேண்டும்    என்கிறார் வள்ளுவர்.      அடேங்கப்பா....   அரசனே காகத்திடம் போய் கற்றுக்கொள்ள   வேண்...

பத்துப்பாட்டு நூல்கள் சங்க இலக்கிய நூல்களுள் முதலாவது வரிசையில் வைத்து எண்ணப்படுவது பத்துப்பாட்டு. பத்துப்பாட்டு நூல்கள் யாவை? அவற்றை எழுதியவர்கள் யார் யார்? அந்தப் பாட்டுடைத் தலைவர்கள் யார் யார் என்பதைப் பற்றி இக்கட்டுரையில்  காண்போம். 1. திருமுருகாற்றுப் படை 2.பொருநராற்றுப் படை 3.சிறுபாணாற்றுப் படை 4.பெரும்பாணாற்றுப் படை 5.முல்லைப்பாட்டு 6.மதுரைக் காஞ்சி 7.நெடுநல்வாடை 8.குறிஞ்சிப் பாட்டு 9..பட்டினப்பாலை 10.மலைபடுகடாம்  ஆகிய பத்தும் பத்துப்பாட்டு நூல்களாகும். இவற்றுள், 1.புறப்பொருள் பற்றிய நூல்கள்: திருமுருகாற்றுப்படை பொருநராற்றுப்படை சிறுபாணாற்றுப்படை பெரும்பாணாற்றுப்படை மலைபடுகடாம் மதுரைக்காஞ்சி ஆகிய ஆறு நூல்களுமாகும். 2.அகப்பொருள் பற்றிய நூல்கள்: குறிஞ்சிப்பாட்டு பட்டினப்பாலை முல்லைப்பாட்டு ஆகிய மூன்று நூல்களுமாகும். 3. அகப்பொருள், புறப்பொருள்  இரண்டும் விரவிய  நூல்: நெடுநல்வாடை என்ற ஒரு நூல் மட்டும். பத்துப்பாட்டு பாடல்கள் எழுதியவர்கள் மற்றும் பாட்டுடைத் தலைவர்கள். திருமுருகாற்றுப்படை-    நக்கீரர் பாட்டுடைத் தலைவன் முருகன் பொருநராற்றுப்படை- முடத்தாமக் ...

கிணறு வெட்ட பூதம் கிளம்பிய கதை  பேய் உண்டா?  இல்லையா? இருக்கிறது என்று ஒரு சாராரும்  இல்லை என்று இன்னொரு சாராரும்  தங்கள் கருத்துக்களை முன் வைக்கின்றனர். உண்மையில் இருக்கிறது என்பது அறிவியல் பூர்வமாக நிரூபிக்கப்படவில்லை. அப்படியானால் பேய் இல்லை என்பதைத்தானே ஏற்றுக் கொள்ள வேண்டும். ஆனால் மனம் அதையும் ஏற்றுக்கொள்ள மறுக்கிறது. குழந்தை பருவத்திலிருந்து பேய்  இருக்கிறது என்று சொசொல்லிச்ம்ல்லி வளர்க்கப்பட்டிருக்கிறோம். பேய் கிட்ட பிடிச்சு கொடுத்திடுவேன். சாப்பிடு  என்று பயமுறுத்தப்பட்டிருக்கிறோம். பேயை சொம்புக்குள் அடைக்கும் மாயாஜால  கதைகளைப் பார்த்து பார்த்து வளர்ந்திருக்கிறோம். இளமையில் பாடம் பசுமரத்தாணி. இளமையில் மனதில் பதிவுசெய்து வைக்கப்பட்ட எதையும் மிக எளிதாக துடைத்துப் போட்டுவிட முடியாது. அதனால்தான் பேய் இல்லை என்பதை மனம் ஏற்க மறுக்கிறது. இருட்டைக் கண்டால் பயம். திடீரென்று வெளிச்சத்தைக் கண்டால் பயம். நிசப்தமான இடங்களில் செல்ல பயம். ஓவென்று அலறல் கேட்டால் உள்ளுக்குள்  பயம். இப்படி நாம் பயப்படும் யாவற்றையும் பேயோடு தொடர்புபடுத்திக் பார்க்கிறோம். ஒர...

முதலைக் கண்ணீர்   எது போலி எது அசல் என்று தெரியாதபடி போலிகளின் நடிப்பால் திணறிப் போய் நிற்கிறோம். சிலருக்குப்  பொசுக் பொசுக்கென்று கண்ணீர் வரும். சிறிது கவலையாகப் பேசிவிட்டால் போதும். கண்களை கண்களைத் துடைப்பார். நமக்கு அவர்மீது ஒரு நல்லெண்ணம் ஏற்பட்டு விடும். நமக்காக வருந்த ஓர் உயிர் இருக்கிறதா? எளிதில் அவர் வலையில் விழுந்து விடுவோம். அவருடைய கண்ணீர்  போலியாக செயற்கைத் தனமாக வேண்டுமென்றே வடிப்பதாக இருக்கலாம். இதைத்தான் முதலைக் கண்ணீர் என்று சொல்கிறோம். ஏன் முதலைக் கண்ணீர் என்று சொல்கிறோம்.? யானைக் கண்ணீர் என்று சொல்லலாம். பூனைக்கண்ணீர் என்று சொல்லலாம். ஏன் மாட்டுக் கண்ணீர் என்று கூட சொல்லலாம். ஏன் முதலைக் கண்ணீர் என்றனர் என்ற கேள்வி எழலாம். முதலைக்கும் கண்ணீருக்கும் என்ன சம்பந்தம் ? முதலை எந்தக் காலத்தில் கண்ணீர் வடித்தது? எதற்காக வடித்தது? அப்படியே வடித்திருந்தாலும் நம்மால் காண முடியுமா? தண்ணீருக்குள்ளேயே கிடக்கும் முதலையின் கண்களில் இருந்து வடியும் நீர் கண்ணீர் என்று எப்படி அறிவது? ஒருவேளை அது நீராகவும் இருக்கலாமல்லவா? இப்படி ஆயிரத்தெட்டு கேள்விகள் வந்து விடை கேட்ட...

சங்க இலக்கியத்தில் உவமை  சங்க இலக்கியப் பாடல்கள் ஒவ்வொன்றும் ஒரு சிறுகதை. அதைக் கதையாகவும் எழுதலாம். கவிதையாகவும் வடிக்கலாம். உவமை நயத்தை அள்ளி அள்ளிக் பருகலாம். விரும்புபவர்க்கு வழங்கி மகிழலாம். ஒரு செய்தியைப் சொல்வதற்காக அவர்கள் கையாளும் உவமைகள் அது நடந்த இடத்திற்கே நம்மை அழைத்துச் செல்லும். அதுதானே ஒரு கதையின் இயல்பு. கவிதையின் இயல்பும் நிகழ்வைக் கண்முன் கொண்டுவந்து  நிற்க வைப்பதாக இருந்தால்.....? ஒரு தலைவனும் தலைவியும் காதல்வயப்பட்டுவிட்டனர். நீயில்லாமல் நானில்லை. நானில்லாமல் நீயில்லை. பிரிந்தால் உயிர் தறியேன் என்று காதல் வசனம் பேசி நாட்களைக் கடத்தினர். எத்தனை நாட்களுக்குத்தான் இப்படியே காதலித்துக் கொண்டிருப்பது? திருமணம் என்ற பந்தத்தில் இணைந்துகொள்ள வேண்டாமா என்ற நினைப்பு வந்தது. காதலி எப்போது திருமணம் செய்து கொள்வீர்கள்? என்று மெதுவாகக் கேட்க ஆரம்பித்தாள். எதுவரை எதிர்காலம் பற்றிய சிந்தனை இல்லையோ அதுவரை காதல் இனிக்கும். எதிர்காலத்தைப் பற்றிய சிந்தனை வந்துவிட்டால்.... ஆயிரம் கேள்விகள் முன் வந்து விடை கேட்டு நிற்கும். இப்போது திருமணம் பற்றிய முதல் கேள்வி தலைவன் முன் வைக்கப...

நந்தி வர்மன் மாண்ட கதை நாம் வாழ்கிற வாழ்வு அறம் சார்ந்ததாக  இருக்க வேண்டும்.   இந்த ஆசை எல்லோருக்கும் உண்டு. ஆனால் அனைவரும் அப்படி ஒரு வாழ்க்கையை வாழ்ந்து கொண்டிருக்கிறோமா? அறம் சார்ந்த வாழ்வு என்பது எல்லோராலும் சாத்தியப்படக் கூடியதா? எல்லா இடங்களிலும் எல்லா நேரங்களிலும் எல்லோராலும் பின்பற்ற முடிகிறதா? இப்படி ஏகப்பட்ட கேள்விகள். முதலாவது அறம் என்றால் என்ன  என்று பார்ப்போம்.  மனிதன் இப்படித்தான் வாழ வேண்டும்  என்று தனக்கென வகுத்துக்கொண்ட  ஒழுக்கநெறியே அறம் எனப்படும் "மனத்துக்கண் மாசிலன் ஆதல் அனைத்தறன் ஆகுல நீர பிற" என்பார் வள்ளுவர். மனத்தில் எந்தவிதமான குற்றமும் இல்லாமல் இருத்தலே அறம். உள்ளத்தில் அன்பில்லாது செய்யப்படும் எந்த தர்மமும் அறம்  எனப்பட மாட்டாது. எண்ணம், சொல், செயல் மூன்றும் தூய்மையாக இருந்து செய்யப்படும் செயல்தான்  அறமாகக் கொள்ளப்படும். இந்ந அறத்தைத் தவிர இன்னொரு அறமும் இலக்கியத்தில் சொல்லப்படுவதை அறிந்திருக்கலாம். அறம் பாடுதல் என்ற ஒரு சொல் கேள்விப்பட்டிருப்போம். இந்த அறம் பாடுதல் மேலே கூறப்பட்ட அறத்திற்கு முற்றிலும் மாறுபட்டது. ஒரு பு...

ஆண்டாண்டு அழுது புரண்டாலும்... "நெருநல் உளனொருவன் இன்றில்லை என்னும்  பெருமை உடைத்து இவ்வுலகு " என்பார் வள்ளுவர். நேற்று இருந்தவர் இன்று இல்லை. அத்தகைய பெருமை உடையது இந்த உலகு. யாரும் இந்த உலகு எனக்குச்‌ சொந்தம்.நான் நிரந்தரமாக இந்த உலகில்  வாழ்வேன். அதற்காக ஏராளமாக பொருள் சேர்த்து வைக்க வேண்டும் என்று நினைக்க வேண்டாம். எவ்வளவு பொருள் சேர்த்து வைத்தாலும் அவற்றையெல்லாம் விட்டுவிட்டு  ஒருநாள் செல்ல வேண்டியதுதான்.  இந்த உண்மை புரியாது  நான் பெரியவன் நீ பெரியவன் என்று பெருமிதம் கொண்டு திரிவதால் யாருக்கு என்ன நன்மை கிடைத்துவிடப் போகிறது. அதனால் உலகில்  இருக்கும் வரை நல்லது செய்து வாழுங்கள். இதைத்தான் அனைத்துப் பெரியோர்களும்  சொல்லி வருகின்றனர். இந்தக் கருத்தைக் கொண்டுள்ள நல்வழிப் பாடல் உங்களுக்காக... " ஆண்டாண்டு தோறும் அழுது புரண்டாலும்மாண்டார் வருவரோ மாநிலத்தீர் - வேண்டா நமக்கும் அதுவழியே நாம்போம்அளவும் எமக்கென்னென் றிட்டுண் டிரும்"  நல்வழி.   பாடல் 10 "இப்பெரிய உலகத்திலுள்ள  மனிதர்களே,  ஆண்டு முழுவதும்  அழுதுபுரண்டாலும் இறந்தவர் உய...

வயிற்றுக்காகத்தானே இந்தப்பாடு என்று சொல்வதைக் கேள்விப்பட்டிருக்கிறோம். எண்சாண் உடம்பில் ஒரு சாண் வயிறே பிரதானம் என்று வாழ்பவர்களைப் பார்த்திருக்கிறோம். அதெல்லாம் ஒரு வாழ்க்கையாங்க. வாழ்க்கை என்றால் எப்படி  இருக்க வேண்டும்? யாதோ பிறந்தோம்...இருந்தோம்... வாழ்ந்தோம் என்று இருக்கக்கூடாதுங்க. எந்தக் கவலையும் இல்லா வாழ்க்கை  வாழணுங்க... கவலை இல்லா வாழ்க்கை வாழ வேண்டும் என்று ஆசைதான். ஆனால் இவை எல்லாம் நடக்குமா? நல்வினையோ தீவினையோ எல்லாம் இறைவன் செயல். நல்வினை எல்லாம் இறைவன் செயல். தீவினையுமா...? தீவினையும் அவன் செயல் என்றால் சற்று நெருடலாக இருக்கிறதே என்று கேட்கத் தோன்றும். "பிதாக்கள் செய்த அக்கிரமத்தைப் பிள்ளைகளிடத்திலும் பிள்ளைகளுடைய பிள்ளைகளிடத்திலும் மூன்றாம் நான்காம் தலைமுறை மட்டும் விசாரிக்கிறவராய் இருப்பவர் இறைவன்" என்று பைபிளில் வாசிக்கவில்லையா? அப்படியானால் இதிலிருந்து தப்பிக்க என்னதான் வழி? ஒன்றும் செய்யமுடியாது. அதுவும் இறைவன் கையில்தான் இருக்கிறது. இறைவனிடம் முரட்டுக் பக்தன் பிடிவாதம் பிடிப்பதுபோல பிடிவாதமாகக் கேட்டால் கண்டிப்பாக இறைவன் கேட்ட வரம் அருளுவார் . இது இறை நம...

மன்னனும் நீயோ மன்னனும் நீயோ? வளநாடும் நின்னதோ? இப்படி ஒரு கேள்வி. என்ன.... நாடாளும் மன்னனைப் பார்த்து இப்படியொரு கேள்வியா? இப்படிக் கேட்டது யார்? யாருக்கு இப்படிக் கேட்கத் துணிச்சல் வந்தது? அறிய வேண்டும் போல இருக்கிறதல்லவா? வாருங்கள் யாரந்த தைரியசாலி என்று பார்த்து விடுவோம். புலவர்கள்  தன்மானம் மிக்கவர்கள்.  தங்கள் தன்மானத்திற்கு இழுக்கு  ஏற்படும்  இடத்தில் அவர்கள் தங்குவதில்லை. அவர்களைப் புகழ்ந்து பாடுவதுமில்லை. வறுமை இருந்தாலும் தன்நிலையிலிருந்து கீழிறங்கி வந்துப் பொருள் பெற வேண்டும் என்று நினைப்பதில்லை. அப்படியொரு நிலை ஏற்பட்டால் கன்னாபின்னா என்று பேசிவிட்டு அங்கிருந்து வெறுங்கையோடு போய்விடுவார். இதற்கு அந்தப் புலவர்  இந்தப் புலவர் என்று எவரும் விதிவிலக்கல்ல. அறம் பாடிவிட்டு சென்ற வரலாற்று நிகழ்வுகளும் உண்டு. கம்பர் மட்டும் விதிவிலக்கா என்ன? புலவர்களுக்குள் எப்போதும்  ஒரு போட்டி இருந்துகொண்டே இருக்கும். அந்தப் போட்டி பொறாமையாக மாறி நீயா நானா என்று மோதிக்கொள்ளும் நிலைக்குத் தள்ளப்பட்டு சொற்போரில் இறங்கிய புலவர்வர்களும் உண்டு. அப்படிப்பட்ட பொறாமை மனநிலை சோ...