Bombay Tamil Teacher

  எதிர்பார்ப்பும் ஏமாற்றமும் உலகிலுள்ள உயிர்கள் யாவும் ஒன்றை ஒன்று சார்ந்தே வாழ்கின்றன. ஒன்றின்மீது இன்னொன்றுக்கு எதிர்பார்ப்பு இருக்கும். மரம் செடிகொடிகள் எல்லாம் வானத்தை எதிர்பார்த்து காத்திருக்கின்றன. அந்த எதிர்பார்ப்பு நிறைவேறிவிட்டால்... சில்லென்று பூத்து தமது மகிழ்ச்சியை வெளிக்காட்டுகின்றன. எதிர்பார்ப்பு நடைபெறாமல்  ஏமாற்றமாகிப்போனால்... அப்படியே கூம்பி வாடி வதங்கிப் போய்விடுகின்றன. எதிர்பார்ப்பு இல்லாமல் எதுவுமே நடைபெறுவதில்லை. பிள்ளைகளுக்குப் பெற்றோர்மீது எதிர்பார்ப்பு. பெற்றோருக்குப் பிள்ளைகள்மீது எதிர்பார்ப்பு. கணவனுக்கு மனைவிமீது எதிர்பார்ப்பு. மனைவிக்கு கணவன்மீது எதிர்பார்ப்பு. மாணவருக்கு ஆசிரியர்மீது எதிர்பார்ப்பு. ஆசிரியருக்கு மாணவர்மீது எதிர்பார்ப்பு. செடிகளுக்கு வான்மீது எதிர்பார்ப்பு. வானுக்கு செடிகளின்மீது எதிர்பார்ப்பு. தொழிலாளிக்கு முதலாளிமீது எதிர்பார்ப்பு. முதலாளிக்குத் தொழிலாளிமீது  எதிர்பார்ப்பு. இப்படி ஒரு எதிர்பார்ப்போடுதான் உலகம் இயங்கிக் கொண்டிருக்கிறது. ஏழை விவசாயி ஒருவர் நாள்தோறும் கீழ்வானத்தையே பார்த்துக் கொண்டிருந்தார். " தாத்தா...கிழக்கு த...

  நேர்மறை எண்ணத்தை வளர்ப்போம் "நீ எதுவாக நினைக்கிறாயோ அதுவாகவே ஆகிறாய்"என்பார் சுவாமி விவேகானந்தர். நாம் பேசும் பேச்சு செயல் யாவும் நேர்மறையாக இருக்க வேண்டும். அப்போதுதான் நடப்பவையும் நன்றாகவே நடக்கும்.      *       சூழ்நிலை      சூழ்நிலை சரியாகவே இல்லை . நாம் அன்றாடம் காண்பவை யாவும் ஏறுக்குமாறாக ...தாறுமாறான நிகழ்வுகளாகவே இருக்கின்றன. கேட்பவை யாவும் சகிக்க முடியவில்லை. தரக்குறைவான சொற்கள். நம்மைச்சுற்றி நடப்பவை யாவும் விரும்பத் தகாததாகவும் தவறானதாகவுமே இருக்கிறது. இவை எல்லாவற்றையும் பார்த்துக் கொண்டும் கேட்டுக் கொண்டும் வாழ்கிற நம்மால் மட்டும் எப்படி நல்லவராக  இருக்கமுடியும்?" இந்தக் கேள்வி அனைவர் மனதிலும் எழலாம். இவற்றை எல்லாம் கடந்து நம்மை நாமாக நிலைநிறுத்திக்  கொள்வதுதானே சிறப்பு.      *     தாழ்வு மனப்பான்மை வேண்டாம் தாழ்வு மனப்பான்மையா... இது மட்டும் வேண்டவே வேண்டாங்க... அந்தத் தாழ்வு மனப்பான்மை என்னும் வில...

      துணிந்தவனுக்குத் துக்கமில்லை "துணிந்தவனுக்கு சமுத்திரமும் முழங்கால் மட்டம் "என்பார்கள். ஒரு காரியத்தில் இறங்கி செயல்பட வேண்டும் என்ற துணிவு வந்துவிட்டால் எவ்வளவு பெரிய வேலையாக இருந்தாலும் மலைப்பாக இருக்காது. அப்படிப்பட்ட துணிச்சல்காரர்கள் பூ... இவ்வளவு தானா..?. என்று முனைப்போடு களத்தில் இறங்கி வேலை செய்வார்கள். இடையில் எந்த சக்தியாலும் அவர்களைத் தடுத்து நிறுத்திவிட முடியாது. இதைத்தான்  "துணிந்தவனுக்குத் துக்கமில்லை" என்று சொல்வார்கள். பறந்தால் கீழே விழுந்துவிடுவோமே என்ற  அச்சமிருந்தால் எந்தப் பறவையும்  கூட்டிலிருந்து வெளிவர முடியாது. விழுந்தாலும் பரவாயில்லை என்ற துணிச்சலோடு பறக்க முற்படும்போதுதான் பறவையால் பறக்க முடிகிறது. பறவை தன் இறக்கைமீது உள்ள ஒரே நம்பிக்கையில் துணிந்து பறக்க முற்படுகிறது. ஏதோ ஒரு துணிச்சலில் மரத்தில் ஏறி விடுவோம். இறந்கும் போது கால் நடுங்கும். வியர்த்து விறுவிறுத்து அண்ணே கொஞ்சம் இறக்கிவிடுங்களேன்..... அக்கா ஒரு கை பிடியேன்..... என்று மன்றாடிக் கொண்டிருப்போம். பல நேரங்களில் நம் துணிவு இப்படித்தான் இர...

  வெறுங்கை என்பது மூடத்தனம் " இரந்தும் உயிர்வாழ்தல் வேண்டின் பரந்து கெடுக உலகு இயற்றியான்" என்றார் வள்ளுவர்.இறைவன் யாரையும் யாசித்து உயிர் வாழ வேண்டும் என்று படைக்கவில்லை.அப்படியே படைத்திருந்தால் கடவுளே பிச்சை எடுத்து அல்லல் பட்டு கெட்டுப் போகட்டும் என்கிறது திருக்குறள். கை இருப்பவன் யாசிப்பதை வழமையாக்கி கையேந்தி இருக்கிறான்.கைகள் இல்லா உழைப்பாளியிடம் யாசகம் கேட்கிறான். கையில்லாதவனிடம் கைகளை நீட்டி பிச்சை கேட்கிறான். இல்லாதவனிடம் இருப்பவன் இரந்து நிற்கிறான். இது அன்றாடம் பொது இடங்களில் காணும் காட்சி. என்ன ஒரு வேடிக்கை!         " மாற்றுத்திறனாளிகள் நாங்கள்; மாற்றம் காணும் திறனாளிகள் நாங்கள்"    என்பதை மெய்ப்பிக்கும் மனிதர்கள் எத்தனை எத்தனை பேர்! கூன் ,குருடு, செவிடு இல்லா அரிதான மானிடப்பிறவியைப் பெற்றும்  மனதில் ஊனம் இருந்தால் வறுமைதான் மிஞ்சும் "என்பதை உணர்த்த அன்றாடம் பிறரிடம் கையேந்தி வாழ்பவர்கள் எத்தனை பேர்! வலி தந்த வலிமை வாழ்க்கைப் பயணத்தின் புதிய அத்தியாயத்தை எழுத வைக்கு...

  தவறவிட்ட தருணங்கள் மழை பெய்ததும் கலப்பையை எடுத்துச்  செல்லாத உழவன்.... படிக்கும் காலத்தில் புத்தகத்தை மூடி வைத்துக் கொண்டு தூங்கும் மாணவன்... வேலையின்போது சிரத்தை எடுத்துக் கொள்ளாத ஊழியக்காரன்.... பணம் வரும்போது சேமிக்கத் தவறிய மனிதர்கள்...... நல்ல வேலைவாய்ப்புகள் வந்த போது பயன்படுத்தத் தவறிய இளைஞர்கள்.... இவர்கள் எல்லாம் கிடைத்த நல்ல தருணத்தைத் தவற விட்டவர்கள்.    இவர்கள் மட்டுமல்ல...   அனைவர் வாழ்விலும் தவறவிட்ட தருணம் கண்டிப்பாக நிகழ்ந்திருக்கும். என் வாழ்விலும் நிகழ்ந்திருக்கும். உங்கள் வாழ்விலும் நிகழ்ந்திருக்கும். அதை நினைத்து நினைத்து மருகி இருப்போம். எல்லாவற்றையும் இழந்தது போன்ற விரக்தியில் இருந்திருப்போம். இனி எனக்கு நல்லதே நடக்காதா என எண்ணி எண்ணி வெதும்பியிருப்போம். இளமையில் காதலைச் சொல்ல முடியாமல் தவறவிட்டுவிட்டு  இன்றுவரை அந்த நினைவில்  தவித்துக் கொண்டிருப்பவர்கள் நிறையபேர் உண்டு. அதற்கான தருணம் வாய்த்திருக்கும். இருப்பினும் ஏதோ ஒரு பயம்.... ஒரு தயக்கம்.... உங்கள் காதலைச் சொல்ல விடாமல்  தடுத்திருக்கும். அதனால் உங்கள் காதல...

ஒன்றே செய்; நன்றே செய் நல்லோர்க்கு இல்லை நாளும் கிழமையும்." தொடக்கம் நல்லதாக இருந்தால்  முடிவும் நன்றாகவே இருக்கும். ஒவ்வொரு நாளையும் நல்ல நாளாக  இருக்கும் என்ற நம்பிக்கையோடு  தொடங்குங்கள். நன்மையானதாகவே இருக்கும். அன்பு,நட்பு ,தொழில், படிப்பு,கடமை போன்றவை எல்லாம் சரியான நேரத்தில் செய்யப்பட வேண்டும். நாளை என்று தள்ளிப்போடுவோமானால் அது நடைபெறாமலேயே போய்விடலாம். அன்றரிவாம் என்னாது அறஞ் செய்க மற்றது பொன்றுங்கால் பொன்றாத் துணை" என்றார் வள்ளுவர். நாளை நாளை என்று வேலைகளைத் தள்ளிப் போடும்போது ஏராளமான வேலைகள் கண்முன் குவிந்து கிடக்கும். எதைச் செய்வது என்பதே  மலைப்பாக இருக்கும். இவ்வளவு வேலை செய்ய வேண்டுமா என்ற நினைப்பே நம்மை சோர்வுக்குள்ளாக்கிவிடும். காரணமில்லாத மன அழுத்தத்தைக் கொடுக்கும். தொழில் செய்வதற்கு என்று ஒரு காலம் உண்டு. அதே போன்றுதான் கல்வியும். வயதும் காலமும் செல்லும் முன்பே முந்திக் கொள்ள வேண்டும். அதுதான் புத்திசாலித்தனம். கடமை ஆற்றுவது உரிய நேரத்தில் நடைபெற வேண்டும். பிந்தி நமது கடமைகளை ஆற்றலாம் என்று தள்ளிப் போடுவோமானால் சில நேரங்களில் அதனைச் செய்வதற்கான வாய்ப...

        செய்வன திருந்தச் செய் ஒரு காரியத்தைச் செய்ய வேண்டும் என்று முடிவு பண்ணியாயிற்று என்றால் அதனை  சரியாக செய்து முடித்துவிட வேண்டும். இங்கத்தொட்டேன் அங்க தொட்டேன் என்று  அரைகுறையாகச் செய்யக் கூடாது. அப்படி ஒரு செயலில்  உங்களால்  முழுமையாக ஈடுபட முடியாதா.. பரவாயில்லை. ... தொடங்காமலேயே விட்டுவிடுங்கள். அவசரப்படுவதாலோ பதறுவதாலோ  நமக்கு வெற்றி கிட்டப் போவதில்லை. " எண்ணித் துணிக கருமம் துணிந்தபின் எண்ணுவம் என்பது இழுக்கு "  என்றார் வள்ளுவர்.    தொடங்கும் முன் அதைப் பற்றிய   ஆராய்ச்சி தேவை.   தொடங்கிய பின்னர் அதை எப்படி நல்லமுறையில்  முடிப்பது என்பதில்தான் முழு கவனமும் இருக்க  வேண்டும்.    வாழ்வில் நல்ல வகையில் முன்னேற வேண்டும்  என்ற எண்ணம் உள்ளவர்கள் ஒருபோதும் செயலைத் தொடங்கும்போது இருந்த ஆர்வத்தைக் குறைத்துக் கொள்ள மாட்டார்கள். தொடர்ந்து அதே ஆர்வத்தோடு  செயல்படும்போதுதான் நாம் தொடங்கிய செயல் நல்லமுறையில்  முடிவு பெறும். ஒரு ஊரில் அண்ணன் தம்பி இருவர்  மட்பாண்டம் வனையும்...

அவமானம் தந்த வெகுமானம் கிண்டலும் கேலியும் நக்கலும் நையாண்டியும் செய்து பிறர் மனதைக் காயப்படுத்துவதற்கு என்றே ஒரு கூட்டம் அலைந்து கொண்டிருக்கிறது.  அது அவர்கள் குணமா அல்லது அவர்கள் செயலே அதுதானா என்பது அவர்களுக்கு மட்டும்தான் தெரியும். எது எப்படியோ நாம் செய்யும் கிண்டலால் யாரோ ஒருவர் காயப்படுகிறார்...இல்லை..இல்லை அவமானப்படுத்தப்படுகிறார் என்பதுதான் உண்மை. ஒரு சொல் வெல்லும் ஒருசொல் கொல்லும் கொல்லும் சொல்லைக் கையில் எடுத்து பேசுவதால் எத்தனை எத்தனை தற்கொலைகள் நாளும் நிகழ்ந்து கொண்டிருக்கின்றன. வாழ வழி இல்லையே எனத்  தற்கொலை செய்து கொள்ளுபவர்களைவிட என்னை அவமானப் படுத்திவிட்டார்களே என்று தற்கொலை  செய்பவர்கள்தான் அதிகம். நான் என்ன அப்படி பெரிசாக சொல்லி விட்டேன்...என்பது சொல்லியவர்கள் தரப்பு வாதமாக இருக்கலாம். அவமானப்பட்டவர்களுக்கு அல்லவா தெரியும் அதன் வலியும் வேதனையும். அப்படியே நெஞ்சைப் பிடுங்கி வெளியே  வீசுவதுபோல் இருக்கும்.  . நாலு காசு சம்பாதித்துவிட்டால் யாரையும் அவமானப்படுத்திவிடலாம் என்பது சில  அரைகுறை அறிவாளிகளின் நினைப்பு.  உயர் பதவிக் கிட...

                      கோபம் வேண்டாம் சாக்ரட்டீஷ் உலகின் தலை சிறந்த தத்தவ ஞானி.கோடிக்கண மக்களின் நன்மதிப்பைப் பெற்றிருந்தாலும் மனைவியிடம்  நல்ல பெயர் எடுக்க முடியவில்லை. அவர் தன் எழுத்துக்குக் கொடுத்த முக்கியத்துவத்தை வீட்டிற்குக் கொடுப்பதில்லை என்பது மனைவியின் குற்றச்சாட்டு. வீட்டில் என்ன இல்லை ...என்ன இருக்கிறது.. எதையுமே அவர் கண்டு கொள்ளவே மாட்டார். ஒருமுறை இப்படித்தான் வெகுநேரமாக தன் நண்பரோடு பேசிக் கொண்டிருந்தார். பலமுறை மனைவி அழைத்துப் பார்த்தார். அவர் பேச்சை நிறுத்துவதாக தெரியவில்லை. வீட்டில் உள்ள பொருட்களை அங்கும் இங்கும் வீசி தன் கோபத்தை வெளிப்படுத்திப் பார்த்தார். அப்போதும் அவர் கண்டு கொள்ளவே இல்லை. மாடிக்குச் சென்றார். ஆத்திரத்தில் ஒரு வாளி தண்ணீரை மொண்டு வந்து அப்படியே சாக்ரட்டீஷ் தலை மீது ஊற்றினார். நண்பர் அப்படியே வாயடைத்துப் போனார். சாக்ரட்டீஷ் முகத்தைப் பார்த்தார். அவரோ ஒன்றுமே நடக்காதது போல இதுவரை இடி இடித்தது. இப்போது மழை கொட்டுகிறது "என்று தமாசாக பதிலளித்தார். இப்படித்தான் கோபம் வந்தால...

        பதற்றம் வேண்டாம் சுமதிக்கு எப்போதும் ஒரே எரிச்சல்.  யாரைப் பார்தாலும் முகத்தில் அடித்த மாதிரி பேசிவிடுவாள். காரணமில்லாமல் தம்பி தங்கைகள்மீது  கோபப்படுவாள். சிடுசிடு என்று எரிந்து விழுவாள். அம்மாவுக்கு இந்தப் பெண் ஏன் இப்படி  இருக்கிறாள் என்று ஒரு புரியாத  புதிராகவே இருந்தது யாரும் கிட்ட நெருங்கவே அச்சப்படும் அளவுக்கு  அவளுடைய செயல்கள் எல்லாம் இருக்கும். ஏன் இந்த ஆத்திரம்? " இப்படி ஆத்திரப்பட்டு ஆத்திரப்பட்டு  என்னத்தை சம்பாதித்தாய்? அனைவரின் வெறுப்பையும்தான்  சம்பாதித்து வைத்திருக்குக்கிறாய்."  சற்று உரைக்கும்படியாக கேட்டு வைத்தார்  அம்மா.   இப்போது சுமதிக்கு    சற்று உரைக்க ஆரம்பித்தது.  ஆம்...அம்மா சொல்வது சரிதான்.  என்ன ஆயிற்று எனக்கு?   தனக்குள்ளேயே கேட்டுப் பார்த்தாள்.  தன்மீதே ஒரு வெறுப்பு வந்தது     ஏன் எனக்கு மட்டும் இப்படி ஒரு   எரிச்சல் வருகிறது? ஏன் எனக்கு இந்தப்  பதற்றம்?  விடை காண முடியாமல் புலம்பிக் கொண்டே...

              பழக்கவழக்கம் "சித்திரமும் கைப்பழக்கம் செந்தமிழும் நாப்பழக்கம் " தொடர்ந்து ஒரு செயலை செய்துகொண்டு வரும்போது  நாம் செய்கிற செயலில் நல்ல புலமை ஏற்படுகிறது. நல்ல தமிழை உச்சரிக்கத்  தெரியாதவர்கள்கூட தொடர்  பயிற்சியினால் நன்கு பேச முடியும். பழக்கம் வழக்கமாக நடைபெற்றுக் கொண்டே  இருக்கும்போது அது பழக்கவழக்கமாக  மாறி விடுகிறது.   " காலையில் எழும்பு ."  அம்மா அடிக்கடி சொல்லி அலுத்துப்   போய்விட்டார்.   "வெளியில் போய்வந்தால் கை, கால்களைக்  கழுவு  ....சொல்லி சொல்லி வெறுத்தே   போய்விட்டேன் "பெரும்பாலான வீடுகளில்  அம்மாவின் அங்கலாய்ப்பு இப்படி இருக்கும்.   "எடுத்த பொருளை எடுத்த இடத்தில்  வைக்க வேண்டும். கண்ட கண்ட  இடத்தில் வைக்காதே. குப்பையைக் குப்பைக் கூடையில் போடு. தலை சீவினால் சீப்பில் இருக்கும்  முடியை எடுத்துவிட்டு சீப்பைச் சுத்தமாக  வைக்க வை. பள்ளியில் இருந்து வந்ததும்  புதைமிதியைக்  கழட்டி  வைக்க வேண்டிய இடத்தில் வை." இவை எல்லாம்...

    முயற்சியும் பயிற்சியும் முயற்சியும் பயிற்சியும்  வெற்றிப்பாதையை நோக்கிச் செல்லும் இரு வண்டிச் சக்கரம்  போன்றது.  இரண்டும் சீராக இயங்க வேண்டும்.  அப்போதுதான் வண்டி நிர்ணயிக்கப்பட்ட  இடத்தைச் சென்றடைய முடியும். முயற்சி செய்துவிட்டு பயிற்சி செய்யாமல் விட்டுவிட்டால் அதனால் பயனில்லை. பயிற்சி செய்துவிட்டு அதை நடைமுறைப்படுத்த எந்த முயற்சியும் எடுக்காமல் இருந்தால் தானாக எந்த முன்னேற்றமும் வீட்டுக் கதவை வந்து தட்டாது. நம்மில் பலர்செய்யும் பெரிய தப்புகளுள் ஒன்று இதுதான். ஒன்றைக் கையில் எடுத்து மாங்குமாங்கென்று உழைப்போம். இன்னொரு புறத்தை எட்டிப் பார்ப்பதே இல்லை. அதனால் நமக்கு வர இருந்த வாய்ப்பு வராமலே போய்விடும். எனக்குத் தெரிந்த ஒரு பெண் இருந்தாள். இரவு பகலாக படித்து முதல் வகுப்பில் தேர்ச்சி பெற்றிருந்தாள். ஆனால் வேலைவாய்ப்பு அலுவலகத்தில் பதிந்து வைத்துவிட்டு  வேலை வரும் வரும் என்று காத்திருந்ததுதான் மிச்சம். வேலைக்காக வேறு எந்த முயற்சியும் எடுக்கவில்லை. பத்தாண்டுகளுக்கு மேலாக வேலை கிடைக்கவில்லை. நன்றாக பயிற்சி செய்து வெற்றி கொண்டாள். அதற்கு மேற்பட்ட எந...

        அடுத்தது என்ன ? இதுவும் கடந்துபோகும். ஆமாம் எல்லாமே கடந்து போகக் கூடியதுதான். நிரந்தரம் என்று எதுவும் இல்லை. மாற்றங்கள் நிகழ்வது இயல்பான ஒன்று. இரவு என்றால் பகல் வரும்.கோடைகாலம் வந்தால் பின்னாலேயே குளிர்காலமும்  வரத்தான் செய்யும். மழையும் வெயிலும் மாறி மாறி வந்து போகும். தொடர்ந்து மழை பெய்துகொண்டு  இருந்தாலும் தாங்காது. தொடர்ந்து வெயிலாக இருந்தால் கருகிப் போய்விடுவோம். ஒன்றிலிருந்து ஒன்று  மாறிக்கொண்டே இருப்பதால்தான் உலகம் இன்றளவும் இயல்பாக இயங்கிக் கொண்டிருக்கிறது. மாற்றங்கள் நிகழ்ந்துகொண்டு  இருந்தால் மட்டுமே அடுத்தது என்ன என்ற ஒரு  எதிர்பார்ப்பு்  இருக்கும். மாற்றம் என்ற சொல் மட்டுமே மாறாதது. மற்றவை யாவும் மாறிக்கொண்டே இருக்கும். மாறிக்கொண்டிருக்கும் உலகில் நாம் மட்டும் மாறாதிருந்தால் எப்படி? நாம் மாற வேண்டும். மாறித்தான் ஆக வேண்டும். நேற்று என் பெற்றோர் இப்படி இருந்தனர். முந்தாம்நாள் என் தாத்தா பாட்டி  அப்படி இருந்தனர். என்று பழைய பஞ்சாங்கம் பாடிக் கொண்டு இருந்தோமானால் நாமும் பழைய கால தாத்தாக்களைப்போல காதில் கடுக்கனும் க...

    மகிழ்ச்சியைத் தேடி...... அனைவருக்கும் மகிழ்ச்சியாக   வாழ வேண்டும் என்று ஆசை.  ஆனால் எது மகிழ்ச்சி என்று  அறிவதில்தான் சிக்கல்.     சிலருக்கு பணம் நிறைய தேடினால்  மகிழ்ச்சியாக இருக்கலாம் என்ற  எண்ணம் இருக்கும்.    இன்னும் சிலருக்கு நல்ல பதவி  இருந்தால் மகிழ்ச்சியாக  இருக்கலாம் என்று தோன்றும்.    சிலர் அழகாக இருப்பவர்கள்  எல்லாம் மகிழ்ச்சியாக இருப்பார்கள்  என்று நினைப்பர்.    நிறைய படித்துவிட்டவர்கள் எல்லாம்  மகிழ்ச்சியாக இருப்பார்கள் என்று   நினைப்பவர்களும் உண்டு.  இப்படி ஆளாளுக்கு மகிழ்ச்சியைப்பற்றி  வெவ்வேறு கண்ணோட்டம் இருக்கும்.    எங்கே மகிழ்ச்சி....  எங்கே மகிழ்ச்சி என்று ஆளாளுக்கு  நாலாபக்கமும் தேடிக் கொண்டிருக்கிறோம்.  ஆனால்  நமக்குள்தான் மகிழ்ச்சி இருக்கிறது  என்பதை யாரும் புரிந்து கொள்வதில்லை.  ஒத்துக் கொள்வதுமில்லை. வெளியில் தேடிக்கொண்டிருப்பதால்தான் பல நேரங்களில் மகிழ்ச்சியைத்  தொலைத்துவிட...