ஆத்திசூடி - உயிர் வருக்கம்
ஔவையின் ஆத்தி சூடி ஆத்திசூடி படிக்காமல் தமிழ் படித்தேன் என்று சொல்வதில் பொருளில்லை. ஔவையைச் சொல்லாமல் தமிழ்ப் புலவர் வரிசை சொல்லப்படுவதில் ஞாயமும் இல்லை. அ ன்னா, ஆ வன்னா படிக்கத் தொடங்கிய காலத்தில் முதன்முதலாக நமக்கு அறிமுகமாகிய செய்யுள் என்றால் அது ஆத்திசூடியாகத்தான் இருக்கும். ஆரம்பப் பள்ளியிலிருந்தே ஔவையின் கரம்பிடித்துத் தமிழ்நடை பயின்றவர்கள் நாம். மனப்பாடமாகப் படித்த முதல் செய்யுள் பெரும்பாலும் அறம் செய விரும்பு என்பதுவாகத்தான் இருக்கும். வகுப்பிற்குள் சென்றதும் அறம் செய விரும்பு ஆறுவது சினம்.... என்று வரிசையாகப் படிக்க ஆரம்பித்துவிடுவோம். கூடவே உலக நாதரின் உலகநீதியிலிருந்து ஓதாமல் ஒருநாளும் இருக்க வேண்டாம் ஒருவரையும் பொல்லாங்கு சொல்ல வேண்டாம் மாதாவை ஒருநாளும் மறக்கவேண்டும். வஞ்சனைகள் செய்வாரோடு இணங்க வேண்டாம் என்று தொடர் மழையாக வகுப்பினுள் தமிழ் மழை பொழிந்திருப்போம். ...