தமிழ்ச்சாமி
தமிழ்ச்சாமி ரயில் நிலையத்துப் படிக்கட்டுகளில் சுமதி இறங்கிக் கொண்டிருக்கும்போதே ரயில் நிலையத்திற்குள் ரயில் நுழைவது தெரிந்தது. ரயிலைக் கண்டதும் கால்கள் தானாக வேகமெடுத்தன. எப்படியாவது பெண்கள் பெட்டியில்போய் ஏறிவிட வேண்டும் என்று ஓட்டமெடுத்தாள். கூட்டம் அதிகமாக இருந்ததால் பெண்கள் அனைவரும் முண்டியடித்துக்கொண்டு ஏறிக்கொண்டிருந்தனர். இதோ ...கைக்கெட்டிய தூரம்தான். வண்டியில் ஏறிவிடலாம். அதற்குள் வண்டி மெதுவாக நகரத் தொடங்கியது. எப்படியோ கம்பியை எட்டிப்பிடித்து வண்டிக்குள் ஏறிவிட்டாள். ஏறிய வேகத்தில் ஓடிப்போய் ஒரு இருக்கையில் உட்காரப் போகும்போது தடுமாறி அங்கே உட்கார்ந்திருந்த பெண் தோள்மீது சாய்ந்து விட்டாள். அவ்வளவுதான்.... தன் தோளால் சுமதியை வேகமாக இடித்துத் தள்ளிய அந்தப் பெண் அத்தோடு நில்லாமல் "குத்தி..சல்...சல்..(நாயே...போ...போ...)" என்று கையில் வைத்திருந்த கைபேசியை நீட்டி நீட்டி அதட்டினார். ஒரு விதமான அச்சத்தோடு குரலுக்குரிய நபரை நிமிர்ந்து பார்த்த சுமதி அப்படியே அதிர்ச்சியில் உறைந்து போனாள். நடுங்கியபடி சற்று விலகி அம...