பாகப்பிரிவினையில் அம்மா
பாகப்பிரிவினையில் அம்மா பாட்டி ...பாட்டி" கதவைத் தட்டினான் செல்வன். " யாரும்மா...... பாட்டி வந்து கதவைத் திறக்கிறேன்" குரல் கொடுத்தபடியே தட்டுத்தடுமாறி வந்து கதவைத் திறந்தார் பாட்டி. கதவைத் திறந்ததும் "யாரும்மா.. மூத்தவன் பிள்ளையா? சவத்து கண்ணும் தெரியல" என்றுபடியே கதவைத் திறந்தார் பாட்டி. "ஆமா...நான்தான்" என்றான் செல்வன். கையைப் பிடித்த பாட்டி "செல்வனா மக்கா நீ .. பள்ளிக்கூடத்துக்குப் போகல" கரிசனமாக கேட்டார் பாட்டி. "போகல..."ஒற்றை வார்த்தையோடு பேச்சை முடித்துக் கொண்டான் செல்வன். " ஏன் போகல...அம்ம வீட்டுல இல்லையா?தோட்டத்துக்குப் போயிட்டாளா? பிள்ளைய பள்ளிக்கூடத்துக்கு அனுப்பலாம் அப்படி என்ன பெரிய வேலை அவளுக்கு?" கோபமாகப் பேசினார் பாட்டி. "இருக்காங்க..இருக்காங்க வீட்டுல...