Bombay Tamil Teacher

" செறாஅச் சிறுசொல்லும் செற்றார்போல் நோக்கும் உறாஅர்போன்று உற்றார் குறிப்பு                   குறள் : 1097 செறாஅ - வெகுவாக சிறு சொல்- கடுஞ்சொல் பெற்றார் போல்- பகைவர் போல நோக்கும் - பார்க்கும் உறாஅர் -அறிமுகமில்லாதவர் போன்று- போல உற்றார்- நண்பர் குறிப்பு- அடையாளம் பகை உணர்வில்லாக் கடுமொழியும் பகைவரை நோக்குவது போன்ற கடுவிழியும் வெளியில் அயலார் போல இருந்துகொண்டு அகத்தே அன்பு கொண்டவரின் அடையாளமாகும். விளக்கம்: பேச்சில் பகைமை இருக்காது. ஆனால் பார்வையில் கடுமை இருக்கும். அதாவது பகைவரைப் பார்ப்பது போல பார்வை இருக்கும். பார்வை மட்டும்தான் இப்படியா? பேச்சும் கடுமையாக இருக்கும். ஆனால் அது உள்ளத்தில் இருந்து வருவதாக இருக்காது. அகத்தில் இனிமையும் புறத்தே இன்னாததுமாக  பேச்சு இருக்கும். உள்ளொன்று வைத்துப் புறமொன்று பேசும் பண்பு இருக்கும். இதுதான்  களவில் காதலை வளர்த்துக்  கொள்பவர்கள் நடந்து கொள்ளும் முறை. அன்புறாதவர்போல அன்புற்றிருப்பது பார்வைக்கு தொடர்பில்லாதவர்போல தொடர்பில் இருப்பது . இவை காதலர் குறிப்பால் உணர்த்தும் அடையாளங்கள். இது அவர்கள...

தீயவை செய்தார் கெடுதல்.... " தீயவை செய்தார் கெடுதல் நிழல்தன்னை வீயாது அடிஉறைந் தற்று "                           குறள் :208 தீயவை - தீமை பயக்கும் செயல்கள் செய்தார் - செய்பவர் கெடுதல் - அழிந்து போதல் நிழல் -நிழலானது தன்னை- தன்னையே வீயாது - நீங்காமல் அடி - பாதம் உறைந்தற்று - தங்கினாற் போன்றது பிறர்க்குத் தீமை செய்பவர் அழிந்து போதல் என்பது ஒருவனுடைய நிழல் அவனை விட்டு நீங்காமல் அவன் பாதத்திலேயே  தங்கினாற் போன்றதாகும். விளக்கம் : தீமை செய்தவனுக்குத் தீமை கிடைக்கும். நாம் செய்த தீமை நம்மோடுதான் வரும். அது தெரியாமல்தான்  நாம் பிறர்க்குத் தீமை செய்து  கொண்டிருக்கிறோம். நிழல் எப்போதும் நம் கூடவே தான் வரும். சில நேரங்களில் நிழல் காணாமல் போகலாம். அதற்காக நிழல் இல்லை  என்று நினைத்துவிட வேண்டாம். நிழல் எங்கேயும் போகவில்லை. நம் காலடியில்தான் இருக்கும். அதுபோல பிறர்க்குச் செய்யும்  தீமையானது நிழல் போல நம் கூடவே வந்து கொண்டிருக்கும். நிழல் காணாமல் போவதுபோல சில நேரங்களில் தீமை  கண்ணுக்குப் புலப்படாமல் இருக்கலா...

பெயக்கண்டும் நஞ்சுண்டு அமைவர்.... " பெயக்கண்டும் நஞ்சுண்டு அமைவர் நயத்தக்க நாகரிகம் வேண்டு பவர் "                       குறள் : 580 பெய - ஊற்றுதலை கண்டும் - பார்த்தும்  நஞ்சுண்டு- நஞ்சினைக் குடித்து அமைவர் -அமைதியாய் இருப்பர் நயத்தக்க - விரும்பத்தக்க நாகரிகம்- உயர்ந்த பண்பு வேண்டுபவர்-  விரும்புபவர் விரும்பத்தக்க நல்ல நாகரிகம் தெரிந்த ஒருவர் தன்னுடன் பழகிய நண்பர் நஞ்சினை இடுவதைப் பார்த்த பின்னரும் அதனைத் தான்உண்டு  அமைதியாக இருந்துகொள்வார். விளக்கம்: பழகியவர் எது செய்தாலும் மறுப்பு சொல்லாமல் செய்யும் பண்பு சிலரிடம் இருக்கும். இது அவர் மீது நாம் கொண்டுள்ள அதிகப்படியான நம்பிக்கையின் வெளிப்பாடு. அவர் எந்தத் தீங்கும் செய்யமாட்டார் என்று அவர் பேரில் வைத்திருக்கும் நல்லெண்ணம். ஆனால் எல்லா நேரங்களிலும் நண்பர் நல்லவராக இருப்பார் என்று நம்ப முடியாது. சில நேரங்களில் அவர் உள்ளம் நமக்கு எதிரான சிந்தனை கொண்டிருக்கலாம். நமக்கு எதிரான தவறான செயல்களில் ஈடுபடுபவராக இருக்கலாம்.    நம் கண்முன்னே நஞ்சினை ஊற்றித் தருகிறார் நண்பர...

வியவற்க எஞ்ஞான்றும் தன்னை.... வியவற்க எஞ்ஞான்றும் தன்னை நயவற்க நன்றி பயவா வினை"                                குறள் :    439       வியவற்க - தற்பெருமை கொள்ளாதிருப்பீராக எஞ்ஞான்றும் - எந்த நிலையிலும், எப்போதும் தன்னை- தன்னைப்பற்றி நயவற்க - விருப்பம் கொள்ளாதிருப்பீராக நன்றி- நன்மை பயவா- விளைவிக்காத வினை - செயல் தன்னைப்பற்றி வியந்து எந்த நிலையிலும் பெருமை கொள்ளாதிருப்பீராக. அதுபோல நன்மை விளைவிக்காத எந்தச் செயலைச் செய்யவும் விரும்பாதிருப்பீராக. விளக்கம் : ஒருவன் தன்னை ஒருபோதும் உயர்வாக எண்ணக்கூடாது. உயர் பதவியில் இருப்பவர்களாக இருக்கலாம். வசதி படைத்தவர்களாக இருங்கலாம். படித்தவர்களாக இருக்கலாம். உங்களின் இந்த நிலைக்காக இந்தச் சமூகம் உங்களுக்கு ஓர் உயர்வான இடத்தைக் கொடுக்கும். மறுப்பதற்கில்லை. ஆனால் நீங்கள் ஒருபோதும் உங்களை உயர்வாக எண்ணவிடக் கூடாது. நான் மற்றவர்களைவிட உயர...

பிறர்நாணத் தக்கது தான்நாணா னாயின்...... "பிறர்நாணத் தக்கது தான்நாணா னாயின் அறம்நாணத் தக்கது உடைத்து"                            குறள் :     1018 பிறர் - அடுத்தவர் நாணத்தக்கது - வெட்கப்படத் தக்கது தான் - அவன் நாணான் - வெட்கப்பட மாட்டான் ஆயின்- ஆனால் அறம் - அறக்கடவுள்,நற்செயல் நாணத்தக்கது -வெட்கப்பட்டு நீங்கி உடைத்து- செல்லத் தக்கது ஒருவன் பிறர் வெட்கப்படத் தக்க  செயலைச் செய்துவிட்டு தான் வெட்கப்பாடாது இருப்பானாயின் அந்த அறமே அவனிடமிருந்து  வெட்கப்பட்டு நீங்கிச் செல்லும். விளக்கம் : பார்ப்பவர்,கேட்பவர் அனைவரும் ஒருவன் செய்யும் செயலைப் பார்த்து நாணி தலை குனிந்து நிற்கின்றனர். ஆனால் செய்தவனுக்கு அதைப் பற்றிய எந்தக் குற்ற உணர்வும் இல்லை. இப்படிப்பட்ட செயலைச் செய்து விட்டோமே என்ற அச்சமும் இல்லை. நாணமும் இல்லை. பிறர் பழியென்று நினைக்கிற காரியத்தை எந்தவித கூச்சமும் இல்லாது  திரும்பத் திரும்ப  செய்து கொண்டிருக்கிறான். இவனை நாம் என்ன செய்துவிட முடியும்? "துஷ்டனைக் கண்டால் தூர விலகு" என்பதுபோல ...

அஞ்சுவது அஞ்சாமை பேதைமை.... அஞ்சுவது அஞ்சாமை பேதைமை அஞ்சுவது அஞ்சல் அறிவார் தொழில் "                      குறள் : 428 அஞ்சுவது- பயப்படத் தக்கவற்றிற்கு அஞ்சாமை -பயப்படாதிருப்பது பேதைமை - மதியீனம்,அறியாமை அஞ்சுவது - அஞ்சத் தக்கனவற்றிற்கு அஞ்சல் - பயப்படுதல் அறிவார் - அறிவுடையார் தொழில் - செயல் பயப்படத் தக்க செயல்களுக்குப் பயப்படாதிருப்பது அறியாமையாகும். பயப்படத் தக்க செயல்களுக்குப் பயப்படுதல் அறிவுடையவர் செயலாக இருக்கும். விளக்கம் : எதற்கும் அஞ்ச மாட்டேன் என்று சிலர் மார்தட்டித் திரிவர். தான் மட்டும்தான் வீரன். மற்றவர்கள் எல்லாம் தன்னைவிட மட்டம் என்று காட்டிக் கொள்வதற்காகச் செய்யப்படும் தம்பட்டம். இது எல்லா இடங்களிலும் சாத்தியப்படுமா என்றால் இல்லை என்கிறார் வள்ளுவர். 'பாம்பைப் பார்த்தால் படையும் நடுங்கும்.'  நான் பயப்பட மாட்டேன் என்று  பாம்பை மிதித்தால் பாம்பு கொத்தத்தான் செய்யும். அஞ்ச வேண்டிய செயல்கள் சில உண்டு. அதற்கு அஞ்சித்தான்  ஆக வேண்டும். தவறான செயல்களில் ஈடுபட அஞ்ச வேண்டும். உண்மைக்குப் புறம்பாகப் பேச ...

இறைகாக்கும் வையகம் எல்லாம்..... இறைகாக்கும் வையகம் எல்லாம் அவனை முறைகாக்கும் முட்டாச் செயின் "                      குறள்: 547 இறை - வேந்தன், நல்லது காக்கும்- காப்பாற்றும் வையகம் - உலகம் எல்லாம் - அனைத்தும் அவனை - அந்த நபரை முறை - நீதி காக்கும் - காப்பாற்றும் முட்டா- வழுவாமல் செயின் - செய்தால் அரசன் நீதி வழுவாமல் ஆட்சி  செய்வானானால் அவனுடைய அரசை  அவன் செய்யும் நீதியே முன்வந்து காப்பாற்றி நிற்கும். விளக்கம்: நாட்டு மக்களை எல்லாம் காப்பாற்றுபவன் அரசன்.அவனுடைய ஆட்சி  நீதி வழுவாத ஆட்சியாக இருக்க வேண்டும். உயர்வு தாழ்வு பாராட்டாத நற்பண்பு கொண்ட ஆட்சியாக இருக்க  வேண்டும். துன்பம் கண்டவிடத்து ஓடிச் சென்று துயர் துடைக்கும் நற்பண்பு ஆட்சியாளனிடம் இருக்க வேண்டும். செங்கோல் முறைதவறாது ஆட்சி நடைபெற வேண்டும். இத்தனை பண்புகளோடு ஆட்சி நடத்தும் ஆட்சியாளனை காப்பாற்ற வேறு யாரும் வர வேண்டியதில்லை. அவன் செய்த நல்லாட்சியே அவனைக் காப்பாற்றும். நீதி தவறாது ஆட்சி செய்யும்போது பல தடங்கல்கள் வரலாம். தடைகளைக் கண்டு இடைமுறிவு செய்து  ப...

  நோவற்க நொந்தது அறியார்க்கு.... "நோவற்க நொந்தது அறியார்க்கு மேவற்க மென்மை பகைவர் அகத்து"                                  குறள் : 877                                   நோவற்க - துன்பத்தைச் சொல்லாதிருப்பீராக நொந்தது - துன்பப்பட்டது,வருந்தியது அறியார்க்கு- தெரியாதவர்க்கு மேவற்க-  பொருந்தாதிருப்பீராக மென்மை - வலியின்மை பகைவர்- எதிரிகள் அகத்து- உணரும்படியாக துன்பம் அறியா நண்பர்களிடம்  துன்பத்தைப்பற்றிச் சொல்லக்கூடாது. நம் பலவீனத்தைப் பகைவர் உணரும்படி  நடந்து கொள்ளக்கூடாது. விளக்கம் : துன்பத்தைப் பற்றி அறியாதவனிடம் நம் துன்பத்தைப் பற்றிப் பேசினால் அவனுக்கு அந்தத் துன்பத்தின் வலியைப் புரிந்து கொள்ள முடியாது. பசியே அறியாதவனிடம் பசியைப் பற்றிப் பேசினால் பசியின் கொடுமையை அவனால் எப்படி புரிந்துகொள்ள முடியும்? பட்டவனுக்குத்தான் தெரியும் நோவும் அதனால் ஏற்படும் மன உளைச்சலும் வலியும்.  துன்பம் என்பதைச் சரியா...

கைம்மாறு வேண்டா கடப்பாடு.... " கைம்மாறு வேண்டா கடப்பாடு மாரிமாட்டு என்ஆற்றுங் கொல்லோ உலகு"                                 குறள்: 211 கைம்மாறு- எதிர்உதவி வேண்டா - எதிர்பார்க்காது கடப்பாடு - கடமை மாரிமாட்டு - மேகத்திற்கு என் - என்ன ஆற்றும் - செய்யும் கொல்லோ-( அசைச்சொல்) உலகு - உலகம்  உதவியை எதிர்பார்த்து உதவுவது அல்ல உதவி . ஒருவர் செய்த உதவியைத் திரும்பச் செய்துதான் ஆக வேண்டும் என்றால் மழை செய்யும் உதவிக்கு  இந்த உலகம் என்ன   கைம்மாறு செய்துவிடப் போகிறது.? விளக்கம் : நீரின்றமையாது உலகம். அந்த நீரைத் தருவது மழை. அந்த மழையின் உதவி இல்லை என்றால் உயிர்கள் உயிர்வாழ முடியாது. மழையின் இந்த மிகப்பெரிய உதவிக்காக நாம் என்ன உதவி செய்துவிட முடியும்? எனக்கு திரும்பவும் வேண்டும் நேரத்தில்  இந்த உயிர்கள் உதவி செய்யும்  என்ற ஓர் எதிர்பார்ப்பிலா  மழைபொழிகிறது?   இல்லையே. உயிர்களுக்கு உதவுவது நம் கடமை என்ற நோக்கில் தான் மழை பொழிந்து கொண்டிருக்கிறது. ஒருவருக்கு ஒருவர் உதவ...

காலாழ் களரில் நரியடும்..... " காலாழ் களரில் நரியடும் கண்ணஞ்சா வேலாள் முகத்த களிறு "                            குறள் :500 கால் -பாதம் ஆழ் - ஆழமான களரில் -சேற்றுநிலத்தில் இருக்கும்போது  நரி - நரி அடும் - கொன்றுவிடும் கண் - விழி அஞ்சா - அஞ்சாத வேல் - நுனி கூர்மையான ஓர் ஆயுதம் ஆள்- ஆண்மகன்,வீரன் முகத்த- முகத்தையுடைய களிறு - யானை வேலேந்திய வீரரை தன் தந்தங்களால் கோர்த்தெடுக்கும் வலிமை கொண்ட யானையையும்  அதனுடைய கால்கள் சேற்றில் அகப்பட்டபோது நரிகள்   எளிதாகக் கொன்றுவிடும். விளக்கம் : யானை உருவத்தில் பெரியது.  வலிமைமிக்கது. யானையின் வலிமையின்முன் கையில் வேல்  வைத்திருக்கும் வீரரும் எதிர்த்து நிற்க அஞ்சுவர். அப்படியே எதிர்த்து நின்றாலும் தோற்றுப் போவது உறுதி. இப்படி வலிமையுடைய யானையானது ஓர் இக்கட்டான சூழலில் இருக்கிறது. அந்த நேரத்தில் வலிமையில் குறைந்தவர்களும் எதிர்த்து நின்று  வெற்றிபெற முடியும். யானையின் கால்கள் சேற்றில்  அகப்பட்டுக் கொள்கின்றன. இப்போது யானையால் சேற்றிலிருந...

இரந்தும் உயிர்வாழ்தல் வேண்டின்.... " இரந்தும் உயிர்வாழ்தல் வேண்டின் பரந்து கெடுக உலகியற்றி யான்"                              குறள் :. 1062 இரந்தும்- பிச்சையெடுத்தும் உயிர் - உயிர் வாழ்தல் - வாழ்தல் வேண்டின்- வேண்டியிருந்தால் பரந்து- அலைந்து திரிந்து கெடுக - கெடுவானாக உலகு - உலகினை இயற்றியான் - படைத்தவன் பிச்சையெடுத்து உயிர் வாழவேண்டிய நிலை சிலருக்கு ஏற்பட்டால் அதற்குக் காரணமான உலகைப் படைத்தவன் அலைந்துதிரிந்து  கெடுவானாக விளக்கம் : பிறப்பொக்கும் எல்லா உயிர்க்கும் என்றார் வள்ளுவர்.பிறப்பு  ஒன்றாய்  இருந்தால் வாழ்க்கையும் ஒன்றுபோல் இருக்க வேண்டுமல்லவா? அப்படியிருக்க ஒருவர் வசதியாக வாழ்கிறார். இன்னொருவர் உணவுக்கே  அடுத்தவரிடம்  கையேந்தும் நிலையில் இருக்கிறார்.   ஏனிந்த ஏற்றத்தாழ்வு? இப்படி ஓர் ஏற்றத்தாழ்வோடு படைத்தவன் யார்? அப்படி ஓர் ஏற்றத்தாழ்வோடு  ஒரு சிலர் படைக்கப்பட்டிருந்தால் குற்றம் யாருடையது? படைத்தவன்தானே குற்றவாளி. குற்றவாளிக்குத் தண்டனை  கொடுக்க வேண்டுமல்லவா? அதனால்...

சினத்தைப் பொருளென்று கொண்டவன்.... " சினத்தைப் பொருளென்று கொண்டவன் கேடு நிலத்தறைந்தான் கைப்பிழையா தற்று"                                குறள் :. 307 சினத்தை -கோபத்தை,வெகுளியை பொருள் - செல்வம் என்று- என்பதாக கொண்டவன் - எண்ணிக் கொண்டவன் கேடு - கெடுதல் நிலத்து- நிலத்தின் மீது அறைந்தான் - அடித்தவன் கை - கையானது பிழையாது - தப்பாது அற்று- அது போன்றது நிலத்தை அறைந்தவன் கையானது வலியிலிருந்து எப்படித் தப்ப முடியாதோ அதுபோல கோபம் கொள்பவனும் தான் கெடுவதிலிருந்து ஒருபோதும் தப்ப முடியாது. விளக்கம் :  என்னிடம் வலிமை இருக்கிறது. செல்வம் இருக்கிறது. கூடவே கோபமும் இருக்கிறது. இப்படிப்பட்ட பெருமை  சிலருக்கு உண்டு.  கோபம் வந்தால் சட்டென்று அறைந்துவிடுவேன்  என்று சொல்லும் ஆட்களும் உண்டு.  இன்னும் சிலர் கோபம் வந்தால்  கண்மண் தெரியாமல் பேசிவிடுவிடுவேன்  என்பர்.  இந்தக் கோபத்தை ஒரு பொருளாக  தன்னுடனேயே வைத்திருப்பதில் என்ன பெருமை  இருக்கிறது? அப்படி கோபத்தை   உங்களோடு வைத...

செவிகைப்பச் சொற்பொறுக்கும் பண்புடை வேந்தன்... செவிகைப்பச் சொற்பொறுக்கும் பண்புடை வேந்தன் கவிகைக்கீழ்த் தங்கும் உலகு"                        குறள் :389      செவி - காது கைப்ப - கசக்கும்படியாக சொல் - பேசும் மொழி பொறுக்கும் - தாங்கிக் கொள்ளும் பண்புடை- பண்பு கொண்ட வேந்தன் - அரசன் , ஆட்சியாளன் கவிகை - குடை, ஆட்சி கீழ் - கீழாக,தலைமையின்கீழ்  தங்கும் - நிலைபெறும் உலகு - மக்கள் குறைகூறுபவர்களின் கசப்பான சொற்களை எல்லாம் பொறுத்துக் கொள்ளும் பண்புடைய அரசின் கீழ்  உலக மக்கள் அனைவரும் வந்து நிற்பர். விளக்கம் : தன் காதுகளால் கேட்க முடியாதபடி கசப்பான சொற்கள் வந்து விழுந்தாலும் அவை எல்லாவற்றையும் பொறுத்துக் கொள்ளும் பண்பு ஒரு ஆட்சியாளனிடம் இருக்குமானால் ஒருநாள் கசப்பாகப் பேசியவர்களும் அந்த ஆட்சியாளனிடம் வந்து நிற்பர். மக்களின் விமர்சனங்கள் அமைச்சர்களின் அறிவுரைகள்  மாறுபாடாக கேட்க முடியாததாக இருக்கலாம். ஆனால் இவை எல்லாவற்றையும் பொறுமையாகக் கேட்டு, நாட்டு மக்கள் நலன் கருதி எடுக்க வேண்டிய  முடிவுகளைச் சரியாக எ...

அறனோக்கி ஆற்றுங்கொல் வையம்..... " அறனோக்கி ஆற்றுங்கொல் வையம் புறனோக்கி புன்சொல்  உரைப்பான் பொறை"                குறள் : 189 அறம்- நல்வினை நோக்கி - கருதி ஆற்றுங்கொல் - தாங்குகிறதோ வையம் -உலகம் புறன் - புறத்தே நோக்கி - பார்த்து புன்சொல்- இழிவான பேச்சு உரைப்பான் - சொல்லுபவன் பொறை -தாங்குதல்,சுமத்தல் ஒருவன் இல்லாதபோது அவனைப்பற்றி  இழிவாகப் பேசுபவனை இந்த நிலமானது தாங்கிக் கொள்வது என்பது இவனையும் சுமப்பது எனக்கு அறம்  என்று கருதியோ?   விளக்கம் : முன்னொன்று பேசி புறமொன்று பேசும் இழிவான செயல்  சிலரிடம் இருக்கும். அதனை அவர்கள் தவறாகக் கருதுவதே இல்லை. ஆனால் அது எவ்வளவு பெரிய இழிவானச் செயல் என்பதை  இந்தக் குறள் கூறுகிறது பாருங்கள். ஒருவன் இல்லாதபோது அவனைப்பற்றி அவதூறாகப் பேசுதல் இழிவு. அறத்திற்குப் புறம்பான செயல். இப்படி ஒருவன் அறத்திற்குப் புறம்பான செயலைச் செய்கிறான். அவனையும் இந்த  உலகம் தாங்கிக் கொள்கிறது என்றால் அதற்குக் காரணம் என்னவாக இருக்கும்? சற்று சிந்திக்க வேண்டிய செயல்தான். இந்தப் பூமியானது அகழ்வாரையும் தாங்கும் ...

அறஞ்சொல்லும் நெஞ்சத்தான் அன்மை... " அறஞ்சொல்லும் நெஞ்சத்தான் அன்மை புறஞ்சொல்லும் புன்மையாற் காணப் படும் "                  குறள் : 185                   அறம் - நல்வினை சொல்லும் - சொல்லுதல் நெஞ்சத்தான் - உள்ளம் உடையவன் அன்மை - அல்லாமை புறம்- காணாத இடம், வெளியிடம் சொல்லும் - சொல்லுகின்ற புன்மையால்- இழிச் செயலால் காணப்படும் - அறியப்படும் ஒருவனிடம் இருக்கும் புறங்கூறும் குணத்தை வைத்தே அவனிடம் அறமில்லை என்பதைத் தெரிந்து கொள்ளலாம். விளக்கம் : ஒருவன் கல்வி அறிவில் சிறந்தவனாக இருக்கலாம். அறநூல்களைக் கற்றுத் தேர்ந்திருக்கலாம்.பேச்சில் அறம் இருக்கலாம். ஆனால் அவனிடம் புறங்கூறுதல் என்ற ஒரு இழிகுணம் இருந்துவிட்டால் போதும் அவனிடம் அறம் இல்லை என்பதைத் தெரிந்து கொள்ளலாம். உள்ளத்தில் அறச்சிந்தனை உள்ள எவருக்கும் புறங்கூறும் எண்ணம் எழாது. அறம் பேசுவதால் மட்டும் ஒருவரை அறம் உடையவர் என்று எண்ணிவிடாதிருங்கள். முகத்திற்கு முன்னால் இனிமையாகவும் முதுகுக்குப் பின்னால் அவதூறாகவும் பேசும் அந்த ஒரு பண்பு மட்டுமே போதும். இவரிடம...

ஒலித்தக்கால் என்றாள் உவரி.... " ஒலித்தக்கால் என்னாம் உவரி எலிப்பகை நாகம் உயிர்ப்பக் கெடும் "              குறள்: 763 ஒலித்தக்கால் - ஆரவாரம் செய்வதால் என்னாம்  -என்ன ஆகிவிடும்? உவரி -  உப்புநீர் நிறைந்த கடல் (போல ) எலிப்பகை- எலியினது பகை நாகம் - நல்ல பாம்பு உயிர்ப்பக் - மூச்சுவிட்டதும் கெடும் - காணாமல் போய்விடும் எலிகள் எல்லாம் கூடி நல்லபாம்போடு பகைமை கொண்டு கடல்போல  ஆரவாரம் செய்வதால் என்ன நிகழும்?  பாம்பின் மூச்சொலி கேட்டதும்  ஒன்றுமில்லாமல் அடங்கிப் போய் விடும். விளக்கம் :  எலிகள் எல்லாம் கூடி நாகத்தின்  முன்னால் நின்று கடல் போல் முழக்கமிட்டாலும் அதனால் வரும்  தீமை ஏதும் உண்டோ? நாகம் ஒரு மூச்சு விட்டால் போதும். எலிகளின் ஆரவாரம் அப்படியே  அடங்கிப் போய்விடும். அதுபோல எலிபோல வீரம் இல்லாத பகை நாட்டு வீரர்கள்  ஏராளமானோர் கூடிநின்று ஆர்ப்பரித்தாலும் ஆற்றல்மிக்க வீரன் ஒருவனைக் கண்ட உடனேயே அப்படியே அடங்கி பின்வாங்கி சென்றுவிடுவர். அச்சமுள்ள எலிகள் அச்சமில்லா நாகத்தின் முன் நிற்க அஞ்சும்.  பகைவரை எதிர்ப்பத...

பகல் கருதிப் பற்றா செயினும்.... பகல் கருதிப் பற்றா செயினும் இகல்கருதி இன்னாசெய் யாமை தலை"                   குறள் :  852 பகல் - வேறுபாடு கருதி - எண்ணி பற்றா - வெறுப்பன செயினும் -செய்தானாயினும் இகல் - மாறுபாடு கருதி - குறித்து இன்னா - தீங்கு செய்யாமை - செய்யாதிருத்தல் தலை- சிறப்பு. நம்மோடு மனம் வேறுபட்டு ஒருவன் விரும்பத்தகாத செயலைச் செய்தாலும் நாம் அவனோடு  மாறுபாடு கொள்ளாது அவனுக்கு எதிராக தீமை செய்யாதிருத்தலே சிறப்பு. விளக்கம் : ஒருவன் செய்கிற செயலில்  நமக்கு உடன்பாடு இல்லாது இருக்கலாம். அவனுக்கு நம்மீது நல்லெண்ணம் இல்லாதபோது வேறுபாடு கருதியே  அவன் நமக்கு எதிரான ஒரு செயலைச் செய்கிறான். அதற்காக நாமும் அவன் செய்ததுபோலவே அவனுக்கு எதிரான தீமையான செயல்களைச் செய்துவிட்டால் என்ன நிகழும்? பழிதான் வந்து சேரும். அவன் மனம் ஒத்துப் போகாத காரணத்தால் எனக்கும் அவனோடு  மாறுபாடு உண்டு .நானும் அவனுக்கு எதிராக தீங்கு செய்து விடுவேன் என்ற நினைப்பு ஏற்படுவது தவறு. அந்த நினைப்பு நம்மைப் பழிக்குப்பழி செய்ய வைக்கும். அப்படி தீங்கு செய்துவிட்...

இமையாரரின் வாழினும் பாடிலரே.... "இமையாரின் வாழினும் பாடிலரே இல்லாள் அமையார்தோள் அஞ்சு பவர் "              குறள் :.    906 இமையாரின் - தேவர்போல வாழினும்- வாழ்ந்தாலும் பாடு - பெருமை இலரே- இல்லாதவரே இல்லாள்- மனைவி அமையார்- அழகு பொருந்திய தோள்- தோளைக் கண்டு அஞ்சுபவர்- பயப்படுபவர் மனைவியின் தோளுக்குப் பின்னால்  அஞ்சி வாழ்கிறவர் இவ்வுலகில் தேவரைப்போல உயர்வான நிலையில் வாழ்ந்த போதிலும் பெருமை இல்லாதவரே ஆவர். விளக்கம் : மனைவிக்குப் பயந்து வாழ்பவர்களால் துணிந்து தன்னிச்சையாக எந்த முடிவும் எடுக்க முடியாது. எதற்கெடுத்தாலும்  என் மனைவியைக் கேட்டுப் சொல்கிறேன் என்று சொல்கிறவர் கோழையாகவே கருதப்படுவார். அவரால் அறச்செயல்களில் ஈடுபட முடியாது. குடும்பத்தாருக்கு ஒரு உதவி  செய்ய முடியாது.  அதனால் அவர் முதுகெலும்பில்லாதவராகவே கருதப்படுவார். மனைவி சொல்லே மந்திரம் என்று மந்திரத்திற்கு கட்டுப்பட்டு மனைவியின் முதுகுக்குப் பின்னால் வாழ்ந்தால் மனைவியை நன்றாக வைத்திருக்கிறார் என்று  உலகம்  நம்மை  பெருமையாக நினைக்கும்  என்று தப்புக்...

கூற்றத்தைக் கையால் விளித்தற்றால் .... " கூற்றத்தைக் கையால் விளித்தற்றால் ஆற்றுவார்க்கு ஆற்றாதார் இன்னா செயல்"               குறள் :894 கூற்றுத்தை - எமனை கையால்- - கையைக் காட்டி விளித்தற்றால்-விளிப்பது போன்றது ஆற்றுவார்க்கு- வலிமையுடையவர்க்கு ஆற்றாதார்-வலிமையில்லாதார் இன்னா - தீங்கு செயல்- செய்தலாகும் ஆற்றல் இல்லாத ஒருவர்  ஆற்றல் உடையவருக்கு எதிராக  தீங்கிழைப்பது   , தாமாகவே  அழிக்க வல்ல  எமனை  வலிய  கைகாட்டி  அழைப்பது போன்றதாகும். விளக்கம்:  எப்போதுமே  ஒத்த வலிமையுடையவரோடு மோத வேண்டும். வலிமை இல்லாதவரோடு போரிடுவது அரசர்களுக்கும் அழகாகாது. சாதாரண  மக்களுக்கும் அழகாகாது. அரசனாக இருந்தால் எதிரி தன்னைவிட படைபலம் மிக்கவனாக இருந்தால் போரிடாமல் இருப்பது நலம். அதேபோன்று சாதாரண மனிதர்களும்   தன்னைவிட வலிமை  அதிகம் உடையவரோடு மோத நினைத்தால் அது அழிவில்தான் கொண்டு விடும். எதிராளியின் வலிமையைத் தெரிந்திருந்தும் அவனை எதிர்த்து நிற்க நினைப்பது எமனை நாமாகவே கையசைத்து வா என்று அழைப்பதற்கு ஒப்பானதாகும...

நவில்தொறும் நூல்நயம் போலும்.... " நவில்தொறும் நூல்நயம் போலும் பயில்தொறும் பண்புடை யாளர் தொடர்பு"                குறள் : 783 நவில்தொறும்- படிக்கும் தோறும் நூல் - நல்ல நூல் நயம் - இன்பம் தருதல் போலும்- போன்றது பயில்தொறும்- பழகப் பழக பண்புடையாளர்- நற்குணமுடையவர் தொடர்பு - நட்பு படிக்கப் படிக்க இன்பம்தரும் சிறந்த நூலைப் போல பழகப் பழக இன்பம் தரக்கூடியது  பண்புடையவர்களோடு கொண்ட நட்பு. விளக்கம் : ஒரு நல்ல நூலைப் படிக்கிறோம். படித்த மாத்திரத்திலேயே அதன் முழு பொருளையும் நம்மால் அறிந்துகொள்ள முடியாது. திரும்பத் திரும்பப் படிக்கும் போதுதான் அந்த நூலின் பொருளை முழுமையாக உணர முடியும். சொல்லாட்சித்திறன்,அணிநலன் யாவற்றையும் உணர்ந்து அந்த நூலைப் பற்றிய பெருமையையும் சிறப்பையும் நம்மால் உணர முடியும். அது போன்றுதான் நல்ல  பண்புடையவர்களுடைய நட்பும் இருக்கும். பார்த்த மாத்திரத்திரத்திலேயே அவர்களைப் பற்றி நம்மால் முழுமையாக  உணர்ந்துகொள்ள முடியாது.  பழகப் பழகத்தான் அவர்களுடைய   நல்லியல்பை நம்மால்  முழுமையாக புரிந்து கொள்ள முடியும். ...