ஐந்து பெற்றால் அரசனும் ஆண்டியாவான்
ஐந்து பெற்றால் அரசனும் ஆண்டியாவான் ஐந்து பெற்றால் அரசனும் ஆண்டியாவானா? உண்மையாகவா? இதிலென்ன ஐயம்? .ஐந்து பெண் பிள்ளைகளைப் பெற்றால் அரசன் என்ன? யாராக இருந்தாலும் ஆண்டிதான். தங்கம் என்ன வாங்கும்படியாகவா இருக்கிறது? என்ற உங்கள் புலம்பல் என் காதுகளில் விழுகிறது. ஐந்து பெண் பிள்ளைகளுக்கும் திருமணம் செய்து வைத்து, சீர் செனத்தி என்று ஒவ்வொன்றையும் பார்த்துப் பார்த்து செய்து முடித்து எழும்பும்முன் கூன் குறுக்கு எல்லாம் ஒடிந்தே போய்விடும். அரசனாலேயே இதனை எளிதாகச் செய்துவிட முடியாது. சாதாரண எளிய மக்களால் எப்படி செய்துவிட முடியும் ? கையில் இருக்கும் ஊறுனது பாருனது எல்லாம் கொடுத்துவிட்டு ஓட்டாண்டியாகப் போக வேண்டியதுதான். இப்படி எத்தனை குடும்பங்களைப் பார்த்திருப்போம்.? அதனால்தான் ஐந்து பெற்றால் அரசனும் ஆண்டியாவான் என்ற பழமொழி சொல்லப்பட்டிருக்கும். இதுதானே தங்களின் எண்ணம். என் எண்ணமும் இதுவாகத்தான் இருந்தது. இந்தப் பழமொழிக்கான பொருள் நீங்களும் நானும் நினைப்பதுபோல் ஐந்து பெண் பிள்ளைகளைப் பெற்றால் ஆண்டியாகிவிடுவோம் என்பதாகத்தான் இருக்குமோ? சற்றே சிந்திக்க வேண்டிய பழமொழிதான். அப்படிச் ...