பூவின் ஏழு பருவப் பெயர்கள்
பூவின் பெயர்கள் பூவினை மலர் என்று சொல்வது மட்டுமே நம்மில் பலருக்குத் தெரிந்திருக்கும். ஒரு பூவானது அரும்பி ,மலராகி, மணம் பரப்பி மனங்களைக் கொள்ளை கொள்ளும்வரை எத்தனை எத்தனை மாற்றங்கள் நிகழ்கின்றன. மாற்றங்கள் மட்டுமா நிகழ்கின்றன? மாற்றங்களுக்கு ஏற்ப பெயரையும் அல்லவா மாற்றிக் கொள்கிறது. பருவத்துக்கு ஒரு பெயர் தாங்கி ஒவ்வொரு பருவத்தையும் என்னைப் பார் என்று உற்று நோக்க வைத்து உவகை கொள்ள வைக்கிறது. கண்களுக்கு விருந்து படைக்கும் மலருக்கு இத்தனை பெயர்களா? வியக்க வைக்கிறது அல்லவா? எந்த மொழியிலும் இல்லாத சொல்லாளுமை தமிழுக்கு உண்டு என்பதற்கு இந்த ஒரு எடுத்துக்காட்டு மட்டுமே போதும். அரும்பு , நனை ,முகை ,மொக்குள் , முகிழ் ,மொட்டு. , போது, மலர் , வீ. , பொதும்பர் ,பொம்மல் ,செம்மல் . என மலர் தன் மாற்றங்களுக்கு ஏற்ப கொடுத்து வைத்திருக்கும் பெயர்கள்தான் எத்தனை !எத்தனை! அத...