Bombay Tamil Teacher

குடிதழீஇக் கோலோச்சும் மாநில .... குடிதழீஇக் கோலோச்சும் மாநில மன்னன் அடிதழீஇ நிற்கும் உலகு "                             குறள் :.    544 குடி - குடிமக்கள் தழீஇ -அரவணைத்துஏன் கோலோச்சும்- நல்லாட்சி செய்யும் மாநில - பெருநிலம்  மன்னன்- ஆட்சி செய்பவன் அடி- வழியில் தழீஇ - இணைந்து,சேர்ந்து நிற்கும் - நிலைத்திருப்பர் உலகு- குடிமக்கள் மன்னன் குடிமக்களை அரவணைத்து நல்லாட்சி  செய்பவனாக இருந்தால் குடிமக்கள் ஆட்சியாளன் கொள்கையைப் பின்பற்றி  அவன் வழியில் நிலைத்து நிற்பர். விளக்கம்: குடிமக்களை அரவணைத்து அன்பு செலுத்தி, அவர்களுக்கு வேண்டியவற்றைச் செய்துகொடுத்து,அவர்கள் நலன் சார்ந்த செயல்களைச் செய்துவரும் மன்னன் பின்னால் ஒட்டுமொத்த மக்களும் அணிவகுத்து நிற்பர். மன்னன் எல்லாத்தரப்பு மக்களும் விரும்பும் வகையில் ஆட்சி நடத்த வேண்டும். விளிம்பு நிலையில் இருக்கும் மக்களின் நலனையும் கருத்தில் கொண்டு திட்டங்கள் வகுத்து செயல்பட வேண்டும். குடிமக்களின் தேவைகளை அறிந்து அதனை நிறைவு செய்யும் விதத்தில் அரசு செயல்பட வேண்டும். அப...

அளபெடை என்றால் என்ன? செய்யுளின் ஓசை குறையும்போது  ஒரு சொல்லின் முதலிலும் இடையிலும் இறுதியிலும் நிற்கும் நெட்டெழுத்துகள் தமக்குரிய  இரண்டு மாத்திரை அளவிலிருந்து நீண்டு  ஒலிக்கும். அவ்வாறு நீண்டு ஒலிப்பதை  அளபெடை என்கிறோம். அளபெடையின் வகைகள்: அளபெடை இரண்டு வகைப்படும். 1. உயிரளபெடை 2. ஒற்றளபெடை முதலாவது உயிரளபெடை என்றால் என்ன என்று பார்ப்போம். ஒரு செய்யுளின் ஓசை குறையும்போது அந்த ஓசையை நிறைவு செய்ய ஏழு உயிர் நெடில் எழுத்துகளும் அளபெடுத்து வரும். இதனை உயிரளபெடை என்பர். அதாவது உயிர் நெடில் எழுத்துகளான ஆ., ஈ., இ., ஏ. ,ஐ. ,ஓ. ,ஔ ஆகிய எழுத்துகளின் இன எழுத்துகள்  அளபெடுத்து வரும். இந்த ஏழு உயிர் நெடில் எழுத்துகளுக்கும் ஐந்து உயிர்க்குறில் எழுத்துகளும் இன எழுத்துகளாகும். அவற்றைப் பார்ப்போம். ஆ        -அ   ஈ           -இ ஊ      -   உ ஏ            -எ ஐ           -இ ஓ.          - ஒ ஔ      ...

அமரகத்து ஆற்றறுக்கும் கல்லாமா அன்னார்.... " அமரகத்து ஆற்றறுக்கும் கல்லாமா அன்னார் தமரின் தனிமை தலை"                  குறள். : 814 அமர் - போர் அகத்து - இடையில் ஆற்றறுக்கும்- வலிமையைக் கெடுத்துக்கொண்டு ஓடும் கல்லா - பயிற்சி பெறாத, அறிவில்லாத மா - குதிரை அன்னார் - ஒப்பாவரோடு தமரின்-தம்மவர் என்று சேர்ந்திருப்பதைவிட தனிமை - தனிமையாக இருத்தல் தலை- நன்று , சிறப்பு போர் செய்துகொண்டிருக்கும்போது  கீழே தள்ளி விட்டுவிட்டு ஓடும் அறிவற்ற குதிரை போன்றவரோடு நட்பு கொண்டிருப்பதைவிட நட்பே இல்லாமல் தனிமையில் இருப்பது நலம் தரும். விளக்கம்: நன்றாக மகிழ்ச்சியாக இருக்கும் காலத்தில் எந்தவித இடையூறும் செய்யாது மேலே ஏற்றிக்கொண்டு செல்கிறது ஒரு குதிரை. அதே குதிரையைப் போர்க்களத்தில்கொண்டு விடப்படுகிறது. போர்ச்சூழலைப் பார்த்ததும் குதிரை மிரண்டு போகிறது. போர் கலக்கத்தை ஏற்படுத்திவிட முதுகில் இருந்த வீரனை கீழே தள்ளி விட்டுவிட்டு ஓட்டம்  பிடிக்கிறது குதிரை. பயிற்சியின்மையாக இருக்கலாம். அல்லது அறிவில்லாததாகக்கூட இருக்கலாம். எதுவாக இருந்தாலும் குதிரை...

கமகமக்கும் ஆப்பம் செய்வது எப்படி?         ஆப்பம் என்றதும் அந்த மணமும் சுவையும் இப்போதே தின்ன வேண்டும் என்று ஒரு ஆசையைத் தூண்டும். வீட்டு வாசலில் வந்ததுமே இன்று உங்கள் வீட்டில் ஆப்பமா? மணம் தெரு முழுவதும்  மணக்கிறதே என்று கேட்கும் அளவிற்கு ஆப்பம் நம்மை இழுக்கும். ஆப்பம் என்றால் ஏதாவது ஒரு நாள்தான் செய்ய முடியும் என்று இருந்த காலம் ஒன்று உண்டு. ஆப்பம் என்றால் கள் ஊற்ற வேண்டும்  அப்போதுதான் ஆப்பம் நன்றாக மணக்கும்  என்று கள் இறக்கும் இடங்களுக்குச்  சென்று எங்கள் அம்மா சொன்னார்கள். ஆப்பத்திற்கு  ஊற்ற கொஞ்சம்போல  கள் தரணுமாம் என்று கேட்டு வாங்கி  வந்த காலம் ஒன்று உண்டு. இன்று  அப்படியல்ல. நினைத்த உடனேயே கள் ஊற்றிய மணத்தோடு கமகமக்கும் ஆப்பம் சுட்டுவிடலாம். கள்ளைத்  தேடி அலைய வேண்டாம். அதே சுவையில் அதே மணத்தில் ஓட்டை ஓட்டையான பஞ்சு போன்று மெத்தென்ற ஆப்பம் செய்து அசத்தலாம். எனக்கெல்லாம் ஆப்பத்தில் ஓட்டை ஓட்டையாக இருக்க மாட்டேங்குது என்ற கவலையே உங்களுக்கு வேண்டாம். ஈஸ்ட் வாங்கி வைத்துவிட்டால் போதும். கமகமக்கும் ஆப்பம் ரெ...

பணி நிறைவுப் பாராட்டு மடல் நாவில் தேனூறும் நல்லமணம் தூதாகும் ஆம்பூர்நகர் இணையர் ஜேசுதாஸ் ரெபேக்கா ஆசைமலர்க் கொடியாள் ஹெலன் மீராபாய் உக்கிரன்கோட்டை ஐயா லயனலின்                                              வயலினானார்! ஐயா லயனலுக்குக் கட்டித்தேன் அமுதத்தேன் மகளிரிருவர் வாய்த்த நல் வசந்தத்தேன் பெய்தேன் குழைஇல்லறம் இசைத்தேன் கண்டேன் மெய்த்தேன் இதுவென உவந்தேன்!  நார்த்விக் மேனிலைப்  பள்ளி துளிர்த்தேன்  செயினட்மேரி நேசனல் கல்லூரி அருந்தேன் மும்பைத் தமிழ்ப்பள்ளி தனித்தேன் தளிர்த்தேன் இன்பத்தேன்  மாணவர் விருப்பும் கூட்டுத்தேன்! சொற்தேன் தோய்த்த கல்வி சுவைத்தேன் மதித்தேன் மதி தேனெனென உணர்ந்தேன் நனித் தேனுண்டதுபோல்  மகிழ்ந்தேன் கனித்தேன் மொழிகேட்கத் தவம் கிடந்தேன்! அன்புத்தேன் உள்ளம் என்றும் அமுதத்தேன் பண்புத்தேன் பாசத்தேன் கொட்டும் அருவித்தேன் ஆசைத்தேன்  கொண்டேன்  அரவணைத்தேன் பார்த்தேன் பாவைத்தேன் பாசத்தேன்! சொற்றேன் சுவைத்தேன் அருந்தேன் அறிவுத்தேன்...

பிறந்தநாள் வாழ்த்து தேனிலா தமிழுலா  தேடலா (ல்) பால்நிலா வானுலா வந்து வாழ்த்துச் செய்தி வாசித்தலா கவியுலா சுமந்து தென்றல் காதோடு கவி பாடலா கைபேசி கிண்கிணியென கிண்ணரம் இசைத்து தத்தை மொழி  பேசி ஒற்றைச் சொல்லால்  ஓயாது வாழ்த்தலா உள்ளம் மகிழ்ச்சி கடலிலா கண்டுலா வந்திட விழைதலா(ல்) யானும் வந்தேன் சிற்றுலா இறையருள் இல்லம் நிறைத்தலா (ல்) நலமும் வளமும் கூட்டாட்சி நடத்தலா இன்பம்  நிரந்தர குடியுரிமை வாங்கலா வரையன்ன நெடிய புகழ் காண்டலா வானும் நிலனும் போல  வாழ்தலா(ல்) நிலைத்த நலன் உமக்குரித்தாதலா என்றன் வாழ்த்துலா எழுத்துலாவாக கட்செவி அஞ்சலேறி இல்லம் வந்தது  இன்பச் சுற்றுலா  வாழ்க...வாழ்க...வாழ்க... பல்லாண்டு...பல்லாண்டு பல்லாயிரம் ஆண்டு இன்றுபோல் என்றும் உவந்து !             - செல்லமாய் ஜெயராஜ்

சின்னஞ்சிறு கிளியே கண்ணம்மா.... பாரதியின் கண்ணன் பாட்டு பாரதியின் கண்ணம்மா பாட்டு  இரண்டும் அதிகம் பேசப்படும் பாடல்கள். கண்ணன் பாட்டு தெரியும். கண்ணம்மா பாட்டா? அப்படி ஒரு பாட்டு பாரதி பாடியிருக்கிறாரா என்று கேட்கிறீர்களா? பாரதி கண்ணனை குழந்தையாக உருவகித்துப் பாடிய பாடலான  சின்னஞ்சிறுக் கிளியே என்ற பாடலைத்தான் நான் கண்ணம்மா பாட்டு என்கிறேன். இந்தப் பாடலில்  கண்ணனை ஒரு குழந்தையாக எப்படி எப்படி எல்லாம் கொஞ்சி மகிழ்கிறார் பாரதி என்பதைப் பாருங்கள். கண்ணன் என்ற கண்ணம்மா பாரதியை என்னென்ன  பாடுபடுத்தியிருக்கிறாள்  என்பதைச் சொல்லிச் சொல்லிப் பரவசப்பட்டிருக்கிறார். கண்ணம்மா பாரதியைத் திக்குமுக்காட வைத்திருக்கிறாள். சஞ்சலப்படுத்தியிருக்கிறாள். ஓடி விளையாட வைத்திருக்கிறாள் உச்சி குளிர வைத்திருக்கிறாள். கள்வெறி கொள்ள வைத்திருக்கிறாள். கண்ணின் இமையாய் இருந்திருக்கிறாள். நெஞ்சத்தில் அள்ளி அணைத்து ஆனந்தப்பட வைத்திருக்கிறாள். உயிராய் உணர்வாய் உறவாய்  இருந்து மகிழ வைத்திருக்கிறாள். அதைத்தான் பாரதி தனது சின்னஞ்சிறு கிளியே என்ற பாடலில் சொல்லிப் சொல்லிக் கொண்டாடி மகிழ்ந்திருக்...

காணாமல் போகிறதா போர் தர்மம்? " அறத்திற்கே அன்புசார் பென்ப அறியார் மறத்திற்கும் அஃதே துணை" என்பார் வள்ளுவர். அறத்திற்கு மட்டுமே அன்பு வேண்டும் என்று சொல்பவர்கள் அறியாதவர்கள். மறத்திற்கும் அதாவது வீரத்தை வெளிப்படுத்தும் இடங்களிலும் அன்புதான் துணையாக நிற்கும். நிற்க வேண்டும். அதுதான் அறம். இதுதான் வள்ளுவர்  நமக்குச் சொல்லித் தந்த வேத பாடம். வள்ளுவருக்கு என்ன? அவர்பாட்டுக்குச் சொல்லி விட்டுப் போய்விட்டார். போர் செய்யும் இடம்  எப்படி அன்பு காட்டும் இடமாக இருக்க முடியும்.? எதிரி என்றால் எதிரிநாட்டு உயிர்களும் எமக்கு எதிரிகள்தான். அதனால் யார் எவர் என்று பார்க்காதே. கண்ணிவெடி வைத்தோ ஏவுகணை வீசியோ எதிரி நாட்டை அழிக்க வேண்டும். அதுதான் எமது இலக்கு . இதில் யார் தொலைந்தால் என்ன? யார் மாய்ந்தால் என்ன? என்பதுதான் இன்றைய போர் தர்மம்...இல்லை....இல்லை.  போர் அதர்மம். இன்றைய போர்க்கள காட்சிகளும் நிகழ்வுகளும் நம்மை இப்படித்தான் நினைக்க வைக்கின்றன. மனம் வெம்பிப் பேச வைக்கின்றன. உக்ரைன் போரில் பெற்றோரை இழந்து அநாதையாய் அழுதுகொண்டு திரிந்த ஒரு சிறுவனைத் தொலைக்காட்சியில்  பார்த்ததிலிருந்து...

கெடுங்காலைக் கைவிடுவார் கேண்மை.... கெடுங்காலைக் கைவிடுவார் கேண்மை அடுங்காலை உள்ளினும் உள்ளம் சுடும்"                         குறள் : 799 கெடுங்காலை- துன்பப்படுகின்ற காலத்து கைவிடுவார்-  விட்டு விலகிச் செல்பவர் கேண்மை - நட்பு அடும் - வருத்தும் காலை- இறுதிக் காலத்தில் உள்ளிடும் - நினைத்தாலும் உள்ளம் - நெஞ்சம் சுடும் -  எரியும்,வலிக்கும் துன்பப்படுகின்ற காலத்தில் கைவிட்டுவிட்டு  சென்றவருடைய நட்பை வாழ்வின் இறுதிக் காலத்தில்  நினைத்துப்பார்த்தால் கூட உள்ளம் வலிக்கும். விளக்கம் : நகுதல் பொருட்டல்ல நட்பு. தோழன் என்றால் ஒரு துன்பம் வரும்போதும் தோள் கொடுத்து நிற்க வேண்டும். நண்பனுக்கு ஒரு துன்பம் வரும்போது விட்டுவிட்டு ஓடி மறைந்து கொள்வது உண்மையான நட்பிற்கான அடையாளமாக  இருக்க முடியாது.  தன் உற்ற நண்பன் தனக்கு ஒரு கேடு வந்தபோது கைவிட்டுவிட்டுச் சென்றுவிட்டான் என்பதை நினைக்கும்போதே உள்ளம் வலிக்கும். எந்தத் துன்பமும் துயரமும் சிறிது காலம் துன்பத்தைத் தருவதாக இருக்கும். காலம் ஆக ஆக அந்த நிகழ்வு நெஞ்சை விட்டு மற...

மீன்குழம்பும் சித்தப்பாவும் எங்க சித்தியை மாதிரி சுவையாக யாரும் சமையல் செய்துவிட முடியாது. மகராசி அவள் கைப்பக்குவம் மாதிரி யாருக்கும் வராது என்று எங்கள் பாட்டி சொல்லிச் சொல்லிப் பெருமைப் படுவார். ஆனால் என்ன சுவையாக சமைத்து என்னப் பிரயோஜனம்? வாழ்க்கை சுவையாக அமையவில்லையே!  அந்தக் குழம்புதாங்க அவர் வாழ்க்கைக்கே எமனாகப் போய்விட்டது. சித்தப்பா  சாப்பாட்டை அவ்வளவு ருசித்துச் சாப்பிடுபவர் இல்லை. சொல்லப் போனால் ஏதோ கடமைக்கு சாப்பிடுவதுபோல சாப்பிட்டுவிட்டு எழுந்து போய்விடுவார். ஒரு ரசனையே இல்லாத ஆள்  உன் சித்தப்பா என்று சித்தி அடிக்கடி சொல்லி  வருத்தப்பட்டுக் கொள்வார். ஆனாலும் சித்தி எந்த இடத்திலும்  சித்தப்பாவைவிட்டுக் கொடுத்துப் பேசமாட்டார். சித்தப்பா அதற்கு எதிர்மாறானவர். எங்கெல்லாம் சந்தர்ப்பம் கிடைக்குமோ  அங்கெல்லாம் சித்தியை குறைகூறாமல் இருக்க மாட்டார். ஒருநாள் என்றால் பரவாயில்லை. நித்தம் நித்தம் இதுதான் என்றால்.... கேட்டுக் கேட்டு சித்திக்கு மரத்துப் போய்விட்டது. இப்போ எல்லாம் சித்தப்பா குறைகூறாமல் இருந்தால் அதுதான் ஆச்சரியமாக இருக்கும். ஆனால் எல...

    மண்சட்டியும் மீன்குழம்பும் அசைவம் சாப்பிடுகிற அனைவர்க்கும் விருப்பமான குழம்பு ஒன்று உண்டென்றால் அது மீன் குழம்பாகத்தான் இருக்கும். எங்க சித்தி வைக்கும் மீன்குழம்புக்கு ஈடாக யாரும் மீன் குழம்பு வைக்க முடியாது. அது என்னவோ ஓடுகிறத் தண்ணீரில் மீனைத் தேடிப் பார்ப்பது போல குழம்பு தண்ணியாக இருந்தாலும் ருசி மட்டும் குறையவே குறையாது. கொஞ்சம் கெட்டியாக வைத்தால் என்ன என்று கேட்டால் எட்டு தட்டுக்கு ஊற்றணும். அதுவும் இரண்டு நேரத்துக்கு.... ஆளுக்கு இரண்டு அகப்பை ஊற்றினாலும் ஒரு வேளைக்கு பதினாறு அகப்பை ஊற்றணும். கொஞ்சம்போல மிச்சம் இருந்தால் சுண்ட போட்டு பழைய சோத்துக்கூட கூட்டிகிட்டோம்ன்னா கூடுதலா ஒரு தட்டு கஞ்சி குடிச்சிடலாம் இல்லியா ?என்பார் சித்தி. மீன்குழம்பு செய்வதே ஒரு கலைங்க வெறுமனே பத்தோடு பதினொன்று அத்தோடு இது ஒன்று என்று செய்தால் சுவை இருக்காது. பார்த்துப் பார்த்துப் பக்குவமாகச் செய்ய வேண்டும். இப்படிச் செய்தீர்கள் என்றால் சட்டி பத்தலைக்கூட விட்டு வைக்க மாட்டீர்கள்.  சொல்லும்போதே இப்போதே மீன்குழம்பு செய்து சாப்பிடணும் என்று தோணுது இல்ல.... அப்படிச் சொல்லித் தருவ...

  மாத்திரை என்றால் என்ன? ஒரு சொல்லை ஒலிப்பதற்கு நாம் எடுத்துக்கொள்ளும் கால அளவு மாத்திரை  எனப்படும். " கண் இமை நொடி என் அவ்வே மாத்திரை நுண்ணிதின் உயர்ந்தோர் கண்டலாறே " என்கிறது தொல்காப்பியம் " இயல்பெழு மாந்தர் இமை நொடி மாத்திரை " என்கிறது நன்னூல். மனிதர்கள் இயல்பாகக் கண் இமைப்பதற்கு  எவ்வளவு நேரம் எடுத்துக் கொள்கிறோமோ   அதுதான் மாத்திரையின் கால அளவு.   மனிதர்கள் இயல்பாக கை நொடிக்கும் அதாவது சொடுக்கு போடுதல்  என்று சொல்வோமே  அதற்கு எவ்வளவு நேரம் எடுத்துக் கொள்கிறோமோ அதுதான் மாத்திரை. இயல்பெழு என்பதை மனதில் பதிய வைத்துக்கொள்ளுங்கள். நோய்வாய்ப்பட்டவரல்ல. இயல்பாக நல்ல நிலையில் இருக்கும் ஒருவரின் கண்ணிமைக்கும் நேரம் அல்லது கை நொடிக்கும் நேரம் மட்டுமே கணக்கில் எடுத்துக்கொள்ளப்பட வேண்டும். கால், அரை ஒன்று இரண்டு என்று மாத்திரை கணக்கிடப்படுகிறது. ஒரு மாத்திரை கால அளவு ஒலிக்கப்படக்கூடியவை உயிர்க்குறில் உயிர்மெய்க்குறில்  ஆகிய குறில் எழுத்துகளுக்கு ஒரு மாத்திரை. உயிர் குறில் ஐந்து. அ ,இ, உ, எ ,ஒ இவை ஐந்தும் உயிர்க்குறில்  எழுத்துகள். இவற்றிற்கு ஒர...

    மதிப்புப் பன்மை மதிப்பும் மரியாதையும் மனசில் இருந்தால் போதும். வார்த்தையில் வேண்டாம். எங்கோ ....யாரோ சொன்ன ஞாபகம். அப்படியானால் பேசும்போது மரியாதை கொடுத்துப் பேச வேண்டாமா? அது எப்படி ? பெரியவர்களுக்கு மரியாதை  கொடுத்துப் பேசுவதுதானே நமது பண்பாடு. மரியாதை கொடுத்துப் பேச வேண்டுமானால் எப்படி பேச வேண்டும்? வாருங்கள். உட்காருங்கள் உண்ணுங்கள் பருகுங்கள் என்று  கள் சேர்த்துச் சொல்வதுதானே  மரியாதை! ஆனால் அது இலக்கணப்படி தவறாகுமே! ' கள்' என்ற விகுதி பற்றி பல்வேறு விவாதங்கள் உண்டு. இன்றும் இந்த விவாதம்  தொடர்ந்து கொண்டுதான் வருகிறது. . ' கள் 'என்பது அஃறிணை பலலின் பால் விகுதி அல்லவா? அது உயர்திணைக்கு எப்படி பொருந்தும்?  கேள்வி எழலாம். முதலாவது மதிப்புப் பன்மை என்றால் என்ன என்று பார்ப்போம். ஆரம்பத்தில் இருந்தே வருவோம். திணை இரண்டு வகைப்படும். 1.  உயர்திணை 2.  அஃறிணை இதில்,  " மக்கள் தேவர் நரகர் உயர்திணை மற்றுஉயிர் உள்ளவும் இல்லவும் அஃறிணை" என்கிறது நன்னூல். மக்கள், தேவர் , நரகர் - உயர்திணை ஏனைய உயிர்களும் உயிர் அல்லாத பொருட்கள் அனைத்தும் அஃறிணை ...

    கதம்பப் பருப்புத் துவையல் பெண்களுக்கு இருக்கும் பிரச்சினைகளிலேயே  பெரிய பிரச்சினை என்ன என்றால் சமையல்தான். விடிந்ததும் இன்று என்ன  என்ன குழம்பு வைப்பது? என்ன பொரியல் வைப்பது? என்று மண்டையே குழம்பிப் போய்விடும். குழம்பு வைத்தாலும் தொட்டுக் கொள்ள கூட்டு வைக்க வேண்டும். கூட்டுக்குக் காய்கறி வெட்ட வேண்டும். அதெற்கெல்லாம் எங்கே நேரம் இருக்கிறது? அதனால் புளியோதரையோ தக்காளிசாதமோ லெமன் சாதமோ தயிர்சாதமோ எதுவாக இருந்தாலும் எடுத்துக் கொண்டு வேலைக்குப் போகிற பெண்கள் ஓடுவர். பெரும்பாலான நாட்களில்  ஊறுகாயை தான் தொட்டுக் கொள்வதற்கு  வைத்திருப்போம்.  ஊறுகாய்  கொண்டு செல்வதற்குப் பதிலாக பத்து வகையான துவையல் பொடி செய்து வைத்துக் கொண்டால் போதும். நாளும் வெவ்வேறு வகையான சுவையில் சாப்பிடலாம். வாருங்கள். முதலாவது கதம்பப் பருப்புப் பொடி எப்படிச் செய்வது என்று பார்ப்போம். கதம்பப் பருப்புப் பொடி செய்ய தேவையான பொருட்கள்: பாசிப்பருப்பு   =  2கையளவு துவரம்பருப்பு   = 2  கையளவு கடலைப்பருப்பு  = 1 கையளவு உளுத்தம் பருப்பு   = 1 க...

  உலக மகிழ்ச்சி நாள் கொண்டாட்டங்களும் குதுகலமும் இல்லாமல் வாழ்க்கை இல்லை. பிறந்த நாளில் நாலுபேர்  வாழ்த்திவிட்டால் அதில் மனம் மகிழ்ச்சியடைகிறது. விரும்பிய உணவுப் பொருளை வாங்கி உண்டுவிட்டால் .... கையை மணத்துப் பார்த்து பார்த்து மகிழ்கிறோம். உறவினர்கள் வீட்டிற்கு வந்துவிட்டால்... விழுந்து விழுந்து உபசரித்து நம் மகிழ்ச்சியை வெளிப்படுத்துகிறோம். தேர்வில் வெற்றிபெற்று விட்டால்...  துள்ளிக் குதித்து மகிழ்ச்சியை வெளிப்படுத்துகிறோம். இரண்டு குடம் தண்ணீர் கிடைக்கும் ஊரில் மூன்று குடம் தண்ணீர்  கிடைத்துவிட்டால்.... நான் மூன்று குடம் தண்ணீர் எடுத்துவிட்டேன் என்று சொல்லிச் சொல்லி மகிழ்கிறோம். புது சட்டை அணிந்துவிட்டால்.... நாள்முழுவதும் ஏதோ ஒரு மகிழ்ச்சி வந்து தொற்றிக்கொண்டு  ஆகாயத்தில் மிதப்பது போன்று உணர்கிறோம். புதிதாக குளிர்சாதனப்பெட்டி வாங்கிவிட்டால்.... திறந்து திறந்து பார்த்து காற்றைத் குடித்து குடித்து மகிழ்கிறோம். வாடகைவீட்டில் வாழ்ந்த நாம் சொந்தவீடு வாங்கி குடியேறிவிட்டால்... ஒரு வாரத்திற்குக் கால் தரையில் படுவதே இல்லை. துடைத்துத் துடைத்து வீட்டைச் சுற்றிச் சுற்றி...

" பெரியோர் எல்லாம் பெரியரும் அல்லர் சிறியோர் எல்லாம் சிறியரும் அல்லர்..." அதிவீரராம பாண்டியன் என்ற மன்னன் பாடிய வெற்றிவேற்கையிலிருந்து எடுக்கப்பட்டவைதான் இந்தப் பாடல் வரிகள். நான் பெரியவனா ? நீ பெரியவனா? என்ற போட்டியில் எழுவதுதான் பூசலும் பொறாமையும் போரும். ஒருவருடைய வளர்ச்சியை இன்னொருவரால் ஏற்றுக்கொள்ள  முடியாதபோது போர்மேகங்கள் சூழ்வதுண்டு. உன்னைப் பற்றி நீ முடிவு செய்யக்கூடாது. உன் செயல்களை வைத்து நீ எப்பேர்ப்பட்டவன் என்பதை உலகம் முடிவு செய்து கொள்ளும். ஆனால் யாருக்கும் அந்த அளவிற்கு பொறுமை இல்லை. முட்டி மோதி நான் பெரியவன் என்பதை மெய்ப்பிக்க முயலும் காட்சியில்த்தான் உரசல் ஏற்படுகிறது. நமது வளர்ச்சி எப்படி இருக்க வேண்டும்? பிறருக்குப் பயன் தருவதாக இருக்க வேண்டும். அப்படி இல்லை என்றால் அந்த வளர்ச்சி பெரிய வளர்ச்சியாகக் கருதப்படமாட்டாது. நாம் பெரியவரா? சிறியவரா ?என்பதை நாம் செய்யும் செயல்கள் தான்  முடிவு செய்யும்.உருவம் அல்ல.   இதனை சொல்வதற்கு முன்னால் அதிவீரராம பாண்டியன்  அருமையான ஒரு காட்சியை நம் கண்முன் கொண்டுவந்து நிறுத்தி எது பெரியது என்பதை நீங்களே மு...