ஆறிலும் சாவு நூறிலும் சாவு
ஆறிலும் சாவு நூறிலும் சாவு வாழ்க்கை நிலையற்றது. இன்று இருப்பது நிஜம். நாளை இருப்பது பொய். இன்று செத்தால் என்ன? நாளை செத்தால் என்ன? ஆறு வயதிலும் சாவு வரலாம். நூறு வயதிலும் சாவு வரலாம். இப்படி ஒரு கண்ணோட்டத்தில்தான் இந்தப் பழமொழியைச் சொல்லியிருப்பார்கள் என்றுதான் தோன்றும். மேலோட்டமாக பார்த்தால் அப்படித்தான் நினைக்கத் தோன்றுகிறது. அப்படித்தான் இருக்குமோ? இருக்காது....இதைச் சொல்வதற்குஒரு பழமொழியா? அப்புறம் வேறு என்னவாக இருக்கும் என்று நினைக்கிறீர்கள்.? நாங்கள் நினைப்பது இருக்கட்டும. நீங்கள் நினைப்பதை எழுதுங்கள் என்பீர்கள். நான் நினைப்பதும் வேண்டாம். நீங்கள் நினைப்பதும் வேண்டாம். மகாபாரதத்தில் கர்ணன் என்ன சொல்கிறார் என்பதைக் கேளுங்கள். மகாபாரதத்தில் குருசேத்திர போர் நடைபெறப் போகின்ற வேளை. அப்போதுதான் குந்திதேவிக்கு தனது மூத்த மகன்தான் கர்ணன் என்ற உண்மை தெரிய வருகிறது. குந்திதேவி தன் மக்கள் ஐவரோடும் சேர்ந்து கௌரவர்களை எதிர்த்துப் போரிடும்படி கர்ணனி...
