புண்ணியம் ஆம் பாவம் போம்
புண்ணியம் ஆம் பாவம் போம் தீமை ஒழிய வேண்டுமா ? நன்மை செய். இது யாருக்குத் தெரியாது? நன்மை செய்தால் தீமை காணாமல் போகும். அனைத்து மதங்களும் இதைத்தானே சொல்கின்றன. பெரியவர்களும் இதையேதான் சொல்லித் தருவார்கள். எத்தனை பேர் சொல்லித் தத்தித் என்ன? ஒரு கருத்தினை மனதில் பதிய வைக்க வேண்டுமா? எத்தனை முறை வேண்டுமானாலும் சொல்லலாம். இதையேதான் ஔவையும் தனது நல்வழியின் முதல் பாடலில் சொல்லித் தந்திருக்கிறார். வாருங்கள் ஔவை என்ன சொல்லியிருக்கிறார் என்று பார்ப்போம். புண்ணியம் ஆம்; பாவம் போம்; போன நாள் செய்த அவை மண்ணில் பிறந்தார்க்கு வைத்த பொருள்; எண்ணுங்கால், ஈது ஒழிய வேறு இல்லை, எச் சமயத்தோர் சொல்லும்; தீது ஒழிய, நன்மை செயல்! நல்வழி பாடல் 1 "மனிதன் பிறக்கும் போதும் அவன் இறக்கும் போதும் அவன் கூடவே வருவது அவன் செய்த புண்ணியமும் பாவமும் மட்டும்தான். சேர்த்து வைத்த சொத்தோ பொருளோ புகழோ படித்த படிப்போ பெற்ற பதவியோ எதுவும் கூட வரப் போவதில்லை. அதனால் உலகில் வாழு...