Bombay Tamil Teacher

ஊர் வாய் மூட உலைமூடி தானில்லையே   செய்தியை ஊர் முழுவதும் பரப்ப வேண்டுமா? ஊர்க்குருவிகளாக சிலர் இருப்பர். அவர்களில் ஒருவரிடம் மெதுவாகச் சொல்லிவிட்டால் போதும். அவர் ஊர் முழுவதும் பரப்பி விடுவார். இப்போது செய்தி ஊர் முழுவதும் பரவியாயிற்று.  இனி அந்தச் செய்தி வெளியில் செல்லாமல் மறுபடியும் பார்த்துக்கொள்ள முடியுமா என்றால்.... அது எப்படி முடியும்? ஊர் வாயை மூட உலைமூடி உண்டோ என்று கேட்கிறார் ஒருவர். சரியாகத்தானே கேட்டிருக்கிறார். ஊர் வாயை மூட உலை மூடி உண்டோ? காற்றில் கலந்த செய்தி இது. காற்றைத் பிடித்து கைப்பையில் அடைக்க முடியுமா? கூடாதல்லவா ? அது போன்றதுதான் ஒரு செய்தி நம் வாயை விட்டு வெளியில் போய்விட்டால் அந்தச் செய்தி பரவாமல்  மறுபடியும் தடுத்திட முடியாது. அது காற்றில் கலந்து, காது காதாகச் சென்று ஓதி ஊரறிய செய்யாமல் ஓயாது. இந்தச்  சொலவடை எங்கிருந்து வந்தது? சாதாரணமாக நாம் அடிக்கடி பயன்படுத்தும் சொற்களை எடுத்து தம்மைத் திரும்பிப் பார்க்க வைத்திருக்கிறார் கம்பர். கம்பர் தனிப்பாடலில்தான் இப்படியொரு சொலவடை வந்திருக்கிறது. பாடல் உங்களுக்காக தேரையார் செவ்விள நீருண்ணாப் பழி...

வல்வில் ஓரி  கடையேழு வள்ளல்கள் யார் யார் என்றால் பாரி, காரி ,ஓரி ,பேகன் ,அதியமான், ஆய் ,நல்லி என்று வரிசையாக சொல்லி விடுவோம். இதில் பாரியைப்பற்றிக் கேட்டால் முல்லைக்குத் தேர் கொடுத்தான் பாரி என்று சொல்லி விடுவோம். அதியமான் ஔவைக்கு நெல்லிக்கனி  கொடுத்தான் என்பது நாடறிந்த செய்தி. ஓரி யார் என்றால்....சற்று தடுமாறி நிற்போம். வல்வில் ஓரி என்று சொல்லுவோம். வல்வில் ஓரிதான் .ஏன் அவருக்கு அந்த பெயர் வந்தது.? அந்தப் பெயருக்கும் அவரை  கடையேழு வள்ளல்களுள் ஒருவராக கொண்டாடுவதற்கும் காரணம் என்ன? இந்தக் கேள்விகளை முன் வைத்தால்... சற்று  சிந்திக்க ஆரம்பிப்போம். கோயபல்ஸ் பொய் என்பதுபோல உண்மையையும்  மறுபடியும் மறுபடியும் உரக்கச் சொல்ல  வேண்டும். அப்போதுதான் உண்மை என்று நம்பப்படும். .அப்போதுதான் நம் மனதும் அதனைப் பதிவு செய்து வைத்துக் கொள்ளும். அல்லது ஒரு ஓரத்தில் தூக்கி வைத்துவிட்டு கடந்து சென்று கொண்டே இருக்கும். வாருங்கள்.  வல்வில் ஓரிக்கு இந்தப் பெயர் கிடைக்கத் தகுதி இருந்ததா? யாரிந்த வல்வில் ஓரி என்று பார்த்துவிடுவோம். எல்லா மன்னர்களுக்கும் இயல்பாக ஒரு குணம் உண்டு. த...

பாவி யார்  பாவம்  செய்தவர்கள் நரகத்துக்குப் போவார்கள். நல்லது செய்பவர்கள் மோட்சத்திற்குப் போவார்கள் இப்படிச் சொல்ல  கேட்டிருக்கிறோம். மோட்சம் எங்கே இருக்கிறது என்றால் மேலேயும் நரகம் எங்கே இருக்கிறது என்றால் கீழேயும் கையைக் காட்டி வழியைச் சொல்லித் தந்து வளர்க்கப்பட்டிருக்கிறோம். உண்மையில் நரகத்தையோ  சொர்க்கத்தையோ பார்த்தவர் எவரும் உண்டா என்றால்.... கண்டவர் விண்டிலர். விண்டவர் கண்டிலர் இதுதான் பதிலாக இருக்கும். பாவி யார் என்று கேள்வி கேட்டால் தீயசெயல்கள் செய்பவர் அனைவரும் பாவிகள் என்று பட்டென்று சொல்லிவிடுவோம். எவை தீயசெயல் என்று கேட்டால் ஆளாளுக்கு சற்று மாறுபட்டு நிற்போம். ஒருவர் தீமை என்று நினைப்பது இன்னொருவருக்குத் தீமையாகத் தெரியாது. காலமும் சூழலும் ஒவ்வொருவருக்கும் மாறுபட்ட பாடங்களைக் கற்பித்திருக்கும். அதனால்தான் சிந்தையில் மாறுபாடும் வேறுபாடும் கொண்ட மனநிலையோடு வளர்ந்திருக்கிறோம். பாவம் செய்தவன் பாவி. என்ன பாவம் செய்தவன் பாவி? இந்தக் கேள்விக்கு   நீங்கள் எதிர்பாராத பதிலைத் தருகிறது விவேக சிந்தாமணி. யார் பாவி என்று சொல்லும் விவேக் சிந்தாமணி பாடல் உங்களுக்காக...

பாரி பாரி என்றுபல ஏத்தி  கபிலரும் பாரியும் சிறந்த நண்பர்கள். முல்லைக்குத் தேர் கொடுத்த நிகழ்வுக்குப் பின்னர் பாரியின் புகழ் அண்டை நாடுகள் எங்கும் பரவியது. பாரியைப் பார்த்தால் நம் வறுமை ஒழியும் என்று புலவர்கள் நம்பினர். அதனால் நாள்தோறும் புலவர்கள் வந்து பரிசில் பெற்றுச் சென்றனர். எப்போதும் பாரியின் அவையில் புலவர்கள் இருந்துகொண்டே இருப்பர். அப்படி வருகிற புலவர்களோடு ஒருநாள் கபிலர் பேசிக் கொண்டிருந்தார். பேசும் ஒவ்வொருவர் வாயில் இருந்தும் எப்படியாவது ஒரு முறை பாரி என்ற பெயர் உச்சரிக்கப் பாடுவதைக் கவனித்தார் பாரி. உள்ளுக்குள் பெருமிதம். ஆனால் இவர்கள் எல்லாம் உண்மையாகவே பாரியைப் புகழ்கிறார்களா இல்லை பரிசில் பெற வேண்டும் என்ற நோக்கிற்காக ஏதோ புகழ்ந்து சொல்லி விடுவோம் என்று சொல்கிறார்களா என்று உள்ளுக்குள் ஒரு விவாதம் நடத்திப் பார்த்தார். அப்போது பாரிக்கு இணையான வள்ளல் இந்த உலகில் வேறு யார் இருக்கிறார்கள் என்ற தேடல் வந்தது. "ஏனில்லை  இதோ இவர் இருக்கிறாரே" என்ற குரல் செவியோரம் புள்ளொன்று வந்து செய்தி ஒன்று சொல்லிப் போனது. முகம் மகிழ்ச்சியால் மலர்ந்து நின்றது. பாரியின் முகம் மலர்ந்து ப...

எள்ளற்க என்றும் எளியரென்று  பதினெண் கீழ்க்கணக்கு நூல்களுள் ஒன்று நான்மணிக்கடிகை.  இந்நூலை இயற்றியவர் விளம்பி நாகனார். இந்நூலிலுள்ள பாடல்களின் மொத்த எண்ணிக்கை 106 ஆகும்.  ஒவ்வொரு பாடலிலும்   4 மணி மணியான கருத்துகள் இடம்பெற்றிருக்கும். அறிவுரைகள் ,அறவுரைகள் என்று மொத்தப் பாடல்களும்  படிக்கப் படிக்கத் திகட்டாத தெள்ளமுதாக இனிக்கும். நான்கு வகை மணியான கருத்துகளைச் சொல்லும் நூல் என்பதால் ‘நான்மணிக்கடிகை’ என்று அழைக்கப்படுகிறது. ‘கடிகை’ என்றால் துண்டம் என்று பொருள்படும். எனவே, நான்மணிக்கடிகை என்னும் சொல் நான்கு ரத்தினத் துண்டங்கள் கொண்டது என்று பொருள்படும். நான்மணிக்கடிகையின் முதல் பாடல் உங்களுக்காக.. " எள்ளற்க என்றும் எளியரென்று; என்பெறினும் கொள்ளற்க கொள்ளார்கை மேற்பட; உள்சுடினும் சீறற்க சிற்றில் பிறந்தாரை; கூறற்க கூறு அல்லவற்றை விரைந்து. " "செல்வச் செழிப்பில்லாத ஏழை வறியவர் என்பதற்காக ஒருபோதும் ஒருவரை இகழ்ந்து பேசக்கூடாது. எதன் பொருட்டும் எதைப் பெறுவதற்காகவும் தகாதவர்கள் கை மேலாகவும் தம் கை கீழாகவும் இருக்கும்படி எதையும் பெற்றுக் கொள்ளக்கூடாது. வறுமையில் வாடும் ஏழை ம...

காளமேகத்தின் எழுத்து விளையாட்டு  பொருளற்ற ஒற்றை எழுத்தை அடுக்கி வைத்து பொருள் உள்ள பாடல் புனையநல்ல கவித்துவம் வேண்டும். 'து 'வரிசையில் பாடுக.' தா 'வரிசையில் பாடுக என்று எளிதாகச் சொல்லிவிடலாம். வெறுமனே எழுத்தை அடுக்கி வைத்தால் போதுமா? பொருள் இருக்க வேண்டும். கவித்துவம் இருக்க வேண்டும். எழுத்தை வைத்து  விளையாட்டுக்காட்டி மகிழ்வதில் சிலருக்கு ஆசை இருக்கும். உண்டு. காளமேகத்திடம் இப்படியொரு விளையாட்டு விளையாட பார்க்க ஒருவருக்கு ஆசை. தனது ஆசையை காளமேகம்  முன்னர்  வைத்தார். "அதனால் என்ன பாடி விட்டால் போயிற்று. எந்த எழுத்தொடு விளையாட வேண்டும்" என்று கேட்டார் காளமேகம். 'டுடுடு 'என்று சாதாரணமாக சொல்லிவிட்டார் அந்த மனிதர். வெறும் 'டு'வை வைத்து எப்படி பாடல் பாட முடியும் என்றுதானே நினைக்கிறீர்கள். காளமேகத்திடமேயேவா? பாடல் உங்களுக்காக... " ஓகாமா வீதோநே ரொக்க டுடுடுடுடு நாகர் குடந்தை நகர்க்கதிபர் - வாகாய் எடுப்பர், நடமிடவர், ஏறுவர்அன் பர்க்குக் கொடுப்பர், அணிவர் குழை' என்று பாடி  அசத்திவிட்டார் காளமேகம். 'டு 'என்ற எழுத்துக்குத் தனித்த பொருள் ...

ஈ ஏற மலை குலுங்குமா ஒரு குறிப்பிட்ட சொல்லைக் கொடுத்து இந்தச் சொல்லில் உடனே கவி பாடுக என்று கேட்டுக் கொண்டதும் அதிக  நேரம் எடுத்துக்கொள்ளாமல்    உடனே பாடுவது ஆசுகவி எனப்படும் . ஆசுகவி என்றதும் முதல் ஆளாக கண் முன்னர் வந்து நிற்பவர் கவி காளமேகம் . பருவத்தில் பொழியும் மழை போலன அல்லாமல்   கருக்கொண்டதும் பொழியும் மேகம் போல விரைந்து பாடும் ஆற்றல் காளமேகப் புலவரிடம்  உண்டு. இவர் நாற்கவியிலும் பாடும்  புலமையுடையவர். இவருடைய பாடல்கள்   சொற்சுவை, பொருட்சுவை கொண்டவையாக இருக்கும்.   இத்தகைய தனித்தன்மை காளமேகப் புலவரிடம் உண்டு..  எப்போதும் ஒருவருடைய திறமையை மற்றொருவருடைய மனம் ஏற்றுக்கொள்ள மறுக்கும். அவர் ஒன்றும் அப்படியொரு புலமைமிக்கவரல்ல என்பதை நாலுபேர் மத்தியில் மெய்ப்பித்துவிட வேண்டும் என்று மனம் துடியாய்த் துடிக்கும். இது பொறாமையின் வெளிப்பாடு. அதனால் சாத்தியமில்லாதது என்று நினைக்கும் ஒரு எழுத்தையோ, சொல்லையோ, சொற்றொடரையோ கொடுத்து ஒரு பாடல் பாடுக என்று கேட்டு  காளமேத்தை மடக்க வேண்டும் என்று பலர் கேட்டு தோற்றுப்போனதுண்டு. இந்த வரலாறு தெரியாமல்...