Bombay Tamil Teacher

பணி நிறைவுப் பாராட்டு மடல் முட்டி நிற்கும் மஞ்சு தனை தொட்டு விளையாடும் காற்றாலை எட்டு நிற்போரையும் ஏந்தி முகம்  பார்க்க வைக்கும் ஆவரை குளத்தில் கட்டழகு செல்லத்துரை இணையர் பெற்றெடுத்த தலைமகன் செல்லப்பா ஆசிரியர்  வட்டமிட்டு மணமகள் லதாவைத் தொட்டநாள்  திட்டமிட்டு இறைவன் வகுத்தநாள்! ஆஸ்திக்கும் ஆசைக்குமாய்ப் பிள்ளைகள் அன்புக்குக் கிடைத்தப் பரிசுகள்  வானும் நிலவும் போல வாய்த்த திந்த இனிய இல்வாழ்க்கை தேனினும் இனிய திவ்விய நாமத்தைத் தீர்க்கமாய்ப் பற்றி அருட்பணி செய்தலால் வானாதி வானவராம் வல்ல நல்நாதர் வரமாய்த் தந்தணி செய்த நல்வாழ்க்கை! வாணிக்கு வார்த்தையால் தோரணங்கட்டி மணியாம் மாணவரணிதிரட்டி அறப்பணி செய்தீர் பணிசெய் இடமெங்கும் பேச்சுக்கலை வளர்த்தீர் பேரணி திரட்டி பெரும்பெயர்ச்  சேர்த்தீர் அறப்பணி பொதுப்பணி அருட்பணியென தொடர்ப்பணி தொய்வில்லாச் சிறப்பணி யாற்றினீர் குமுகப் பிணி தீர்க்கும் நற்பணியில் முதல்வனாய் நின்று முழுக்களப்பணி ஏற்றீர்! யாருக்குமே நீ செய்வதில்லை வஞ்சம் பாருக்குத் தெரியும் உன் நெஞ்சம் பேருக்கு உழைப்பரிடம் இருக்கும் வஞ்சம் பெருமை உன்னிடம் வெறுமனே துஞ்சும் உ...

இனியது எது.. வாழ்க்கை இனிமையாக இருக்க வேண்டும். அதற்கு என்ன செய்ய வேண்டும் ? கை நிறைய பணம் வேண்டும். ஆசைப்பட்டப் பொருட்கள் எல்லாம் வாங்கி சாப்பிட வேண்டும். விரும்பிய ஆடைகளை எல்லாம்  அணிந்து அழகு பார்க்க வேண்டும். உலகிலுள்ள எல்லா நாடுகளையும் சுற்றிப் பார்க்க வேண்டும். அழகான வீடு வேண்டும். கால்மேல் கால் போட்டு இருந்து சாப்பிட வேண்டும். அன்பான மனைவி  வேண்டும். பேர் சொல்ல அறிவான குழந்தைகள் வேண்டும்.சுற்றம் சூழ வாழ்க்கை இனிதாய்  ஓடிட  வேண்டும். நாளொரு உடை வேண்டும். பொழுதெல்லாம் உடன் நடக்க... உரையாட...  மகிழ்ச்சியையோடு உறவாட நண்பர்கள் உடனிருக்க வேண்டும். ஏன்? எதற்கு ?எங்கே? என்று கேட்காத பெற்றோர் வேண்டும். துள்ளித் திரிய கால்கள் வேண்டும். தொட்டுத் தழுவ ஓடியாட பட்டாம்பூச்சி சூழ் மலர் வனம் வேண்டும். நோயில்லா உடல் வேண்டும். ஏனென்று கேட்க  விழுந்தால் தூக்கிவிட அருகில் வைத்து ஆதரிக்க பிள்ளைகள்  வேண்டும் . இவைதான் இனிமை. இப்படி இனிமை ஆளுக்கு ஆள் காலத்திற்கு காலம் இடத்திற்கு இடம் மாறுபடும்.  வேறுபடும். இவைதான் இனிமை என்று எல்லோரும் நினைத்துக் கொண்டிருக்கிறனர்....

பிளாக் காமடி என்றால் என்ன? நகைச்சுவையை விரும்பாதவர்  எவரும் இருக்க முடியாது. எப்படிப்பட்ட முரட்டு சுபாவம் உள்ளவராக இருப்பினும் நகைச்சுவையான பேச்சினைக் கேட்டதும்  அப்படியே தன்னை மறந்து சிரித்துவிடுவார். தன் கவலைகளை மறக்க வைக்கும் ஆற்றல் நகைச்சுவைக்கு உண்டு. நகைச்சுவை மட்டும் இல்லை என்றால் நம் மனது எப்போதோ வறண்டு போயிருக்கும். இருட்டு போயிருக்கும் . இதனை காந்தியடிகள் கூட தன் சத்திய சோதனை என்ற புத்தகத்தில் குறிப்பிட்டிருப்பார். பாலைவனப் பசுஞ்சோலை போல்  அங்கங்கே சில நகைச்சுவைகள் வந்து நம் மன இறுக்கத்தை தளர்வு செய்து சற்று  அமைதிபடுத்திச் செல்வதால்தான் ஓரளவிற்கு இயல்பாக வாழ முடிகிறது. திரைப்படங்கள் '  வார மாத இதழ்கள் , பத்திரிகை  என்று எல்லா இடங்களிலும் நகைச்சுவை  நிரம்பிக் கிடக்கின்றன.  அவற்றைத்  தூக்கி வந்து நம் கைகளில்  கொடுத்து   சிரிக்க வைக்கும் பணியை அவை  ஓரளவுக்குச் செய்து வருகின்றன.  சிலரிடம் இயல்பாகவே நகைச்சுவை உணர்வு மிகுந்திருக்கும். எதையும் நகைச்சுவையாகப் பேசி கடந்துபோய்விடுவார்கள். தான் இருக்கும் இடத்தை மகிழ்...

மரமது மரத்திலேறி..... ஓர் அரசனுக்கு தனியாக வேட்டைக்குச் செல்ல ஆசை. வேட்டைக்குச் செல்ல வேண்டுமானால் காட்டிற்குச் செல்ல வேண்டும். காட்டிற்கு நடந்து செல்லவா முடியும்?  தேர் வேண்டும்.  தேர் வேண்டும் என்றால் மரம்  வேண்டும்.  மன்னன் பேச்சுக்கு மறு பேச்சு ஏது? மரம் வெட்டி வரப்பட்டது. இப்போது மரத்தாலான தேர்  தயாராயிற்று. தேரை இழுத்துச் செல்ல  குதிரை வேண்டும். குதிரையும் வந்தாயிற்று. வேட்டையாட வெறுங்கையோடு போக முடியுமா? தோளில் மூங்கில் மரத்தின் வளைந்த கொம்புகளால் செய்யப்பட்ட வில் ஒன்றை எடுத்துக் கொண்டான். தோளில் வில்லிருக்க கை வெறுங்கையுடன் இருந்தால் எப்படி? கையில் ஒரு மரப் பிடியாலான வேல் ஒன்றையும் எடுத்துக் கொண்டான். இப்படி ஒரு முழு வேட்டைக்காரனாக மாறி காட்டிற்குள் சென்றான் அரசன். காட்டிற்குள் சற்று தொலைவு  சென்றிருப்பான். ஏதோ ஒரு சலசலப்பு  மேலே செல்லவிடாமல் தடையிட்டது. சற்று நின்று நிதானமாக  கவனிக்கிறான் இப்போது வேங்கை ஒன்று அரசனை நோக்கி வந்துகொண்டிருக்கிறது. சற்றும் தாமதியாமல்  கையிலிருந்த வேலை வேங்கையை நோக்கி வீச வேங்கை சாய்ந்...

நீலச் சிற்றாடைக்கு நேர்  கடையேழு வள்ளல்களுள் முதல் வரிசையில் வைத்து  எண்ணப்படுபவர் பாரி.  முல்லைக்கு  தேர் கொடுத்தார் பாரி என்று காலமெல்லாம் கொண்டாடிக் கொண்டிருக்கிறோம். பாரியை அறிந்திருக்கிற நாம் பாரி மகளிர் பற்றி அதிகமாக தெரிந்திருக்க வாய்ப்பில்லை பாரி மகளிர் என்றால் அங்கவை,சங்கவை  அவ்வளவுதான் நாம் தெரிந்து வைத்திருப்பது. அவர்கள் வரலாறும் நெடியது. இலக்கியத்தோடு தொடர்புடையது. பாரி தன்  இரண்டு மகள்களுக்கும் திருமணம் செய்து வைக்கும் முன்பாகவே  இறந்து விடுகிறார். அதனால்  இவர்களுக்குத் திருமணம் செய்து வைக்கும் பொறுப்பை பாரியின் நண்பரான  கபிலர் என்ற புலவர் கையிலெடுத்து வேற்று நாட்டு மன்னர்களோடு பேசிப் பார்க்கிறார். யாரும் பாரி மகளிரை மணம் முடிக்க முன்வரவில்லை. அந்தக் கவலையில்  இறுதியில் கபிலரும் உயிர் துறந்து விடுகிறார். மன்னன் இல்லா நாடு கதவு இல்லா வீடு போன்றது. யாரும் எந்த நேரத்திலும் வீட்டிற்குள் நுழைந்து அத்தனை பொருட்களையும் அள்ளிப் செல்லலாம். இந்தச் சூழலை மூவேந்தர்கள் தங்களுக்கு சாதகமாகப் பயன்படுத்திக் கொண்டனர். மூவேந்தர்கள் பறம்பு நாட்...

இட்டார் பெரியோர்.... இவ்வுலகில் வாழும் மக்களுள் யார் பெரியவர் என்பதில் போட்டாப் போட்டி. கோவில் திருவிழாவா...நான்தான் பெரியவன். எனக்குத்தான் முதல் மரியாதை வேண்டும். குடும்ப விழாக்களா...நான்தான் மூத்தவன். என்பெயர்தான் அழைப்பிதழில் முதலாவது இருக்க வேண்டும். ஒரு சபையிலா? என்னைத்தான் முதல் வரிசையில் இருத்த வேண்டும். என்னைத்தான்  முதலாவது கூப்பிட வேண்டும். நான்தான் பணக்காரன். எனக்குத்தான் முதல் மரியாதை கிடைக்க வேண்டும். இப்படி  தன்னை பெரியவன் என்று காட்டிக்கொள்ள போட்டா போட்டி நடத்தும் மக்கள் நிறைந்த உலகம் இது. அந்தப் போட்டிதான் பல இடங்களில் பகையாக மாறி பிரிவினையை உண்டுபண்ணி விடுகிறது. இப்படி நீயா நானா என்று அடித்துக் கொள்வதால் ஒருவர் பெரியவர் ஆகிவிட முடியுமா? பெரியவர் என்பது நாமாக முடிவு செய்யக்கூடியது அல்ல. உலகம் நம் அன்றாட நடவடிக்கைகள் மற்றும் செயல்பாடுகளைப் பார்த்து முடிவு செய்து கொள்ளும். இதற்கிடையில் சாதி என்ற ஒன்று இடையில் வந்து தொக்கி நின்று கொள்ளும். என் சாதி உயர்வு. உன் சாதி தாழ்வு என்று குத்திக் கிழித்துக் கொண்டிருக்கும். அட..போங்கப்பா நீங்களும் உங்கள் சாதியும்...

தீதொழிய நன்மை செயல் மனித மனங்கள் வேறுபடுகின்றன. ஆனால் மதங்கள் என்றும் எங்கும் வேறுபடுவதில்லை. சொல்ல வந்த கருத்தில் மாறுபடவுமில்லை. மாறுபடப்போவதுமில்லை. எல்லா மதங்களும் போதித்ததும் போதித்துக்கொண்டிருப்பதும் அன்பை மட்டும்தான். தீமை செய்யுங்கள்  என்று எந்த மதமும் சொல்வதில்லை. தீமையை அனுமதிப்பதும் இல்லை. நன்மை செய்தால் நல்லது கிடைக்கும். தீமை செய்தால் தீமைதான் கிடைக்கும்  என்ற கருத்துக்களை ஆழ விதைத்துச் செல்கின்றன மதங்கள். ஆனால் மதங்களுக்குள் ஏன் இத்தனை மாறுபாடுகள்? வேறுபாடுகள்? மதத்தின் பெயரால் ஏன் சண்டைப் சச்சரவுகள் ? யாருமே மதம் என்ன போதிக்கிறது என்பதை கேட்பதில்லையா? இப்படி ஓராயிரம் கேள்விகள் உங்கள் மனதில் எழலாம். இவை எல்லாவற்றிற்கும் காரணம்  மனித மனங்களுக்குள்  நிரம்பிக் கிடக்கும் மாறுபாடுகளும் வேறுபாடுகளும் அன்றி வேறென்ன சொல்வது? அதனை மக்களுக்கு எப்படி புரிய வைப்பது? நானும் நீங்களும் சொன்னால் கேட்டுவிடவா போகிறார்கள்? மதம் சொல்லியே புரியவில்லை. நாம் சொல்லியா புரியப்போகிறார்கள்? நமக்கென்ன வந்தது? இப்படி ஒவ்வொருவரும்  நமக்கென்ன ...நமக்கென்ன ... என்று வ...