Bombay Tamil Teacher

    மயங்கொலிகள் _  ற  ,  ர அறம் செய விரும்பு. அரம் செய்கிறான். அறையிலிருந்து அரை மயக்கத்தோடு வெளியில் வந்தான். குளக்கரையில் அமர்ந்து கறைபடிந்த ஆடையைத் துவைத்தான். உயர் அதிகாரி துரை தன்  துறைரீதியான அலுவல் நிமித்தமாக மதுரை வந்திருந்தார். இந்தச் சொற்றொடர்களில் றகர ரகர வேறுபாடு இருப்பதைக் காணலாம். இவற்றுள் ஒரு எழுத்துக்குப் பதிலாக இன்னொரு எழுத்தை எழுதிவிட்டால் முற்றிலும் பொருள் மாறிப் போகும். எழுத்துப் பிழையில்லாமல் எழுதுதல் சவாலான ஒன்று. நம்மில் பலர்  வல்லின றகரத்திற்குப்  பதிலாக இடையின ரகரம் போட்டு எழுதி விடுவோம். வறுமை என்று எழுதுவதற்குப் பதிலாக வருமை என்று எழுதிவிடுவோம். அக்கறை என்பதற்குப் பதிலாக எனக்கு உன்மீது அதிக அக்கரை உள்ளது  என்று எழுதி அனுப்பிவிடுவோம். வாசித்துப் பார்த்தவர் அது என்ன நம்மீது அக்கரை இருக்கிறது என்று எழுதி இருக்கிறார். ஆற்றங்கரையா?  குளத்தங்கரையா ? எனத் தேடுவார். இதுகூட பரவாயில்லைங்க.... சட்டையில் கறை உள்ளது என்பது கூட தெரியாமல் கரையைப் போக்க நல்ல  சோப்பு எது என்று எழுதி ஐயம் கேட்டவர்களும் உண்டு. சோப்பால் கரையை...

மகளிர் தினம் பெண்ணே பேரமுதே  பேதை எனும் தமிழமுதே          மண்ணை ஆளலாம் வா விண்ணில் விளையாடிட வா!          பேசும் சித்திரமே பெதும்பை எனும் பேரழகே!              மானே மரகதமே  மடந்தை எனும் மமதையே!                 மங்கா  குலவிளக்கே   மங்கை எனும் மல்லிகையே!                  அன்னமே அழகு ரதமே  அரிவை எனும் ஆரணங்கே!                  தெண்ணீர் தடாகமே  தெரிவை எனும் தேவதையே!                 பேராழியே எங்கள்  போராளியே  பேரிளம் பெண் எனும் பெருமிதமே!                  பருவம் மாறும் பாத்திரமே  திருவாய் கிடைத்த திரவியமே             மண்ணை  ஆளலாம் வா!  விண்ணில் விளையாடிட வா!         ...

      அருமை உடைத்தன்று அசாவாமை... அருமை உடைத்தன்று அசாவாமை வேண்டும் பெருமை முயற்சி தரும்"                                  குறள்  :  611 அருமை _ பெறுதற்கு அரிது உடைத்து  _ உடையது என்று  _  என்று எண்ணி  அசாவாமை _  அயர்ந்து போகாமை ,சோர்வடையாமை வேண்டும் _ இருக்க வேண்டும் பெருமை  _  உயர்வு முயற்சி _ முயலுதல் தரும் _ உண்டாக்கும் , கொடுக்கும் இது செய்வதற்கு அரிது என்று மனம் தளர்ந்து போகக்கூடாது. முயற்சி செய்தால் அதற்கான பெருமை வந்து சேரும். விளக்கம் :  செயல்பட    ஆர்வமாக இருப்பதே எல்லா வெற்றிக்கும் ஆதாரமாக  இருக்கும். எனனால் முடியாது என்று தொடக்க நிலையிலேயே ஒதுங்கி விடக்கூடாது. என்னால் முடியாது என்ற தளர்வு ஏற்படும்போது அதிலிருந்து ஓரு அடிகூட முன்னோக்கி எடுத்து வைக்க முடியாது. என்னால் முடியுமா என்ற கேள்வி மனதிற்குள் எழும்போதே ஒரு தளர்ச்சி வந்துவிடும். எச்செயலையும் என்னால் செய்யமுடியும் என்ற துணிவு கொண்டவரால் மட்டுமே உயர்வு எய்த முட...

    மயங்கொலிகள் _ ண , ன , ந                     நாம் எழுதும்போது இதுவா... அதுவா... என்று மயங்க வைக்கும்  எழுத்துகளை  மயங்கொலிகள் என்கிறோம். அந்த விதத்தில்  எப்போதுமே மயங்க வைக்கும் எழுத்துகளான  ணகரம் னகரம் நகரம் பற்றி  இக்கட்டுரையில் காண்போம். மூன்று சுழி ணகரம் போட்டு எழுத வேண்டுமா அல்லது இரண்டு சுழி னகரம் போடவேண்டுமா அல்லது தந்நகரம் எனப்படும் நகரம் போட்டு எழுத வேண்டுமா என்ற   ஐயம்  ஏற்படுவதற்குக் காரணம் சரியான பொருள் அறியப்படாமை  என்பதை   நாம் ஒத்துக் கொண்டுதான்   ஆக வேண்டும்.   அடுத்து உச்சரிக்கும்போது எழுத்துகளை தவறாக உச்சரிக்கக் காரணம் எழுத்துகள் பிறக்கும் இடத்தைப் பற்றி   நாம் அதிகபடியான அக்கறை எடுத்துக் கொள்ளாததே ஆகும். எழுத்து பிறக்கும் இடத்தையும் அதன்  பொருளையும் சரியாக தெரிந்து  கொள்வோமானால் பேசும்போதும் எழுதும்போதும் தவறுகள் ஏற்பட  வாய்ப்பிருக்காது. 'ண  ' என்பதை டண்ணகரம் என்று  சொல்ல வேண்டும். காரணம் எங்கெல்லா...

சுழன்றும் ஏர்ப்பின்னது உலகம்.... " சுழன்றும்ஏர்ப் பின்னது உலகம் அதனால் உழந்தும் உழவே தலை "                                  குறள்  : 1031 சுழற்றும் -சுற்றித் திரிந்தாலும் ஏர் -உழவுத்தொழில் பின்னது -வழியதே உலகம்-இவ்வுலக மக்கள் அதனால்- அதன் காரணமாக உழன்றும் - துன்பம் துய்தலாயினும் உழவே - உழவுத்தொழிலே தலை- முதன்மையானது. பல தொழில்களைச் செய்து  வரும் இந்த உலகமானது ஏர்த்தொழிலின்  பின்னாலேயே நிற்க வேண்டியுள்ளது. ஆதலால் எவ்வளவு துன்பம்  நிறைந்த தொழிலாக இருந்தாலும் உழவுத்தொழிலே  முதன்மையானதாகும். விளக்கம் : உலகில் பல தொழில்களைச் செய்யும் மக்கள் உள்ளனர். அதனால்தான் இந்த உலக இயக்கம் இன்றளவும் நில்லாமல் இயங்கிக்  கொண்டிருக்கிறது. அனைத்துத் தொழில்களும் ஒன்றுக்கொன்று சார்புடையவை என்பது  மறுக்கமுடியாத உண்மை. இயந்திரமயமான இந்த உலகில் இயந்திரங்கள் இல்லை என்றால் வாழமுடியாது என்ற நிலைக்குத் தள்ளப்பட்டுவிட்டோம். மனிதன் செய்யும் வேலைகளை எல்லாம் பங்கு போட்டுக்கொள்ள இயந்திரங்கள் ...

    மகிழ்ச்சியைத் தேடி...... அனைவருக்கும் மகிழ்ச்சியாக   வாழ வேண்டும் என்று ஆசை.  ஆனால் எது மகிழ்ச்சி என்று  அறிவதில்தான் சிக்கல்.     சிலருக்கு பணம் நிறைய தேடினால்  மகிழ்ச்சியாக இருக்கலாம் என்ற  எண்ணம் இருக்கும்.    இன்னும் சிலருக்கு நல்ல பதவி  இருந்தால் மகிழ்ச்சியாக  இருக்கலாம் என்று தோன்றும்.    சிலர் அழகாக இருப்பவர்கள்  எல்லாம் மகிழ்ச்சியாக இருப்பார்கள்  என்று நினைப்பர்.    நிறைய படித்துவிட்டவர்கள் எல்லாம்  மகிழ்ச்சியாக இருப்பார்கள் என்று   நினைப்பவர்களும் உண்டு.  இப்படி ஆளாளுக்கு மகிழ்ச்சியைப்பற்றி  வெவ்வேறு கண்ணோட்டம் இருக்கும்.    எங்கே மகிழ்ச்சி....  எங்கே மகிழ்ச்சி என்று ஆளாளுக்கு  நாலாபக்கமும் தேடிக் கொண்டிருக்கிறோம்.  ஆனால்  நமக்குள்தான் மகிழ்ச்சி இருக்கிறது  என்பதை யாரும் புரிந்து கொள்வதில்லை.  ஒத்துக் கொள்வதுமில்லை. வெளியில் தேடிக்கொண்டிருப்பதால்தான் பல நேரங்களில் மகிழ்ச்சியைத்  தொலைத்துவிட...

                    வாழ்த்தும் பாராட்டும் வாழ்த்துங்கள். அது உங்களை வாழ்த்தும். பாராட்டுங்கள். அது  உங்களைப் பல பாராட்டுக்களுக்கு உரியவராக்கும்." " உலகுள்ளவரை உவகையோடு வாழ்க." இது ஒரு சாதாரண வாழ்த்து தான். ஆனால் இதன் தாக்கம் எவ்வளவு என்பது நம்மில் பலர் தெரிந்திருக்க வாய்ப்பில்லை. வாழ்த்துகள் ஏதோ பொழுது போகாமல் கூறுகிறார்கள் என்று கூட நினைப்பவர்கள் உண்டு. சில சமயங்களில் கடனே என்று வாழ்த்துகள் அனுப்புவதும்  உண்டு. வாழ்த்துகள் கூறுவதற்கு அவ்வளவு சிரத்தை எடுத்துக் கொள்வதில்லை. இது சோம்பேறித்தனமா அல்லது நாம் வாழ்த்தும் அளவுக்கு இவர் அப்படி ஒன்றும் பெரிய ஆளா என்ற நினைப்பா என்று சொல்லத் தெரியவில்லை. இதே போன்றுதான் பாராட்டவும் பலமுறை தவறி விடுகிறோம். ஆனால் ஒவ்வொரு பாராட்டும் நம்மில் எப்படி எல்லாம் தாக்கத்தை ஏற்படுத்தி இருக்கிறது.... இல்லை ...இல்லை.. தூக்கி நிறுத்தி இருக்கிறது என்பதைச்  சற்றே பின்னோக்கி திரும்பிப் பார்த்தால் புரியும். அம்மா  மடியில் படுத்திருக்கும்போது அம்மாவி...